اوتگن “چهارشنبه” کونی شام چاغیده تخار ولایتی نینگ بهارک تومنی‌نی هزاره قرلق منطقه‌سیده، ملی اردو کوچلری تامانیدن اویوشتیریلگن هوایی هجوم عاقبتیده، قیزلر شامل ۱۲ باله هلاک ایتیلگن، لیکن جمهورلیک ریاستی بیرینچی اورین باسری امرالله صالح، مذکور واقعه‌ده باله‌لرنینگ هلاک ایتیلگنی‌نی رد قیلیب و بو توغریده گزارش بیرگن کیشی‌لر بیلن قانونگه کوره یول باریلیشی‌نی بیلدیرگن ایدی.
بیراق، انسان حقوقی نینگ کوزه‌تووچی اداره‌سی، جناب صالح نینگ بو حرکتی‌گه قرشی واکنش کورستگن.
اوتگن “پنجشنبه” کونی انسان حقوقی نینگ کوزه‌تووچی اداره‌سی نینگ بیر خبرنامه نشر قیلیب ایتیشیچه، جناب صالح تینچ اهالی تلفاتی‌دن گزارش نشر قیلگن کیشی‌لرنینگ قولگه آلینیشی خصوصیده بویروغ بیرگن.
انسان حقوقی نینگ کوزه‌تووچی اداره‌سی، افغانستان دولتی بوتوغریده قولگه آلینگن کیشی‌لرنی قوییب یوباریلیشینی سوره‌گن.
اوشبو اعلامیه‌ده انسان حقوقی نینگ کوزه‌تووچی اداره‌سینی آسیا ایش‌لریچه بوییچه مدیری یاتریشیا گاسمن دن نقل قیلینیب ایتیلیشیچه، امرالله صالح تینچ اهالی تلفاتی‌دن گزارش بیرگن کیشی‌لرنینگ سیس‌لرینی خاموش قیلیش اوچون سعی و حرکت قیله‌دی.
بو اداره نینگ آسیا ایش‌لری بوییچه مدیری، تخار ولایتیده دولتی کوچلر تامانیدن اویوشتیریلگن هوایی هجوم تیکشیریلیشی‌نی ایسته‌گن.