د اسلامي امارت ویاند ذبیح الله مجاهد کابل ښار کې د چاودنو غږونو اورېدل تاییدوي، خو وايي چې د اندېښنې وړ خبره نشته.
هغه تېره شپه پر اېکسپاڼه ولیکل: «کابل ښار کې د یوې چاودنې غږ اوریدل شوی، خو څوک دې تشویش نه کوي، خیر او خیرت دی.»
د ښاغلي مجاهد په وینا، د پېښې پلټنې روانې دي او تر اوسه د کوم زیان په اړه راپور نه دی ورکړل شوی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ورته وخت کې د ټولنیزو شبکو ګڼ شمېر کاروونکو لیکلي چې تېره شپه پر کابل ښار هوايي برید شوی چې دا د افغانستان له ځمکنۍ بشپړتیا ښکاره سرغړونه ده.
دوی ویلي چې د قوي چاودنو او د بېپیلوټه الوتکو د ګرځېدو غږونه یې هم اورېدلي دي.
ورته وخت کې یو شمېر رسنیو راپور ورکړی چې پاکستان کابل ښار کې د پاکستاني طالبانو تحریک یا ټي ټي پي پر مشر برید کړی.