سپینې ماڼې په یوې خپرپاڼه کې ویلي چې د امریکا ولسمشر جو بایډن د دوو ځانګړو فرمانونو په ترڅ کې په افغانستان کې د افغان کډوالو او امریکا ته د مهاجرت د ځانګړې ویزې د غوښتونکو د چارو لپاره ۳۰۰ میلیونه ډالره ځانګړي کړي دي. د سپینې ماڼې د خبرپاڼې له مخې، دغه دوه فرمانونه پرون ورکړل شوي دي.

د لومړي فرمان پر بنسټ، د امریکا د مهاجرینو او پناه غوښتونکو د اضطراري مرستو د صندوق څخه ۱۰۰ میلیونه ډالره په افغانستان کې د روان وضعیت له امله په غیر منتظره ډول د بې‌ځایه شویو کډوالو د اړتیاو او هم امریکا ته د مهاجرت د ځانګړې ویزې د غوښتونکو د چارو لپاره ځانګړې شي.

د سلام‌وطندار پښتو فېسبوک‌پاڼه وڅارئ

سپینې ماڼۍ ویلي چې دغه مرستې ښايي د اړتیا په صورت کې په دوه اړخیزه او څو اړخیزه توګه د نړیوالو سازمانونو له هغې ډلې غیرې دولتي سازمانونه، ادارې او امریکایي بنسټونو له لوري ورکړل شي.

په دویم فرمان کې راغلي چې ۲۰۰ میلیونه ډالره نور دې د ادارو او د امریکا د وزارتونو له منابعو څخه د ګډوالو، د جګړود قربانیانو او امریکا ته د مهاجرت د ځانګړې ویزې غوښتونکو ته ځانګړې شي.

د امریکا متحده ایالات په داسې حال کې د کډوالو د وضعیت او د دغه هېواد د ځانګړو ویزو غوښتونکو سره د ۳۰۰ میلیونه ډالرو مرسته کوي چې له دې وړاندې نړیوالو سازمانونو له هغې ډلې د کډوالو په چارو کې د ملګرو‌ملتونو عالي کمېشنرۍ په افغانستان کې د وضعیت خرابېدو په اړه خبرداری ورکړی وو.



دا په داسې حال کې ده چې تمه ده امریکا په نږدې راتلونکي کې د افغان ژباړونکو لومړۍ ډله امریکا ته بوځي. رسنیو راپور ورکړی په دغه ډلې کې چې د امریکایي ځواکونو افغان ژباړونکي او همکاران شامل دي شمېر یې۲۵۰۰کسانو ته رسېږي او له خپلو کورنیو سره یوځای به امریکا ته ولېږدول شي.

د راپورونو له مخې، تراوسه ۲۶۵۰۰ ځانګړې ویزې د امریکایي ځواکونو محلي همکارانو ته ځانګړې شوي دي.

 د تیرې اوونۍ د پنجشنبې پر ورځ د امریکا کانګرس یوه طرحه تصویب کړه چې له مخه یې ۸۰۰۰ نور افغانان هم کولای شي چې د امریکا د کډوالۍ ځانګړې ویزې ترلاسه کړي. دغه طرحه د امریکا سنا جرکې تراوسه نه ده تصویب کړې.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام