د کابل د نوي ښار د زینتي توکو کوڅه یا «انتیکفروشي» چې کلونه تاریخ لري او د قیمتي او زینتي توکو د راکړې ورکړې تر ټولو ستر مرکز بلل کېږي، اوس یې بازار له رکود سره مخ دی.
په انتیکفروشي کوڅه کې د زینتي توکو یوشمېر هټۍوال وايي چې واک ته د اسلامي امارت تر رسېدو وروسته یې، پېردونکي خورا کم شوي او بازار یې مخ په ځوړ روان دی.
د سلاموطندار پښتو فېسبوکپاڼه وڅارئ
د دوی په وینا، له دې وړاندې به دغې کوڅې ته ډېری وخت بهرنیان د زینتي توکو د پلور لپاره ورتلل، خو په هېواد کې د سفارتخونو له تړل کېدو وروسته دغه بازار ته هېڅ بهرنی وګړی د زینتي توکو د پلور لپاره نه دی ورغلی.
د زینتي توکو کوڅه کې یو هټۍوال عبدالجبار نظري سلاموطندار ته وویل: «په انتیکفروشي کوڅه کې بازار صفر دی. پلور او پېر نشته. د اسلامي امارت له راتګ وروسته، خو بېخي خراب شوی. بهرنیان او سیلانیان نه راځي او له همدې امله بازار صفر دی.»
په همدې حال کې د دغه بازار د هټۍوالو مرستیال محمداکبر سمندري وایي، که په کابل کې سفارتونه بېراته پرانستل نهشي او بهرنیان بیا دغه لرغوني بازار ته ورمات نهشي، ښایي د یاد بازار ډېری هټۍ په نږدې راتلونکې کې وتړل شي او مالونه یې پر هټۍوالو ورتاوان شي.
بل لور ته بیا د صنایعو او سوداګري وزارت د پروګرامونو د تنظیم رییس احسانالله پذیر سلاموطندار ته ویلي چې دوی له بېلابېلو هېوادونو سره په اړیکه کې دي، څو د افغان سوداګرو او صنعتکارانو لپاره په نندارتونونو کې د ګډون زمینه برابره او د توکو لپاره یې د بازارموندنې په برخه کې مرسته وکړي.
لاسي صنایع، لرغوني توکي، قیمتي کاڼي، پخواني جګړهییز وسایل، لرغوني لوښي او ګاڼې هغه توکي دي چې په دغه بازار کې د پلور لپاره کېښودل شوي، خو اوس له ګڼېګوڼې خالي او د خرڅلاو مزه یې نشته.
