لغمان کې د والي پر وړاندې د خلکو غبرګ لاریونونه

سلګونو کسانو نن سهار د لغمان والي رحمت‌الله یارمل پر وړاندې غبرګ لاریونونه کړي او له حکومته یې د هغه د لرې کېدو غوښتنه کړې ده.
لاریونوال چې د مرکز مهترلام ښار عبدالله څلورلارې او کابل‌ـ‌جلال‌اباد پر لویې لارې سرخکانو کې ورټول وو، د لغمان والي رحمت‌الله یارمل یې په دغه ولایت کې پر فساد، غصب، ناکارۍ او قومي شخړو ته پر لمنې وهلو تورن کړ او له حکومته یې وغوښتل چې ژرترژره یې له دندې لرې کړي.

د ماليې وزير عبدالهادي ارغندیوال له دندې ګوښه شو

د جمهوري رياست د چارو د ادارې له لوی رياسته په خپره شوې خپرپاڼه کې راغلي چې د افغانستان اسلامي جمهوریت رييس په بېلابېلو حکمونو کې د مالیې وزیر عبدالهادي ارغندیوال ګوښه کېدل او د محمد‌خالد پاینده د مالیې وزارت د سرپرست په توګه منظور کړي دي.