د کابل په خصوصي وړکتونونو کې د ماشومانو شمېر ۸۰ سلنه کم شوی
د کابل ښار د ډېریو خصوصي وړکتونونو مسوولان وايي چې له تېرو دوو کلونو راهیسې په دغو وړکتونونو کې د ماشومانو شمېر ۸۰ سلنه کم شوی دی.
د کابل ښار د ډېریو خصوصي وړکتونونو مسوولان وايي چې له تېرو دوو کلونو راهیسې په دغو وړکتونونو کې د ماشومانو شمېر ۸۰ سلنه کم شوی دی.
کابل ښار کې د ناروغانو یوشمېر پایوازان شکایت کوي چې یو ډول درمل په بېلابېلو درملتونونو کې بېلابېلې بیې لري او په وینا یې، درمل پلورونکي د هر ډول درملو لپاره په خپل سر بیې ټاکي. دوی له سرپرست حکومت، په تېره د خوړو او درملو ادارې څخه غواړي چې بازار کې د درملو بیې کنټرول کړي.
کابل ښار کې یوشمېر لاسي کراچۍ چلوونکي د بېوزلۍ او لوږې له امله شکایت کوي. دوی سلاموطندار ته وايي چې ډېری وخت د خوړو نشتون له کبله اوونۍ کې څو شپې په لوږه وېده کېږي. عبدالرحمان چې کابل ښار کې کراچۍ چلوي وايي، له سهار تر ماښامه د پلازمینې پر سړکونو تېروي، څو خپلې کورنۍ ته یوه مړۍ ډوډۍ پیدا کړي.
د کابل ښار د مکروریانو اوسېدونکو ته د څښاک اوبو رسولو پروژه چې ۳۵ میلیونه افغانۍ لګښت پرې راغلی، بشپړه او نن ګټې اخیستنې ته وسپارل شوه.
د ریاست الوزرا اقتصادي معاونیت نن چهارشنبه د (وږي ۲۳) پر خپله ټوېټرپاڼه لیکلي چې د کابل ښار له بېلابېلو سیمو څخه یې تراوسه د ښځو او ماشومانو په ګډون ۵۹۱۴ سوالګر راټول کړي دي. همداراز د کابل له بېلابېلو سیمو څخه په راټولو شویو ۵۱۸ نارینه سوالګرو کې ۱۳۸ یې مستحق او ۳۸۰ یې مسلکي ښودل شوي دي.
نږدې یوه میاشت کېږي چې د اسلامي امارت مشر هبتالله اخوندزاده د سوالګرو راټولولو او اړمنو سره د مرستې لارښوونه کړې ده. دا لارښوونه داسې مهال شوې چې افغانستان کې د پخوا په پرتله بېوزلي ډېره شوې او ښارونو کې د سوالګرو شمېر هم زیات شوی دی.
کابل ښاروالۍ اعلان کړی چې د ښار په کچه یې له بلبورډونو او د سوداګریزو اعلانونو له لوحو څخه د «غیرشرعي انځورونو» د پاکولو بهیر پیل کړی دی. دغه بنسټ نن پر خپل ټویټرپاڼه لیکلي: «د کابل په بېلابېلو سیمو کې له بلبورډونو او لوحه څخه د غیرشرعي انځورونو او اعلاناتو د پاکولو بهیر روان دی.»
د کابل ښار یوشمېر اوسېدونکي په دغه ښار کې له بد امنیتي وضعیت څخه اندېښنه ښيي او وايي، سره له دې چې د اسلامي امارت امنیتي چارواکي په کابل ښار کې د امنیت د ټينګښت ډاډ ورکوي، خو دغه هڅې د پام وړ پایلې نه لري.
د طالبانو له لوري د کابل تر نیولو دوه ورځې وروسته، د دې ډلې ویاند ذبیحالله مجاهد چې له دې وړاندې د نوموړي تصویر په رسنیو کې نه و خپور شوی، په خپله لومړۍ خبري غونډه کې چې بېګاه شپه یې د اطلاعاتو او رسنیو مرکز کې جوړه کړې وه، وایي، په ټولنه کې د ښځو حضور او فعالیت ته شدیده اړتیا ده.
د کابل ښار په یوشمېر ښوونځیو کې ځینې سرچینې وايي چې د عبدالقهار عاصي ښوونځی سره له دې چې له څلور زرو ډېر زدهکوونکي لري، خو لپاره یې یوازې ۶۷ ښوونکي او سرښوونکي لري.
افغانستان کې جګړې، ناامنۍ او بېوزلي لامل شوې چې ډېری ماشومان بېسرپرسته ژوند وکړي. د دغو ماشومانو له ډلې يو شمېر يې له ټولو ستونزو زغملو سربېره خپلو کورنیو لپاره د ډوډۍ راوړونکي دنده پر غاړه لري.
کابل ښار نن سهار د درېوو بېلابېلو چاودنو شاهد و.
د کابل امنیه قومانداني تاییدوي چې په دغو چاودنو کې ۵ کسان وژل شوي او ۲ نور ټپیان دي.
د کابل د امنیې قومانداني ویاند فردوس فرامرز وايي، لومړۍ چاودنه چې نن سهار شاوخوا ۸ بجې د شپږمې امنیتي حوزې اړوند د دارالامان پر سړک پر یوه کرولا ډوله موټر شوې ده. د نوموړي په وینا، په دې چاودنه کې دوه کسان ټپیان شوي او د درملنې لپاره روغتون ته لېږدول شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون