پاکستان او ایران کې افغان خبریالانې: له ناڅرګندې راتلونکې سره مخامخ یوو

په پاکستان او ایران کې مېشتو اووه‌لس افغان ښځینه خبریالانو چې دیارلس یې په پاکستان او څلور نورې په ایران کې دي، له سلام‌وطندار سره په مرکو کې ویلي چې په یادو هېوادونو کې د ژوند سختې شپې او ورځې تېروي او له ناڅرګندې راتلونکې سره مخامخ دي. دا خبریالانې وايي چې افغانستان کې له وروستي بدلون وروسته یې کډوالۍ ته مخه کړې ده.

د مطبوعاتو ازادۍ نړیواله ورځ؛ ښځینه خبریالانې: دوه‌ګوني چلن سره مخ یوو

د مطبوعاتو د ازادۍ له نړیوالې ورځې سره هم‌مهاله هېواد کې یو‌شمېر ښځینه خبریالانې سلام‌وطندار ته وايي چې له نږدې دوو کلونو راهیسې اطلاعاتو ته د لاسرسي برخه کې له جنسیتي تبعیض سره مخ دي.

دغه ښځینه خبریالانې د ا.ا له مسوولانو غوښتنه کوي چې اطلاعاتو ته د لاسرسي برخه کې دې ورسره دوه‌ګونی او تبعیضي چلن نه کوي.