ا.ا: ملا فضل‌الرحمان له پاکستانه د «پر باور ولاړې همکارۍ» پیغام راوړی و

د ا.ا ویاند ذ.بېح‌الله م.جاهد سلام‌وطندار ته ویلي چې د پاکستان د جمعیت علما ګوند مشر ملا فضل‌الرحمان کابل ته د خپل سفر په لومړۍ ورځ د سرپرست حکومت له یوشمېر لوړپوړو چارواکو سره په کتنه کې د دوه‌اړخیز باور پر بنسټ د افغانستان او پاکستان ترمنځ پر ګډو همکاریو ټینګار کړی دی.

محمداشرف غني: افغانان دې له هر ډول تفرقې او اختلاف ځان وساتي

د افغانستان مخکيني ولسمشر محمداشرف غني د عاشورا ورځې په اړه يوه پيغام کې ويلي چې افغانان دې له هر ډول تفرقې او اختلاف څخه ځان وساتي.
نوموړي نن (د زمري پنځمه، د پنجشنبې ورځ) پر خپلې فېسبوک‌پاڼې ليکلي، افغانان دې له تفرقې لاس واخلي او د محرم نمانځنه دې پر يووالي او ورورولۍ بدله کړي.

کندهار ته د قطر چارواکو سفر؛ شنونکي: د ملګرو ملتونو د وروستۍ غونډې پیغام یې راوړی

د سیاسي چارو شنونکي کندهار ته د قطر د لوړپوړي پلاوي سفر او هلته د اسلامي امارت له لوړپوړو چارواکو سره یې د لیدنې په اړه وايي، دغه سفر د نړیوالې ټولنې د هغه پیغام رسولو په موخه و چې په دوحه کې د ملګرو ملتونو په وروستۍ غونډه کې یاد شوی و. دغه پلاوي په کندهار کې له رییس‌الوزرا محمدحسن اخوند په ګډون، له یوشمېر چارواکو خبرې کړې دي.

زابل کې د «پیغام» په نوم یوې راډیو فعالیت پیل کړ

په زابل کې د پیغام په نوم یوې غږیزې رسنۍ خپل نشرات پیل کړل. د پیغام راډیو د نشراتو مسوول روح‌الله حکیمي وايي چې د یادې راډیو په نشراتي پالیسي کې یې د دغه ولایت د اوسېدونکو کلتوري او ټولنیزو غوښتنو ته ځای ورکړی دی.

کابل او یو‌شمېر ولایتونو کې نن د عاشورا ورځ ولمانځل شوه

نن په کابل او یو‌شمېر ولایتونو کې شیعه‌‌ګانو له امنیتي ګواښونو سره-سره د محرم لسمه یا د عاشورا ورځ ولمانځله. د کابل په لوېدیځ حسینیه خاتم الانبیا کې د ا.ا د ځینو چارواکو ترڅنګ سلګونو کسانو هم د عاشورا مراسمو کې ګډون کړی وو.

هبت‌الله اخند‌زاده په خپل اختریز پیغام کې د ا.ا په رسمیت پېژندلو غوښتنه کړې

د اسلامي امارت مشر ملا هبت‌الله اخند‌زاده د  کوچني اختر په مناسبت په خپل پیغام کې ویلي چې افغانستان د نړۍ په امنیت او سوله کې مهمه ونډه لري او اړتیا ده چې نړیواله ټولنه باید د دوی حکومت په رسمیت وپېژني، څو شته ستونزې د ډپلوماټیکو نورمونو او اصولو په چوکاټ کې په رسمي او مسوولانه توګه حل کړي.

د پاکستان کورنی کړکېچ؛ شیخ رشید احمد: د عمران‌خان ماتې نه منم

په داسې حال کې چې ټاکل شوې راتلونکې یکشنبه د پاکستان پارلمان د دغه هېواد لومړي وزیر عمران‌خان ته په واک کې د پاتې کېدو او یا هم له واک څخه د ګوښه کېدو لپاره رایې وکاروي، د دغه هېواد د کورنیو چارو وزیر ویلي چې د لومړي وزیر ماتې نه مني او ترڅنګ یې ولاړ دی.

اشرف غني: له ملي مشروعیت پرته نړیوال مشروعیت ناشونی دی

د افغانستان مخکیني ولسمشر محمداشرف غني ویلي، افغانان اوس په دوو کې راګیر دي او د پخوانیو تېروتنو تکرار او پر انحصار تکیه به افغانستان کې یو ځل بیا د جګړې اور تازه کړي. مخکیني ولسمشر زیاته کړې چې افغانان په سختو شرایطو کې د نوي کال د راتلو شاهدان دي.

غني د فېسبوک په محکمه کې؛ تښتېدلی ولسمشر که بابا؟

د زمري په ۲۴مه د مخکیني ولسمشر محمداشرف غني د حکومت له پرځولو او د هغه له تېښتې وروسته، د اسلامي امارت ځواکونه کابل ته دننه شول او په بشپړه توګه یې افغانستان تر خپلې ولکې لاندې کړ. اوس چې د محمداشرف غني له تېښتې نږدې دوه میاشتې تېريږي، یو‌شمېر هېوادوال لا هم نوموړی د «بابا» په نوم یادوي.

غني: هڅه کوو د جګړې د پراختیا او افغانانو د وژنې مخه ونیسو

ولسمشر محمداشراف غني په هېواد کې د روان وضعیت په اړه ملت ته په یوه ویډیویي پیغام کې وویل، اجازه نه ورکوي د وروستیو دوو لسیزو لاسته راوړنې له منځه لاړې شي او هڅه کوي په هېواد کې د روانې جګړې او د بې ګناه افغانانو د وژنې مخه ونیسي. هغه په هېواد کې روانه جګړه پر افغانانو تحمیل شوې وبلله.

غني: طالبان سولې ته اراده نه لري

ولسمشر محمداشرف غني نن د لوی اختر له لمانځه وروسته ملت ته په خپل اختریز پیغام کې پر وسله‌والو طالبانو د نیوکې په توګه وویل چې دغې ډلې د جګړې په ډېرولو سره وښوده چې سولې ته اراده نه لري او د ۵۰۰۰ طالب بندیانو خوشې کېدو، دغه ډله تراوسه د سولې په اړه جدي خبرو ته نه ده راضي کړې. ولسمشر له طالبانو وغوښتل چې د عامه تاسیساتو له ویجاړولو لاس واخلي.

غني طالبانو ته: د سولې په اړه له شته فرصته ګټه واخلئ

ولسمشر غني له طالبانو وغوښتل چې د افغان سولې بهیر په اړه د روان فرصت هرکلی وکړي او سولې ته دې غاړه کېږدي. ولسمشر غني نن د کوچني اختر له لمانځه وروسته وویل، د بهرنیو ځواکونو له وتلو سره سم د سولې ټینګښت لپاره ستر فرصت رامنځته شوی او له طالبان باید له دغه تاریخي فرصت څخه ګټه واخلي او سوله وکړي. ولسمشر غني وویل، د طالبانو لپاره د ولس او جمهوریت غېږه خلاصه ده او دا ډله دې هم د ټولنې بېلابېلو پوړونو ته درناوی وکړي.