د کلیو بیارغونې او پراختیا وزارت د سرپرست پر وړاندې د پکتیاوالو لاریون

د پکتيا يوشمېر اوسېدونکو د مدني ټولنو او قومي شوراګانو استازیو نن په یوه لاریون کې د کليو بيارغونې او پراختيا سرپرست وزير مجيب‌الرحمان کريمي او ځايي اداره له خلکو سره پر توپيري چلن تورن کړل.
د پکتيا په مرکز ګردېز کې لسګونو لاريونوالو د مجيب‌الرحمان کريمي پر ضد لاريون وکړ او له ولسمشر محمداشرف غني څخه يې وغوښتل چې نوموړی له دندې لرې کړي.

پکتیاوالو د کرېکټ بورډ پر وړاندې لاریون وکړ

شاوخوا درې سوه ځوانانو نن د پکتيا په مرکز ګردېز کې د کرېکټ لوبغاړو او د مدني ټولنو استازو سره یوځای د کرېکټ بورډ ادارې پر وړاندې لاريون وکړ.
لاريونوالو د کرېکټ بورډ مسوولان په خپلو دندو کې پر ناغېړۍ او توپيري چلن تورن کړل او په دغه ولایت کې یې د کرېکټ د معیاري لوبغالي د جوړېدو غوښتنه وکړه.

د هېواد موسسې په فعالیتونو کې فساد؛ پکتیاوالو یې د دفتر دروازه وتړله

د پکتيا يوشمېر مدني فعالانو، قومي مشرانو او ځوانانو د هېواد موسسې له لوري روغتیايي مرکزونو ته پر خپل وخت د خدمتونو نه وړاندې کولو، د کارکوونکو په ګومارنه کې د بې‌غورۍ او فساد له کبله د دې موسسې د دفتر دروازه وتړله.