نورستان کې غر ښوویېدنه؛ تراوسه ۱۳جسدونه رااېستل شوي

د نورستان د نورګرام په «تتین دره» کې د «وړمې شپې» د غر ښوویېدنې له امله د یوشمېر هغو کسانو جسدونه رااېستل شوي چې تر خاورو لاندې وو.

سیمه کې ځايي مسوولان وايي، تېره ورځ یې ۱۲ او «نن سه‌شنبه کب لومړۍ» سهار یې یو جسد رااېستلی او د پاتې نورو جسدونو د ایستلو هڅې روانې دي.

نورستان کې چاودنې دوه ماشومان وژلي او یو بل یې ټپي کړی

د نورستان محلي مسوولان وايي چې د دغه ولایت په اړوند سیمه کې د ناچاودو توکو د چاودنې له کبله دوه ماشومان وژل شوي او یو بل ټپي دی.

د یاد ولایت د والي ویاند سیف‌الله لټون ویلي چې پېښه نن شنبه د غبرګولي څلورمه د نورستان د وانټ‌وایګل ولسوالي د «سامګل» په دره کې رامنځته شوې ده.

نورستان کې د دوو قومونو د ۲۶ کلنې دوښمني پای؛ ۵۰۰ کسان وژل شوي

د نورستان په کامدېش ولسوالي کې د ځمکې پر سر د کاموز او کشتوز قومونو ترمنځ ۲۶ کلنه دوښمني پای ته ورسېده او بېرته خپلو کلیو ته وګرځېدل.
د کشتوز قوم یو مشر محمدنعیم وايي، د ځمکې او اوبو پر سر دې دوښمنۍ کې چې له تېرو ۲۶ کلونو راهیسې روانه وه، د دواړو قومونو ۵۰۰ کسان وژل شوي دي.

نورستان کې یوه کس خپل پلار په مرموز ډول وژلی

په نورستان کې یوه شل کلن  ځوان د خپلو ملګرو په مرسته خپل پلار د تبر په ګوزارونو وژلی دی. د نورستان ولایت ځایي چارواکي وایی چې دغه پېښه پرون د دې ولایت په اړوند وانټ وایګل ولسوالي کې رامنځ ته شوې ده.

د نورستان اوسېدونکي: ملي پارک مو ساده ژوند نه دی بدل کړی

نورستان چې دوه کاله وړاندې د ملي پارک په نوم ونومول شو، مرکز پارون يې د ګوتو په شمېر هټۍ لري او اکثریت خلک یې درو او کلیو کې اوسېږي. له مرکز پارون ۴۰ کیلومتره لرې «کانتياو دره» کې چې د څارویو لپاره پراخ څړځایونه لري، ژوند په بشپړه توګه ساده او د خلکو لګښتونه له خپلې مالدارۍ دي.

نورستان کې سېلابونه؛ تر اوسه ۶۵ جسدونه پیدا شوي

د نورستان چارواکي وايي، د ختیځ نورستان په کامدېش ولسوالي کې د سېلابونو له امله د ۱۸۰ ورکو خلکو له جملې تر اوسه ۶۵ جسدونه موندل شوي دي.
د نورستان والي حافظ عبدالقیوم سلام‌وطندار ته ویلي چې د سېلاب وړیو په ډله کې مېرمنې، ماشومان او سپین‌ږیري شامل دي.

نورستان کې سېلابونو یو کلی وړی

د نورستان والي حافظ عبدالقیوم سلام‌وطندار ته ویلي چې سېلابونو تېره شپه شاوخوا دولس بجې د ختیځ نورستان په کامدېش ولسوالي کې د میردېش په نوم کلي لسګونه کورونه له انسانانو او حیواناتو سره وړي دي. د هغه په خبره، د لومړنیو معلوماتو له مخې، لسګونه کسان په‌کې مړه شوي هم دي. نوموړی وايي، یاده سیمه د طالبانو په ولکه کې ده او د حکومتي مرستو رسولو او ژغورنې ډلګیو ته د تګ اجازه نه ورکول کېږي.

طالبانو د نورستان دواب او منډول ولسوالۍ نیولي

یوې حکومتي سرچینې د نوم نه ښودو په شرط سلام‌وطندار ته ویلي، بېګاه شپه د نورستان ولایت له دوو ولسوالیو، دواب او منډول څخه امنیتي
سرتېري وتلي او دغه دواړه ولسوالۍ وسله‌والو طالبانو نیولي دي. د سرچینې په وینا، دغه دواړه ولسوالۍ له څه مودې راهیسې د وسله‌والو طالبانو تر سختې کلابندۍ لاندې وې چې بېګاه شپه د وسله‌والو طالبانو له لوري نیول شوي دي.