له پاکستانه د سپین‌بولدک له لارې درېوو ورځو کې ۱۴۲ کورنۍ هېواد ته راستنې شوي

د کندهار محلي مسوولان وايي چې د دغه ولایت د سپین‌بولدک له لارې له پاکستان څخه په تېرو درېوو ورځو کې ۱۴۲ کورنۍ بېرته هېواد ته راستنې شوې دي.

د کندهار د والي ویاند حاجي عزیز سلام‌وطندار ته ویلي چې د روانې غويي میاشتې په ۲۳مه، ۲۴وه او ۲۵مه ۱۴۲ کورنۍ چې ټول ۸۶۰ کسان کېږي، بېرته هېواد ته راستانه شوي دي.

حامد کرزي د افغانستان د سیاسي ستونزې حل لپاره د ملي خبرو وړاندیز کړی

د افغانستان پخواني ولسمشر حامد کرزي له خپلو سیمه‌ییزو او نړیوالو سفرونو او هېواد کې سیاسي ناورین څخه د وتلو لپاره ځینو سیاسي او قومي جریانونو سره تر لیدنو وروسته، واشنګټن پوسټ ورځپاڼې سره خبرو کې ویلي، د افغانستان اوسني ناورین څخه د وتلو لپاره ملي خبرو ته اړتیا ده.

د سپین‌بولدک-چمن لار پرانېستل شوه

د کندهار د سپین‌بولدک-چمن لار چې له یوې اوونۍ راهیسې تړل شوې وه، نن بېرته پرانېستل شوه. تېره اوونۍ دغه لاره وروسته له هغې وتړل شوه چې پر ډیورنډ کرښه د سپین‌بولدک-چمن دروازه کې یوه ناپېژنده وسله‌وال یو پاکستانی سرتېری وواژه او دوه نور یې ټپیان کړل. دغه دروازه د پاکستان له لوري تړل شوې وه. تراوسه په رسمي توګه د دغه برید لامل نه دی معلوم.

د هلمند اوسېدونکي: د ګڼې‌ګوڼې مخنیوي لپاره دې پر هلمند سیند بل پُل جوړ شي

د هلمند پر سیند جوړ شوی یوازینی پُل چې د دغه ولایت لس ولسوالي له مرکز لښکرګاه ښار سره نښلوي د زیاتې ګڼې ګوڼې له امله ډېری وخت بند وي.

له مرکز لښکرګاه ښار سره د یادې لویې لارې د بندېدو له امله خلک له ګڼو ستونزو سره مخ دي.

سوداګر: د ډنډپټان د دروازې تړل‌کېدو له امله د ورځې زرګونه افغانۍ زیان رارسېږي

د پکتیا ډنډپټان ولسوالي کې له پاکستان سره ډیورنډ کرښه کې د موټرو د تګ‌راتګ او مسافرو پرمخ د دروازې د تړل‌کېدو له امله ګڼ‌شمېر سوداګرو ته مالي زیانونه اوښتي دي. د یاد ولایت د سوداګرۍ او پانګونې خونې مسوول حسیب‌الله ګردېزي ویلي چې له تېرو پنځو ورځو راهیسې دغه لاره تړل شوې او دواړو لوریو ته سلګونه موټر بند پاتې دي.

پکتیا کې د خپل‌منځي شخړې له امله یو کس وژل شوي او ۸ ټپیان دي

په پکتیا کې د دوو کورنیو ترمنځ د خپل‌منځي شخړې له امله یو کس وژل شوی او ۸ نور ټپیان شوي دي. پېښه نن سهار د یاد ولایت د زرمت ولسوالي اړوند د «کولالګو» په سیمه کې د دوو کورنیو ترمنځ رامنځته شوې ده. عمر بدري همداراز ویلي، پېښه کې د یوې کورنۍ یو کس وژل شوی او درې ټپیان دي او له بلې کورنۍ بیا پنځه کسان ټپیان شوي دي.