ا.ا ایران ته: افغان کډوال په زوره مه باسئ، ویې هڅوئ چې بېرته راشي

د ا.ا ویاند ذ.بېح‌الله م.جاهد د ایران د بهرنیو چارو وزیر حسین‌امیر عبداللهیان د څرګندونو په غبرګون کې چې ویلي یې دي، افغانستان دې د افغان کډوالو د بېرته ستنولو لپاره اسانتیاوې برابرې کړي وايي، دغه هېواد باید افغانانو ته لا ډېر فرصت ورکړي او هغوی په زوره را ونه باسي.

د ترهګرۍ ګواښ د پېښېدو ادعا؛ شنونکي: پاکستان غواړي نړۍ ته ځان مظلوم وښيي

د پاکستان پوځ په یوې خبرپاڼه کې ادعا کړې چې افغانستان کې شته ترهګري اسلام‌اباد لپاره ګواښ دی او د دغه هېواد حکومت باید د نورو هېوادونو پر ضد د افغان خاورې د نه کارېدو په اړه پر خپلو کړیو ژمنو عمل وکړي. د پاکستان پوځ دغه خبرپاڼه جمعه د چنګاښ ۲۳مه بلوچستان ته د پوځ مشر عاصم منیر له سفیر وروسته خپره کړې ده.

په رسنیزو چارو کې لاسوهنې؛ حکومتي ادارې یې د مخنیوي لپاره هوکړه‌لیکونه لاسلیکوي

د اطلاعاتو او کلتور وزارت ویاند عبدالمتین قانع وايي، د رسنیو په چارو کې د بېلابېلو حکومتي ادارو د لاسوهنې مخنیوي لپاره له امنیتي ادارو، د امر بالمعروف او نهې عن‌المنکر او بهرنیو چارو وزارتونو سره هوکړه‌لیکونه لاسلیکوي. د هغه په خبره، ا.ا هېواد کې د رسنیز فعالیت ملاتړ ته ژمن دی او دغه وزارت د رسنیزو چارو د تنظیم یوازینی ادرس دی.

اسلامي امارت: بهرنیان دې کورنیو موضوعاتو کې خپلې غوښتنې پر موږ نه تحمیلوي

څه باندې یو کال تېر شو چې هېواد کې اسلامي امارت واکمن دی او سره له دې چې تر اوسه هېڅ هېواد په رسمیت نه دی پېژندلی، خو لا هم خپل کار ته دوام ورکوي.
په دې موده کې افغانان په بېلابېلو برخو کې له سختو ستونزو او ننګونو سره لاس او ګرېوان وو چې له کبله یې سرپرست حکومت له نړیوالو فشارونو سره هم مخ دی.

د بیان ازادۍ کور: د افغانستان رسنۍ بشپړه خپلواکي نه لري

د بیان ازادۍ کور د یوې خبرپاڼې په خپرولو سره ویلي چې د اسلامي امارت په واکمنېدو سره رسنۍ په جدي توګه زیانمنې شوي او له ګڼو محدودیتونو سره مخ شوي دي. د دغه بنسټ په خبرپاڼه کې راغلي چې د افغانستان رسنۍ په بشپړه توګه خپلواکي نه لري او په سیستماتیک ډول تر سانسور لاندې دي.

د حکومت له لوري د جګړې ناسم مدیریت، طالبان د ولایتونو تر مرکزونو رسولي

په وروستیو ورځو کې داسې راپورونه خپاره شوي چې وسله‌والو طالبانو د ولایتونو پر مرکزونو خپل بریدونه پیل کړي دي. په خپاره شویو راپورونو کې ویل شوي چې طالبانو د وروستیو اوونیو په ترڅ کې په هلمند، کندهار، تخار او پروان ولایتونو کې پرمختګ کړی دی.

لوېډ اسټین افغانستان کې سیاسي هوکړې ته د رسېدو لپاره د نړیوال فشار غوښتنه کړې

د امریکا د دفاع وزیر لوېډ اسټین په افغانستان کې د جګړې او تاوتریخوالي د پای ته رسولو او یوې سیاسي هوکړې ته د رسېدو لپاره د نړیوال فشارغوښتنه وکړه. د امریکا دفاع وزیر ویلي چې ټوله نړۍ باید د دغه فشار د دوام لپاره مرسته وکړي، خو نوموړي د نړیوال فشار د څرنګوالي په اړه جزییات نه دي ورکړي.

شنونکي: د طالبانو د نظامي کمېسیون لارښوونه د امریکا په فشار شوې

د طالب ډلې نظامي کمېسیون تازه خپلو جنګیالیو ته لارښوونه کړې چې په خپلسرې توګه بهرنیو جنګیالیو ته په خپلو لیکو کې له ځای ورکولو ډډه وکړي. په دغه لیک کې لیکل شوي، که چا سرغړونه وکړه، سزا به وویني.
خو نظامي او استخباراتي شنونکي باور لري چې د امریکا فشارونو په طالب ډله کې د بدلون راوستلو لامل شوي او په وینا یې، خپلو جنګیالیو ته یې وروستۍ لارښوونه هم د دغه هېواد د فشارونو له کبله کړې ده.

له ملګرو ملتونو د افغانستان غوښتنه؛ طالبان اوربند ته اړ کړئ

د بهرنیو چارو وزارت له القاعده شبکې او نورو ترهګرو ډلو سره د طالبانو د اړیکو دوام په اړه د ملګرو ملتونو د وروستي راپور هرکلی کړی او له دغه سازمان او خپلو نورو نړیوالو متحدانو یې غوښتي چې دا ډله اوربند ته اړ باسي.
دغه وزارت په یوه خبرپاڼه کې له ملګرو ملتونو او د افغانستان له نورو نړیوالو شریکانو غوښتي چې پر طالب ډلې فشار راوړي، څو له هدفي وژنو او ترهګرو ډلو سره له اړیکو لاس واخلي.

افغانستان نړیوالې ټولنې ته: طالبان د خپلو ژمنو عملي کولو ته اړ باسئ

د بهرنیو چارو وزارت په یوه خبرپاڼه کې د افغان سولې په تړاو د پاکستان د بهرنیو چارو وزیر د څرګندونو په غبرګون کې ویلي چې افغان حکومت له پاکستان او خپلو نړیوالو شریکانو غواړي چې طالبان د خپلو ژمنو عملي کولو ته اړ کړي.
په خبرپاڼه کې لیکل شوي چې طالبانو د تاوتریخوالي کمولو او اوربند په پرخه کې پر خپلو ژمنو عمل نه دی کړی او د تاوتریخوالي په زیاتوالي سره یې د سولې بهیر پر وړاندې ځینې ننګونې هم را ولاړې کړې دي.