د ملي پراختیا شرکت د نږدې ۶۵۰ پروژو چارې په ټپه ولاړې دي
ملت ته د دولت د حساب ورکولو پروګرام په لړ کې نن د ملي پراختیا شرکت مسوولانو د یوې خبري ناستې پرمهال وویل چې د دغه شرکت اړوند د ۶۴۸ پروژو چارې په ټپه درېدلي دي.
ملت ته د دولت د حساب ورکولو پروګرام په لړ کې نن د ملي پراختیا شرکت مسوولانو د یوې خبري ناستې پرمهال وویل چې د دغه شرکت اړوند د ۶۴۸ پروژو چارې په ټپه درېدلي دي.
هندي رسنیو رپوټ ورکړی چې له شاوخوا یوې اوونۍ راپدېخوا د افغانستان هېڅ واردات د واګه بندر له لارې دغه هېواد ته نه دي لېږدول شوي.
که څه هم د اسلامي امارت د خپلې واکمنۍ په لومړیو ورځو کې د یوه فرمان په ورکولو سره ویلي وو چې له هېواد بهر ته د زړو اوسپنو لېږد بندی شوی، خو د دې برخې کاروباریان او صنعتکاران لا هم پاکستان ته د اوسپنې د قاچاق په اړه اندېښنه څرګندوي. د اوسپنې یو کاروباري وايي، اوس هم د کندهار سپین بولدک له لارې زړې اوسپنې پاکستان ته قاچاقېږي.
په هېواد کې د وروستیو تحولاتو له امله د یوشمېر نورو ولایتونو ترڅنګ د نیمروز ولایت تولیدي کار خونې هم د خامو موادو د نهشتون، بانکي او نورو ستونزو له امله یې فعالیتونه په ټپه درېدلي او پانګوالو ته یې میلیونونه افغانۍ زیان اړولی دی.
سهار وختي دوه بجې له کوره خوځېږي او د مازدیګر څلور بجې د بوټو له وري سره بېرته راګرځي. ګلاحمد الماس پر هېواد د طالبانو له واکمنېدو مخکې خبریالي کوله چې په وینا یې، له بېلابېلو رسنیو سره یې د محلي خبریال په توګه کار کړی او اوس یې دنده له لاسه وتلې ده. ګلاحمد الماس د هغو لسګونو خبریالانو له ډلې یو هغه دی چې د خبریالۍ کار یې له لاسه ورکړی او اوس د غور په قطس سیمه کې د ژمي لپاره بوټي راټولوي.
د افغانستان غالۍ د نړۍ په ډېرو هېوادونو کې د پلور ښه بازار لري، خو اوس یې بهر ته صادرات بند شوي دي. د غالیو د صادراتو ټولنې د اټکل مدیر عبدالودود خان وايي، د اسلامي امارت په راتلو سره د غالیو صادرات په ټپه ولاړ دي او په کور دننه یې هم په پلور کې کموالی راغلی.
کندوز کې د خبریالانو د ملاتړو بنسټونو د شمېرو له مخې، د طالبانو له راتګ وړاندې په دغه ولایت کې له ۲۰ زیاتې تصویري، غږېزې او چاپي رسنیو فعالیت درلود، خو د مخکیني حکومت له سقوط وروسته، له پنځو رسنیو پرته پاتې ۱۵رسنۍ د مالي ستونزو له امله خپل فعالیتونه درولي دي.
د خبریالانو نړیوال فدراسیون د یوه راپور په خپرولو سره ویلي چې افغانستان کې د طالبانو د واکمنېدو راهیسې، نږدې ۱۵۳ رسنۍ اړ شوي چې خپل فعالیتونه ودروي او ښځينه خبریالانې هم په رسنیو کې له کار کولو محرومې شي. دغه فدراسیون د خبریالانو او د رسنیو کارکوونکو پر وړاندې د تاوتریخوالي زیاتېدو په اړه خپله اندېښنه څرګنده کړې ده.
د اداري سمون او ملکي خدمتونو خپلواک کمېسیون رییس نادر نادري نن کابل کې د یوې خبري غونډې پرمهال د طالبانو تر ولکې لاندې سیمو کې د خدمتونو د وړاندې د څرنګوالي په اړه اندېښنې سره وایي چې د دغې ډلې له لوري د ولسوالیو نیولو سره، په دغو سیمو کې د ملکي خدمتونو چارې په ټپه درېدلي دي.
د سلاموطندار موندې ښیي چې د وروستي یوه کال په ترڅ کې د بېلابېلو امنیتي او اقتصادي ستونزو له کبله ۳۰ رسنو خپل فعالیتونه درلولي دي. دغه رسنۍ چې ۵ یې تصویري، ۹یې غږېزې او ۱۶یې چاپي دي په ۱۳ ولایتونو کې یې فعالیت کاوه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون