Tag: امنیتي وضعیت

ولسمشر غني نن په شمال او شمال ختیځ کې د امنیتي وضعیت خرابېدو ته په کتو د دویم ځل لپاره بلخ ولایت ته تللی دی. ولسمشر تر دې مخکې له یوشمېر سیاسي مشرانو سره په ارګ کې ولیدل.

کابل ته له تخار څخه را کډه شوې کورنۍ وايي، د دغه ولایت محلي او امنیتي چارواکو د تخار د امنیت ساتنې په برخه کې بې‌غوري کړې او حکومت باید ژرترژره د دغه ولایت د امنیتي وضعیت ښه کېدو برخه کې اقدام وکړي.

سره له دې چې د بادغیس د مرکز قلعه‌نو ښار په ځینو برخو کې د طالبانو او امنیتي ځواکونو له جګړې شاوخوا ۱۰ ورځې تېرېږي، خو په ولسي جرګه کې د دغه ولایت استازي ادعا کوي چې تر اوسه بادغیس ته مرستندویه ځواکونه نه دي لېږل شوي.

د هېواد په ځینو ولایتونو کې د یوشمېر ولسوالیو د له لاسه وتلو او د جګړې زیاتېدو په کتو، د ځینو ولایتونو د سقوط په اړه هم اندېښنې ډېرې شوې دي.
په ولسي جرګه کې د هلمند د خلکو استازیو نن کابل کې یوې خبري غونډې ته وویل چې دغه ولایت د طالبانو له لوري کلابند شوی او که حکومت یې ژرترژره پر وړاندې اقدام ونه کړي، له لاسه به ووځي.

په داسې حال کې چې په هېواد کې د جګړې ډګر په تودېدو او په پرله‌پسې ډول د ولسوالیو له لاسه وتلو سره ناامني او تاوتریخوالی ډېر شوی، پر حکومت د خلکو نیوکې هم زیاتې شوې دي.