په درېوو میاشتو کې د اداري فساد ۱۳۵۳ قضیې ثبت شوي

د لویې څارنوالۍ ویاند جمشید رسولي نن د یوې خبري غونډې په ترڅ کې وویل چې د ۱۴۰۰کال په لومړيو درېو میاشتو کې یې د اداري فساد ۱۳۵۳ قضيې ثبت او رسېدنه کړې چې له ډله یې ۱۲۷۶ قضيې عادي او پاتې ۷۷ قضي بیا د اداري فساد اړوند د درنو جرمونو قضیې دي.

د پلټنې ادارې رییسې استعفا وکړه

د پلټنې ملي ادارې رییسې غزال حارث پر خپل ټویټرپاڼه لیکلي چې په دغه اداره کې له دوو کلونو خدمت کولو وروسته له خپلې دندې استعفا کوي. مېرمن حارث ویلي چې په دې موده کې یې دوه ځلې ولسمشر ته خپله استعفا وړاندې کړې وه، خو د نوموړي له لوري نه ده منظور شوې.

يوه بهرني تحصيلي بنسټ افغانانو ته تر ۳زرو ډېر جعلي ډيپلومونه ورکړي

له اداري فساد سره د مبارزې کميسيون مسوولان وايي، په هند کې د « ای اس بي ام» تحصيلي بنسټ تر ۳زره ډېرو افغانانو ته د لسانس، ماسټرۍ او دوکتورا جعلي ډيپلومونه ورکړي دي.

د ياد کميسيون رييس عبدالقيوم نظامي د ۱۴۰۰مالي کال د څلورو لومړيو مياشتو د راپور وړاندې کولو په نوم خبري ناسته کې وويل چې د نوموړي کار له پيله تر اوسه پورې شاوخوا ۴۷ مورده شکايتونه څېړل شوي چې له ډلې يې ۱۶ مورده لويې څارنوالۍ ته استول شوي دي.

لويې څارنوالۍ په تېرو دوه مياشتو کې د ۲۲۴ اداري فساد دوسيو څېړنه کړې

د لویې څارنوالۍ مسوولان وايي، یوازې د روان لمریز کال په قوس او جدي مياشتو کې يې د اداري فساد  ۲۲۴ دوسيې څېړلي چې په دې دوسيو کې ۵۰۰ کسان تورن دي. د دوی په وينا، د يادو قضيو په تړاو ۵۰۰ تورن کسان محکمې هم ته معرفي شوي دي.

د پوهنې وزارت د تهيې او تدارکاتو رييس د فساد په تور ونيول شو

لويه څارنوالي وايي، د پوهنې وزارت د تهيې او تدارکاتو او د وارث سیر شرکت رييسان يې د اداري فساد په تور نيولي دي.

يادې څرنوالۍ نن په خپره شوې خبرپاڼه کې ويلي، دا دوه کسان د اداري فساد پر ضد د مبارزې عدلي او قضایي مرکز ځانګړې څارنوالۍ له خوا تر یو لړ څېړنو وروسته د اداري فساد په تور د ۱۳۹۹ لمریز کال د کب پر درېیمه نیول شوي.

د ګمرکونو او ټرافیک ریاستونو ۱۰ کارکوونکي د فساد په تور ونیول شول

د کورنیو چارو وزارت وايي، د اداري او مالي فساد په تور يې د ګمرکونو او ټرافیک ریاستونو ۱۰ کارکوونکي نيولي دي.

له ياد وزارته په خپره شوې خبرپاڼه کې راغلي، دغه کسان يې په کابل کې د کورنيو چارو وزارت له درنو جرمونو سره د مبارزې رياست پولیسو له لوري د يو لړ ځانګړو عملیاتو په پایله کې نیولي.

د ننګرهار د ګمرک رييس او ۵ کارکوونکي د فساد په تور نيول شوي

د ننګرهار محلي مسوولانو په دې ولايت کې د فساد په تور د ننګرهار د ګمرک د رييس حشمت‌الله ولي‌زي او د ۵ نورو کارکوونکيو د نيول کېدو خبر ورکوي.

د ياد ولايت والي ضیاالحق امرخېل رسنيو ته ويلي، د فساد په تور نيول شوي کسان د لا ډېرو څېړنو…

د بلخ د پخواني والي په اړه د عدلي څار حکم او پخوانی ښاروال په ۱۸ مياشتو بند محکومېدل

د لویې څارنوالۍ ویاند جمشېد رسولي وايي، د اداري فساد له لویو جرمونو سره د مبارزې عدلي او قضايي مرکز ابتدایه محکمې د بلخ پخوانی ښاروال محمد نصیر عیني له وظیفوي واک څخه د ناوړه ګټې اخيستنې په تور په یوه کال او شپږ میاشتو تنفیذي بند محکوم کړی دی.

عامې روغتيا وزارت کې څلور کسان د بډو غوښتو په تور نيول شوي

لويه څارنوالي تاييدوي چې عامې روغتيا وزارت کې څلور کارکوونکي د دغه وزارت له نور کارکوونکيو د بډو غوښتو په تور نيول شوي دي او اوس مهال په توقیف کې دي.

د لویې څارنوالۍ ویاند جمشېد رسولي رسنيو ته په لېږل شوي یوه ويډیويي پيغام کې  د يادو کسانو په اړه جزيات نه دي ورکړي؛ خو وايي، د دغو کسانو دوسيه تر څېړنې لاندې ده.

کروخي: د ولسمشر سلاکاران څو مېلمستونونه لري او په عیش‌و نوش بوخت دي

د ولسي جرګې غړې مسعوده کروخي چې په کابل کې یې له اداري فساد سره د مبارزې د ملي سټراتیژۍ د پلي کېدو څېړنې برنامې ته خبرې کولې وویل، په هېواد کې د فساد موجودیت د اندېښنې وړ دی. نوموړې وويل، که څه هم هېوادوال په هېواد کې د فساد د موجوديت له کبله له بدې ورځې سره مخ دي؛ خو د حکومت لوړپوړي کارکوونکي دې شرایطو ته په نه پام؛ د ښه وخت تېرولو په فکر کې دي.

حکومت د اداري فساد له منځه وړلو په برخه کې د پام وړ بریاوې نه لري

د ولسمشر دویم مرستیال محمد سرور دانش وايي، حکومت وروستیو پنځو کلونو کې د اداري فساد له منځه وړلو په برخه کې د پام وړ بریالیتوبونه نه لري. نوموړي چې نن د ډېسمبر نهمې نېټې له اداري فساد سره د مبارزې نړیوالې ورځې نمانځغونډه کې وينا کوله وویل، کلونه کېږي چې فساد د افغانستان دولتي بنسټونو کې ریښې کړي او د هېوادوالو ترمنځ یې د فقر لمن پراخه کړې ده.

د ولسمشر د دویم مرستیال په باور، هېواد کې دوامداره جنګ او تاوتریخوالی، هېواد کې د فساد، مافیا، قاچاق او نورو جرایمو فعالیت ته زمینه برابره کړې ده.

د هرات ښاروال له خپلو ۹ همکارانو سره د فساد په تور ونيول شو

د هرات د والي وياند جېلاني فرهاد سلام‌وطندار ته وايي، د کورنیو چارو وزارت د درنو جرمونو پر ضد د مبارزې ادارې کارکوونکيو  د ولایتي چارواکيو په همکارۍ د ياد ولايت ښاروال غلام‌حضرت مشفق له خپلو ۹ کارکوونکيو سره يو ځای د اختلاس او د دولتي عوایدو د حيف او ميل په تور نیولي دي.