یوناما طالبانو ته: هرات کې زموږ پر دفتر د برید ځواب ووایئ

په افغانستان کې د ملګرو ملتونو ځانګړې استازولۍ یا یوناما له طالبانو غوښتي چې په هرات کې د دغه سازمان پر دفتر د برید څرنګوالي په اړه ځواب ووايي. یوناما له طالبانو غوښتي چې په هرات کې د دغه سازمان پر دفتر د برید په اړه بشپړې څېړنې وکړي.

هرات کې د یوناما پر دفتر د طالبانو برید؛ پنځه نظامیان وژل شوي او ۲۱ ټپیان دي

د هرات مسوولان په دغه ولایت کې د یوناما پر دفتر، «مالان پُل» او «پښتون پُل» سیمو د طالبانو د بریدونو خبر ورکوي. د هرات روغتیايي مسوولان وايي چې تر اوسه پنځه نظامیان او د درې ملکیانو په ګډون، ۲۱ کسان ټپیان شوي دي.
د هرات د حوزوي روغتون سرطبیب عارف جلالي وايي چې په وژل شویو کې یو د یوناما دفتر ساتونکی او څلور سرتېري شامل دي.

یوناما: په تېرو شپږو میاشتو کې د ملکیانو مرګ‌ژوبله ۴۷ سلنه لوړه شوې

د افغانستان لپاره د ملګرو ملتونو د استازولۍ دفتر یا یوناما نن د یوه راپور په خپرولو سره ویلي، د روان میلادي کال په لومړیو شپږ میاشتو کې د تېرکال د همدې مودې په پرتله د ملکيانو د مرګ‌ژوبلې کچه ۴۷ سلنه لوړه شوې ده. یوناما په دغه راپور کې پر لږکیو په ځانګړې توګه پر شعیه او هزاره لږکیو د بریدونو له ډېروالي څخه اندېښنه څرګنده کړې ده.

یوناما: د ملکیانو د مرګ‌ژوبلې کچه ۲۹ سلنه لوړه شوې

په افغانستان کې د ملګرو ملتونو استازولۍ یا یوناما وايي، د ۲۰۲۱ کال په لومړیو درېوو میاشتو کې د ملکیانو مرګ‌ژوبلې کچه ۲۹ سلنه لوړه شوې ده.
یوناما نن په یوه تازه راپور کې لیکلي چې په افغانستان کې د ملکیانو مرګ‌ژوبلې کچه د ۲۰۲۱ کال په لومړۍ ربعه کې د تېر کال په پرتله د پام وړ ډېره شوې او په وینا یې، په دې موده کې ۱۷۸۳ ملکیانو ته مرګ‌ژوبلې اوښتې ده. په دې ډله کې ۵۷۳ کسان وژل شوي او ۱۲۱۰ نور ټپیان شوي دي.

د سولې خبرو له پیلیدو وروسته د رسنیو او بشري حقونو ۱۱ فعالان وژل شوي

په افغانستان کې د ملګرو ملتونو استازولۍ یا یوناما ویلي چې د سږ کال د وږي په ۲۲مه د افغان دولت او طالب ډلې ترمنځ د سولې خبرو له پیلېدو وروسته د بشري حقونو ۵ فعالان او د رسنیو ۶ کارکوونکي په هدفي بریدونو کې وژل شوي دي.