کابل کې د معترضانو نیول کېدل؛ مجاهد: بهرنۍ کړۍ د معترضو ښځو تر شا دي

د تېرې پنجشنبې په ورځ داسې راپورونه خپاره شول چې د اسلامي امارت ځواکونو په‎ کابل کې یوه معترضه ظریفه یعقوبي له څلور نورو هلکانو سره هغه مهال نیولې چې غوښتل یې په یوه خبري غونډه کې ګډون وکړي. سره له دې چې د هغوی له نیول کېدو درې ورځې تېرېږي، خو لا یې هم د وضعیت په اړه معلومات نشته.

د کلیو د پراختیا وزارت کارکوونکو پر موټر چاودنه؛ شاهدان: له ۲۰ ډېر کسان ټپیان شوي

د پېښې یوه عیني شاهد نذیر محمود د چاودنې په اړه سلام‌وطندار ته ویلي: «سهار پر یوه کاسټر چاودنه وشوه او چره یې زموږ پر ښیښه ولګېده. له کوټې دباندې وتښتېدو، ومو لیدل چې ډېر خلک ټپیان دي. په کاسټر کې شاوخوا ۲۵ تر ۳۰ کسانو پورې وو، څه باندې لس کسان خپله را ښکته شول، نور ټول خلکو را کوز کړل.»

کابل کې چاودنه؛ د کلیو او پراختیا وزارت اته کارکوونکي ټپیان شوي

د کابل د امنیې قومنداني ویاند خالد ځدراڼ سلام‌وطندار ته ویلي
چې نن چهار‌شنبه د لړم یوولسمه د کلیو او پراختیا وزارت د کارکوونکو پر موټر چاودنې د یاد وزارت اته کارکوونکي ټپیان کړي دي.

چاودنه نن سهار د کابل ښار د پنځمې امنیتي حوزې اړوند «کارته‌ مامورین» سیمه کې رامنځته شوې ده.

کابل کې معترضې ښځې: نړیواله ټولنه دې مېرمنو ته د کار زمینه برابره کړي

یوشمېر افغان ښځې نن دوشنبه د لړم نهمه د کابل ښار «شهرنو پارک» کې له دولتي ادارو او د کار بازار څخه د ښځو حذفولو په غبرګون کې اعتراض وکړ.

یادو معترضو مېرمنو چې د اعتراض پرمهال خپل تحصیلي سندونه نندارې اېښي وو، وویل چې له یوه کال راهیسې ورته د کار اجازه نه ده ورکړل شوې.

د ا.ا د ځواکونو له ناسم چلن څخه د خلکو شکایت

د افغانستان پر بیارغونې د امریکا د څار ځانګړې ادارې یا سیګار مشر ویلي، افغانستان کې د مسلکي پولیسو نه موجودیت لامل شوی چې له ښځو سره ناسم چلن وشي.
د دې ادارې رییس جان سوپکو ایټالیا کې یوې غونډې ته د وینا پر مهال، د اسلامي امارت غړي خپل‌سري بللي او هغوی یې له نجونو او ښځو سره پر نامسلکي چلن تورن کړي دي. بله‌خوا یوشمېر افغانان هم شکایت کوي چې پولیس ورسره پر لویو لارو او ښار کې مسلکي چلن نه کوي.

کابل ښاریان د ډبرو سکرو د بیې او پلورونکي یې د تعرفې له لوړوالي شکایت کوي

دا چې ژمی په رارسېدو دی او خلک غواړي چې د اړتیا وړ سون‌توکي وپېري، خو سږ کال د تېرو کلونو په پرتله د ډبرو سکرو بیه ډېره لوړه شوې ده.
کابل ښاریان وايي، له یوې خوا وزګاره او بې‌وسه دي او بله‌خوا د ژمي په را رسېدو سره ښار کې د ډبرو سکرو بیې لوړې شوې دي.

حکومت د کابل په لوېدیځ کې خلک د امنیتي کمرو لګولو ته اړ کړي

د کابل په لوېدیځ د دشت‌برچي سیمې یو‌شمېر اوسېدونکي وايي چې سرپرست حکومت دوی د خپلو کورونو د دروازو پر سر د امنیتي کمرو لګولو ته اړ کړي دي.

د دشت‌برچي اوسېدونکی عبدالهادي امیني سلام‌وطندار ته وايي چې حکومت د یادې سیمې یو‌شمېر اوسېدونکي اړ کړي، څو د خپلو کورونو دروازو او ودانیو پر سر امنیتي کمرې فعالې کړي.

کابل کې د وسله‌والو غلاوو زیاتوالی؛ «داسې ورځ نشته چې غله دې خلک ونه لوټي»

که څه هم امنیتي ادارې هېواد کې د سل سلنه امنیت ټینګښت ډاډ ورکوي، خو کابل ښاریان د وسله‌والو غلاوو د زیاتېدو په اړه شکایت کوي.
یوشمېر هغو کسانو چې وسله‌والو غلو لوټلي، سلام‌وطندار ته ویلي، داسې ورځ نشته چې وسله‌‌وال غله دې په کابل ښار کې څو کسان ونه لوټي.

کابل کې چاودنې درې ملکیان ټپیان کړي

د کابل د امنیې قومنداني ویاند خالد ځدراڼ وايي چې د کابل د پنځمې امنیتې حوزې اړوند سیمه کې نننۍ چاودنې درې ملکیان ټپیان کړي دي.

خالد ځدراڼ نن شنبه د تلې ۱۶مه پر خپله ټوېټرپاڼه لیکلي، چاودنه د پنځمې امنیتي حوزې اړوند سیمه کې د ملکیانو پر یوه کاسټر موټر شوې ده. د کابل د امنیې قومنداني ویاند همداراز لیکلي، چاودنه د سړک ګلدان کې د ځای پر ځای شويو چاودېدونکو توکو له امله رامنځته شوې.