پاکستاني رسنیو نن پنجشنبه د سلواغې ۱۳مه راپور ورکړی چې د دغه هېواد د خېبرپښتونخوا ایالت پولیسو لاریون کړی دی.
د رسنیو د راپورونو له مخې، لګسونه پولیسو پرون چهارشنبه د سلواغې ۱۲مه/ جنورۍ لومړۍ په پېښور کې د شوي ځانمرګي برید په غبرګون کې لاریون کړی او له حکومت یې غوښتنه کړې چې د برید په اړه څېړنې وکړي.
د سوېلي افریقا په جوهانسبورګ کې د ګازو ټانکر د چاودنې له امله د مړو شویو شمېر ۳۴ کسانو ته لوړ شوی دی.
دغه پېښه د پلازمېنې جوهانسبورګ اړوند ختیځ کې د بوکسبورک ښار کې پرون شنبه د ډسمبر ۲۴مه رامنځته شوې ده.
تخار کې محلي سرچینې وايي چې د دغه ولایت په مرکز تالقان ښار کې چاودنه شوې ده. سرچینې سلاموطندار ته ویلي، چاودنه نن چهارشنبه د مرغومې اوومه د تالقان ښار چوک مربوطاتو کې رامنځته شوې ده.
د تخار د امنیې قومنداني ویاند عبدالمبین ساپی وايي، چاودنه د ځای پر ځای شوي ماین له امله شوې چې په پایله کې یې څلور ملکیان ټپیان شوي دي.
د کورنیو چارو وزارت ویاند عبدالنافع ټکور وايي چې نن سهار د بدخشان د امنیې قومندان ودانۍ ته څېرمه په یوه موټر کې ځای پر ځای شویو چاودېدونکو توکو ته چاودنه ورکړل شوې چې مرګژوبله یې اړولې ده.
عبدالنافع ټکور ویلي چې په چاودنه کې د بدخشان د امنیه قومندان عبدالحق ابو عمر په ګډون درې کسان وژل شوي او دوه نور ټپیان دي.
د هلمند محلي چارواکي وايي چې نن یکشنبه د دغه ولایت په موسیکلا ولسوالي کې د روسانو د وخت یوه زاړه ماین چاودنې له کبله دوه ماشومان مړه شوي او یوه ښځه ټپي شوې ده.
بلخ کې سرچینې سلاموطندار ته وايي چې نن سهار شاوخوا ۷:۱۵ دقیقې د مزارشریف ښار اړوند سیمه کې چاودنه شوې ده.
سرچینې ویلي، چاودنه د مزارشریف په سیداباد څلور لارې کې پر «۵۸۰» ډوله موټر د ځای پر ځای شوي ماین له کبله رامنځته شوې ده. خو مزارشریف کې د ابو علي سینا بلخي روغتون مسوولان وايي چې د چاودنې له ځایه دغه روغتون ته اته جسدونه او لس ټپیان وروړل شوي دي.
د تخار امنیتي مسوولان وايي چې د دغه ولایت په دشتقلعه ولسوالي کې چاودنه شوې ده.
د کابل امنیتي مسوولانو د کابل د څلورمې امنیتي حوزې اړوند په «پروانسه» سیمه کې چاودنه تایید کړه.
د کابل د امنیې قومانداني ویاند خالد ځدران سلاموطندار ته ویلي چې دې چاودنه کې یو کرولا ډوله موټر په نښه شوی دی.
د فراه امنیه قومانداني په دغه ولایت کې د هاوان یوې ناچاودې مرمۍ د چاودنې له کبله د درې ماشومانو د وژل کېدو خبر ورکوي.
د تخار اوسېدونکي وايي چې نن چهارشنبه د لړم ۲۵مه د دغه ولایت په مرکز تالقان ښار کې د اسلامي امارت د ځواکونو پر موټر ماین چاودنه شوې ده.
د پېښې عیني شاهدان وايي چې چاودنه د تالقان ښار د درېیم ګدام سرک سیمه کې د تخار د امنیې قومنداني د ځواکونو او د زندانیانو پر یوه موټر شوې.
د پېښې یوه عیني شاهد نذیر محمود د چاودنې په اړه سلاموطندار ته ویلي: «سهار پر یوه کاسټر چاودنه وشوه او چره یې زموږ پر ښیښه ولګېده. له کوټې دباندې وتښتېدو، ومو لیدل چې ډېر خلک ټپیان دي. په کاسټر کې شاوخوا ۲۵ تر ۳۰ کسانو پورې وو، څه باندې لس کسان خپله را ښکته شول، نور ټول خلکو را کوز کړل.»
د کابل د امنیې قومنداني ویاند خالد ځدراڼ سلاموطندار ته ویلي
چې نن چهارشنبه د لړم یوولسمه د کلیو او پراختیا وزارت د کارکوونکو پر موټر چاودنې د یاد وزارت اته کارکوونکي ټپیان کړي دي.
چاودنه نن سهار د کابل ښار د پنځمې امنیتي حوزې اړوند «کارته مامورین» سیمه کې رامنځته شوې ده.
تخار کې سرچینې وايي چې د دغه ولایت د مرکز تالقان ښار د درېیمې امنیتي حوزې اړوند په «سرک اول» سیمه کې یو چسپکي ماین چې د امنیتي ځواکونو په رېنجرې پسې نښلول شوی و، چاودلی او د اسلامي امارت دوه غړي پهکې وژل شوي دي.
د پکتیا محلي مسوولان وايي چې د دغه ولایت په ځاځياریوب ولسوالي کې د هاوان مرمۍ د چاودنې له کبله دوه ماشومان وژل شوي او دوه نور ټپیان دي.
د بادغیس د امنیې قومانداني د رسنیو دفتر په یوه خبرپاڼه کې ویلي چې نن سهار ۸:۰۰ بجې د دغه ولایت د مقر ولسوالي په خارستان سیمه کې ناچاوده مرمۍ چاودلې ده. په خبرپاڼه کې لیکل شوي دغو ماشومانو هلته له تېرو جګړو پاتې مهمات له اوسپنو سره را ټول او بیا یې په تیږه وهلي چې له کبله یې چاودنه شوې ده. خبرپاڼه زیاتوي چې دې چاودنه کې درې ماشومانې وژل شوې دي.
د لغمان امنیتي مسوولان وايي چې دغه ولایت کې د ا.ا د سرتېرو پر رنجر موټر چاودنه شوې چې له امله یې دوه سرتیري وژل شوي دي.
پېښه نن سهشنبه د تلې ۱۹مه د لغمان اړوند الینګار ولسوالي کې رامنځته شوې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
