ماين چاودنې پکتيا کې د یوې کورنۍ ۱۲ غړي وژلي

د پکتيا په سيدکرم ولسوالي کې پرون ماښام د سړک غاړې ماين چاودنې له امله د یوې کورنۍ ۱۲ غړي وژل شوي او ۲ نور ټپيان دي. د یادې کورنۍ يو غړی نورجان چې د پکتيا حوزوي روغتون ته يې  د پېښې له ځای څخه دوه ټپي ماشومان راوړي وو، سلام وطندار ته وويل چې په دې پېښه کې يې د پلار په ګډون درې نارينه، درې ښځې او شپږ ماشومان وژل شوي او د کورنۍ ۲ نور غړي یې ټپيان دي.

امنیتي ځواکونو له طالبانو د هرات کروخ ولسوالي بېرته نیولې

د هرات د والي ویاند جیلاني فرهاد وایي چې دغه ولایت ته د کورنیو چارو چارسبمالي او د ملي امنیت د عمومي ریاست نظامي مرستیال له راتګ وروسته، د هرات ولایت پوځي شورا دا پرېکړه وکړه چې د کرخ ولسوالي د بېرته نیولو عملیات پیل کړي او امنیتي ځواکونو دغه ولسوالي له طالبانو بېرته ونیوله.

د ولسي پاڅونوالو د اختلافاتو له امله طالبانو د تخار رستاق ولسوالي نیولې

په تخار ولایت کې یوې سرچینې ویلي چې د دغه ولایت په رستاق ولسوالي کې د ولسي پاڅونوالو د قومندانانو د اختلافاتو له کبله دغه ولسوالي د طالبانو لاس ته لوېدلې ده.  سرچینې د نوم نه ښودلو په شرط سلام‌وطندار ته وویل چې د تخار ولایت په رستاق ولسوالي کې د پام وړ ځواکونه ځای پر ځای شوي وو او دغه ځواکونه له هیڅ ډول ستونزې او د وسله‌والو طالبانو له ګواښ سره  نه وو مخ.

طالبانو د کونړ په غازي‌اباد کې سلګونه کورنۍ کډه کولو ته اړ کړي

له تېرې یوې نیمې اوونۍ راهیسې وسله‌والو طالبانو د کونړ په یوې لېرې غرنۍ ولسوالي، غازي اباد کې خوځښتونه زیات کړي چې د وضعیت د ترینګلتیا له امله تر اوسه سلګونه کورنۍ له خپلو سیمو بې‌ځایه شوي دي. د دغې ولسوالي اوسېدونکي وايي، طالبانو غازي اباد ته ورغلې لارې په ډبرو سره تړلي او په ولسي خلکو یې د څښاک اوبه هم بندې کړي دي.

په تېره یو شپه او ورځ کې طالبانو د تخار شپږ ولسوالۍ نیولي

د ټول هېواد په کچه د امنیتي وضعیت د خرابېدو او یو پر بل پسې د ولسوالیو د سقوط په دوام، په تېرو۲۴ ساعتونو کې په تخار ولایت کې ۶ ولسوالۍ د طالبانو لاس ته لوېدلي دي. په تخار کې ځايي سرچینې سلام‌وطندار ته وايي، چال، هزارسموچ، ینګي‌قلعه، خواجه غار، دشت‌قلعه او نمک‌آب ولسوالۍ د دولت له کنټرول څخه وتلي او طالبانو نیولي دي.

د تخار ینګي‌قلعه، چال او هزارسموچ ولسوالۍ طالبانو ته پرېښودل شوي

په تخار کې یوې سرچینې سلام‌‌وطندار ته ویلي چې امنیتي ځواکونو د دغه ولایت ینګي‌قلعه، چال او هزارسموچ ولسوالۍ پرته له جګړې وسله‌والو طالبانو ته پرېښودلي.  سرچینې ویلي چې وسله‌والو طالبانو بېګاه شپه د تخار چال او هزارسموچ ولسوالۍ او نن سهار یې ینګي قلعه ولسوالي تر خپل کنټرول لاندې راوستي دي.

طالبانو د تخار بهارک ولسوالي په بشپړه توګه نیولې

په تخار ولایت کې یوه باوري سرچینه چې نه غواړي نوم یې واخیستل شي، سلام‌وطندار ته وايي چې بېګاه شپه وسله‌والو طالبانو په بشپړه توګه د دغه ولایت بهارک ولسوالي نیولې ده. د سرچینې په وینا، د ملي امنیت، پولیسو او نورو امنیتي بنسټونو ۷۵نظامیان له خپلو وسلو او مهماتو سره یوځای طالبانو ته تسلیم شوي دي. څو اوونۍ وړاندې په دغه ولسوالي کې مېشت امنیتي ځواکونو د مرستندویه ځواکونو غوښتنه کړې وه.

په یوه شپه او ورځ کې طالبانو ۵ ولسوالۍ نیولي

د طالبانو له لوري په هېواد کې د ولسوالیو د نیولو بهیر دوام لري او دې ډلې په وروستۍ یوه میاشت کې لسګونه ولسوالۍ نیولي دي. دغې ډلې یوازې په تېره یوه اوونۍ کې د سرپل ولایت سوزمه قلعه ولسوالي، د تخار ولایت اشکمش او چاه آب ولسوالۍ، د بدخشان ارغنجخواه د غور ولایت تولک  او د کندوز خان اباد ولسوالۍ تر خپلې ولکې لاندې راوستي دي.

طالبانو په پکتیا کې ۲۰۰۰ کورنۍ کډه کولو ته اړ کړي

د پکتيا ولایت اړوند د زرمت ولسوالي اوسېدونکو په مرکز ګردېز ښار کې د يوې ناستې پر مهال اندېښنه وښوده چې په دې ولسوالي کې د ناامنيو له زياتېدلو او د طالبانو د ګواښونو له کبله له ۲۰۰۰ زياتې کورنۍ بې‌ځايه شوي او په دغه ولسوالي کې جګړې زور اخیستی چې خلک د خوراکي توکو له کمښت سره مخ دي او او نه شي کولای چې د خوراکي توکو د رانیولو لپاره له کورونو څخه ووځي.

 د غور تولک ولسوالي د طالبانو لاس ته لوېدلې

له څو اوونیو کلابندۍ وروسته وسله‌والو طالبانو د غور ولایت تولک ولسوالي ودانۍ نیولې او په دغه ولسوالي کې یې له کلابندو سرتېرو سره نښته روانه ده. په غور کې یوه سرچینه چې نه غواړي نوم یې واخیستل شي، سلام‌وطندار ته ویلي چې طالبانو د دغې ولسوالي ودانۍ او امنیه قومنداني نیولي او په وینا یې که چېرته دغه ولسوالي ته عاجله مرسته ور ونه رسېږي، هغه سرتیري چې د وسله‌والو طالبانو له لوري کلابند شوي، وبه وژل شي.

طالبانو د چاه‌اب ولسوالي ودانۍ او امنیه قومنداني نیولي

د تخار د ولایتي شورا رییس محمد اعظم افضلي سلام‌وطندار ته وایي، بېګاه شپه طالبانو د چاه اب ولسوالي پر مرکز پراخ بریدونه کړي چې امنیتي ځواکونه نن چهارشنبه د دغې ولسوالي له ودانۍ او امنیه قومنداني وتلي او د چاه اب نورو سیمو کې ځای پر ځای شوي دي.

طالبانو د فاریاب په قیصار ولسوالي کې ۱۰۰ سرتیري نیولي

پرون مازدیګر د فاریاب ولایت قیصار ولسوالي د وسله‌والو طالبانو لاس ته ولوېده، خو ۳۰ امنیتي ځواکونه د طالبانو پر وړاندې له سخت مقاومت وروسته بریالي شوي چې یوازیني پاتې کلي (کوهي) ته ځان ورسوي او له نورو سرتېرو سره یوځای شي. خو لږ ځنډ نه وو وتلی چې دغه کلی هم طالبانو ونیوو او د شاوخوا ۱۰۰ سرتېرو له برخلیک څخه هېڅ خبر نه شته.

بغلان کې د شپږو ولسوالیو د سقوط ګواښ

نږدې یوه میاشت کېږي چې وسله‌والوطالبانو د بغلان ولایت اړوند د نهرین ولسوالي پر مرکز بریدونه پیل کړي چې یوازې د دغه ولسوالي او د پولیسو د قومندانۍ ودانۍ د امنیتي ځواکونو تر کنټرول لاندې دي او پاتې نورو سیمو باندې طالبانو ولکه خپله کړې ده.

د ناړۍ ولسوالي ښوونکي: پر وخت معاشونه نه راکول کېږي

د کونړ د ناړۍ ولسوالي ښوونکو پرون د دغه ولسوالي په مرکز کې اعتراضیه ناسته کړې او له څو ورځو راهیسې یې په دغه ولسوالي کې د تدریسي بهیر هم درولی دی.

دوی وايي، له یوې خوا ورته له څو میاشتو راهیسې معاشونه نه دي ورکړل شوي او له بل پلوه معاشونو پسې مرکز اسداباد ته ورځي چې د لارې او ناسم امنیتي وضعیت له امله نه شي کولای پر وخت معاشونه ترلاسه کړي.

له طالبانو د جلرېز ولسوالي د بېرته نیولو هڅې

امنیتي چارواکي وایي، د میدان وردګ ولایت د جلرېز ولسوالي د بېرته نیول لپاره د دوی هڅې روانې دي او ډېر ژر به دغه ولسوالي له وسله‌والو طالبانو بېرته ونیسي.
د دفاع وزارت د ویاند مرستیال فواد امان وایي، له وسله‌والو طالبانو څخه د میدان وردګ ولایت د جلرېز ولسوالي د بېرته نیولو لپاره د افغان امنیتي ځواکونو ځمکني او هوایي عملیات پیل شوي او ډېر ژر به دغه ولسوالي د وسله‌والو طالبانو له شتون څخه پاکه کړي.