ترکیه او قطر به ډېر ژر د هېواد د پنځو هوايي ډګرونو چارې سمبال کړي

د اسلامي امارت مسوولان وايي چې د کابل په ګډون د هېواد د پنځو هوايي ډګرونو د امنیت او تخنیکي چارو په تړاو له ترکیې او قطر هېوادونو سره یوې هوکړې ته نږدې شوي دي. ټاکل شوې چې د کابل، کندهار، هرات، مزار او خوست ډګرونو د امنیتي او تخنیکي چارو په اړه بله ناسته راتلونکې چهارشنبې په دوحه کې ترسره شي.

افغانستان او ترکمنستان ځينې سیاسي، اقتصادي او امنیتي هوکړې کړي

د اسلامي امارت د بهرنیو چارو وزارت چارسمبالي امیرخان متقي او ورسره مل پلاوي یې ترکمنستان ته د خپل سفر په ترڅ کې د دغه هېواد د لومړي وزیر له مرستیال او د بهرنیو چارو له وزیر رشید مرادوف او یوشمېر نورو لوړپوړو چارواکو سره لیدلي دي.

اسلامي امارت: پر ډیورنډ کرښه د اغزن تار په اړه د شیخ رشید څرګندونې بې‌بنسټه دي

 د پاکستان د کورنیو چارو وزیر شیخ رشید دوه ورځې وړاندې پاکستاني رسنیو ته ویلي چې افغانستان سره پر ډیورنډ فرضي کرښه د اغزن تار غځولو مسله حل شوې او د اسلامي امارت سره به په ګډه پر پوله اغزن تار لګوي. هغه ویلي، د اغزن تار په غځولو یې پوځ ډېرې قربانۍ ورکړي او پیسې یې هم پرې لګولي دي.

امریکا د پاکستان له خاورې افغانستان کې د پوځي عملیاتو هوکړې ته نږدې شوی

سي‌ان‌ان خبري شبکې رپوټ ورکړی چې د ولسمشر جوبایډن ادارې درېو سرچینو د دغه هېواد قانون جوړونکو ته ویلي، افغانستان کې د پوځي او اطلاعاتي عملیاتو ترسره کولو په موخه د پاکستان له هوايي حریم څخه د استفادې لپاره له دغه هېواد سره رسمي هوکړې ته د نږدې کېدو په حال کې دي.

دوحه کې د امریکا او طالبانو دوه ورځنۍ خبرې؛ پای یې پر هوکړو شوی

په دوحه کې د اسلامي امارت او د امریکايي پلاویو ترمنځ د دوه ورځنيو خبرو په پای کې دواړو لوریو هوکړه وکړه چې له افغانستان سره به د امریکا بشري مرستې روانې وي. د اسلامي امارت د سیاسي دفتر ویاند محمد نعیم په خپل ټویټر‌پاڼه ویلي، په دغه لیدنه کې امریکا ژمنه کړې چې د بشري مرستو بنسټونو ته به د مرستې په رسولو کې اسانتیاوې برابروي.

وېلسن: امریکا به په افغانستان کې د سولې راتلو لپاره هڅې ونه سپموي

د امریکا یوه مهم ډیپلوماټ له سلام‌وطندار سره په ځانګړې مرکه کې ویلي، که څه هم په ولسوالیو کې طالبانو پرمختګ کړی، خو واشنګټن به په افغانستان کې د سولې راتلو لپاره خپلې هڅې ونه سپموي. کابل کې د امریکا سفارت سرپرست وايي، د افغان دولت او طالبانو ترمنځ د سولې بهیر ګړندي کېدو په موخه به راتلونکې اوونۍ د قطر په دوحه کې غونډه جوړه شي.

د ضمیر کابلوف وروستیو څرګندونو ته د بهرنیو چارو وزارت غبرګون

د بهرنیو چارو وزارت په یوې خپره کړې، خبرپاڼه کې د افغانستان لپاره د روسې د ولسمشر ځانګړي استازي ضمېر کابلوف وروستیو څرګندونو ته غبرګون ښودلی او ویلي یې دي چې وسله‌وال طالبان د خپلو خبرو خلاف، چمتو نه دي چې د هېواد روان کړکېچ د سیاسي جوړجاړي له لارې حل کړي.

ناامني او افغانان له تاوتریخوالي د ناخوالو پر لور

په دې وروستیو کلونو کې د ناامنیو په زیاتېدو سره افغانانو تر نورو زیات درېو هېوادونو پاکستان، ایران او ترکیې ته مخه کړې، خو ګڼ‌شمېر دغه افغانان چې له نامنظمو لارو یې سفر کړی، په لاره کې یې ګڼې ستونزې  ګاللي دي.

غني طالبانو ته: د سولې په اړه له شته فرصته ګټه واخلئ

ولسمشر غني له طالبانو وغوښتل چې د افغان سولې بهیر په اړه د روان فرصت هرکلی وکړي او سولې ته دې غاړه کېږدي. ولسمشر غني نن د کوچني اختر له لمانځه وروسته وویل، د بهرنیو ځواکونو له وتلو سره سم د سولې ټینګښت لپاره ستر فرصت رامنځته شوی او له طالبان باید له دغه تاریخي فرصت څخه ګټه واخلي او سوله وکړي. ولسمشر غني وویل، د طالبانو لپاره د ولس او جمهوریت غېږه خلاصه ده او دا ډله دې هم د ټولنې بېلابېلو پوړونو ته درناوی وکړي.

له افغانستانه د بهرنیو ځواکونو پر وتلو د طالبانو ټینګار

په دوحه کې د طالب ډلې د سیاسي دفتر ویاند محمدنعیم وایي، د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد وړمه شپه له ملا عبدالغني برادر سره لیدلي دي.
هغه وايي، په دې لیدنه کې د دوحې هوکړې د ټولو مادو پر عملي کېدو خبرې شوي او دواړو لوریو پر خپلو ژمنتیاوو ټینګار کړی دی. د نوموړي په وینا، په یاده لیدنه کې یې له افغانستانه د امریکايي ځواکونو پر وتلو ټینګار کړی دی.

طالبان: امریکا راته په افغانستان کې د ځواکونو پاتې کېدو نه دي ویلي

که څه هم د امریکا او طالب ډلې ترمنځ د دوحې هوکړې پر بنسټ، له افغانستانه د امریکايي ځواکونو د وتلو نېټې ته یوه میاشت پاتې ده، خو طالبانو ته نږدې سرچینې وايي چې امریکا له طالبانو غوښتي چې ځواکونه به یې له درې تر شپږ میاشتو پورې نور هم په دغه هېواد کې پاتې شي.

د دوحې هوکړې یو کال پوره شو؛ ګټه امریکا او طالبانو کړې

د امریکا او طالبانو ترمنځ په دوحه کې د ۱۳۹۸ کال د کب په لسمه د لاسلیک شوې هوکړې وروسته د عامو افغانانو هیله دا وه چې په امنیتي وضیعت او نورو برخو کې به مثبت بدلونونه راشي، خو د خلکو د تمې خلاف ناامنیو او هدفي وژنو د خلکو پر ژوند او اقتصاد منفې اغېز کړی دی. د دولت او طالب ډلې ترمنځ د سولې خبرې هم یوازې په چنې وهلو سره روانې دي او تر اوسه کومه پایله نه ده لرلې.

ملي امنیت شورا: د دوحې هوکړه د سولې لپاره ګټوره نه وه

د ملي امنیت شورا دفتر وايي چې د دوحې هوکړه د سولې راتلو په برخه کې ګټوره نه وه او په هېواد کې یې جګړه او وینه تویېدنه ونه دروله. دا هوکړه نږدې یو کال مخکې د امریکا او طالب ډلې ترمنځ لاسلیک شوه.
د ملي امنیت شورا د دفتر ویاند رحمت‌الله اندړ نن رسنیو ته په یوه لېږلي ویډیويي پیغام کې ویلي چې د دوحې هوکړې په لاسلیکولو کې له افغان حکومت سره لازمې مشورې نه دي شوي.

د بشري حقونو کمیسیون د سولې خبرو مېز ته د مرکچي پلايو د رییسانو د راستنیدو غوښتنه کړې

د بشري حقونو خپلواک کميسيون د سولې خبرو د مذاکراتي ټيم د دواړو لوريو له رييسانو غوښتي چې د خبرو مېز ته کېني او هر څه ژر خبرې پيل کړي.

ياد کميسيون نن پر خپله ټوېټرپاڼه ليکلي: «کميسيون د دواړو لوريو مشرانو ته د خپل ليک په بيا خپرولو سره د خبرو مېز ته د هغوى د را ګرځېدو غوښتونکى دى او د جګړې د ناموجه انساني، مادي او معنوي لګښتونو د راکمولو لپاره، د ژر تر ژره اوربند پر…

هېواد کې د برښنا بندونو جوړولو لپاره د پاکستان هوکړه په‌کار ده

د افغانستان برښنا شرکت ملت ته د دولت حساب‌ورکونې په پروګرام کې د دغه شرکت یو کلن راپور وړاندې کړ.
د دغه شرکت مسوولان وايي، د افغانستان ۷۷ سلنه برښنا وارداتي ده او یوازې ۱۶ سلنه یې له کورنیو سرچینو او خصوصي سکټور نه برابرېږي.