د هرات امنیه قومانداني وايي، پولیسو د دغه ولایت د مرکز په شپږمه امنیتي حوزه کې هغه ښځه لاس په لاس نیولې چې غوښتل یې خپل خاوند ووژني.
د امنیې قومانداني په یوه خبرپاڼه کې لیکلي چې یادې ښځې او خاوند یې مخکې په محکمه کې حقوقي دعوا لرله او خاوند یې چې کله د محکمې جلب د خُسر کور ته ور وړی، مېرمنې یې په چاکو وهلی دی.
هرات کې ۲۰۰ کارګر ماشومان چې له زدهکړو بېبرخې وو، نن د یوه خیریه بنسټ په همکاري ښوونځي کې شامل شوي دي.
د «عاطفي» په نوم د دغه بنسټ مرستیال عبدالظاهر ارشاد وايي، نن یې ۸۷ نجونو او ۱۱۳ هلکانو ته د زدهکړو اسانتیاوې برابرې کړې دي.
هرات کې د کرنې برخې مسوولان وايي چې سږکال یې دغه ولایت کې ۱۵۰زره ټُنه د انګورو حاصلات راټول کړي چې د تېرکال په پرتله له ۱۵ تر ۲۰ ټُنه زیاتوالی ښيي.
خو بزګران د انګورو بازار نشتون او له هېواد څخه بهر یې د نه صادراتو له امله شکایت کوي او وايي، اړ دي چې خپل انګور په ټيټه بیه وپلوري.
د هرات امنیتي مسوولان وايي چې دغه ولایت کې د سېلابونو راوتلو له امله دوه ښځې مړې شوې دي.
هرات کې ۲۵کلن غلامسخي اته کاله وړاندې په ډېرو کمو امکاناتو هرات ښار کې د دستکولونو د ګنډلو کارخونه جوړه کړه، څو وکولای شي، د ښوونځي زدهکوونکو، د پوهنتون زدهکړیالانو او نورو کسانو لپاره د کار زمینه برابره کړي.
د هرات د ۲۰۷ الفاروق قول اردو کې یوه سرچینه چې نه غواړي نوم یې واخیستل شي، سلاموطندار ته ویلي، د ۲۰۷ الفاروق قولاردو پر کارکوونکو په دوو جلا جلا بریدونو کې د یاد قولاردو دوه کارکوونکي وژل شوي او ۱۸ نور ټپیان دي. د سرچینې په وینا، دغه پېښې د هرات ښار په نمبر یک او غیزان سنکر سیمو کې رامنځته شوي دي.
د هرات د امنیې قومنداني ویاند محمودشاه رسولي وايي، ناپېژنده وسلهوالو نن سهار شاوخوا ۷ بجې د هرات ښار څلورمه ناحیه کې د ۲۰۷ الفاروق قول اردو د کارکوونکو پر موتر برید کړی دی.
هرات کې یوشمېر ښځو نن د «شمامه نجونو» تر نوم لاندې دوه ورځنی هنري او فرهنګي نندارتون پرانسته. د نندارتون جوړونکي وايي، له دغه نندارتون څخه یې موخه د هغو ښځو او نجونو ملاتړ دی چې اړ شوي، خپل مخونه پټ کړي.
د هرات روغتیایي مسوولان وایي چې د بیزو تڼاکې لومړۍ مشکوکه پېښه د دغه ولایت په حوزوي روغتون کې ثبت شوې ده.
هرات کې د یوشمېر چاپخونو خاوندان وايي، نږدې یوه اوونۍ وړاندې د دغه ولایت ښاروالي ټولو چاپخونو او تبلیغاتي شرکتونو ته یو مکتوب لېږلی او ترې غوښتنه یې کړې چې د ژوندیو موجوداتو د تصویرونو له چاپ څخه ډډه وکړي.
د هرات د ښځو د سوداګرۍ او پانګونې خونې د سهشنبې په ورځ د کوچني اختر د رارسېدو په مناسبت د « متشبثو ښځو د کورنیو تولیداتو» تر نوم لاندې نندارتون جوړ کړی دی.
د هرات د ښځو د سوداګرۍ او صنایعو خونې مسوولان وايي، دوی له ډېرو هڅو وروسته بریالي شو چې د ښځو د فعالیتونو په برخه کې د اسلامي امارت، سوداګرو او یوشمېر هېوادونو ملاتړ راجلب او خپل فعالیتونه بېرته پیل کړي. دوی له ا.ا غواړي چې ښځو ته د هېواد د پرمختګ په برخه کې ونډه ورکړي.
د هرات محلي مسوولان وايي چې په دغه ولایت کې د اسلامي امارت ځواکونو یوه رنجر موټر له ټېلر سره ټکر کړی چې له امله یې د اسلامي امارت پنځه سرتیري مړه شوي دي.
د افغانستان برښنا شرکت د یوې خبرپاڼې په خپرولو سره ویلي چې د هرات سلما بند درېیم توربین بېرته فعال شوی او په وینا یې، د دې بند د برښنا د تولید چارې عادي حالت ته راګرځېدلې دي.
د هرات اوسېدونکي او فرهنګیان وايي چې د دغه ولایت له ۶۰سلنه ډېر تاریخي ځایونه ویجاړ شوي او که بیارغاونې ته یې پام ونه شي په بشپړ ډول به لهمنځه ولاړ شي. هغوی وایي، د تاریخي اثارو او ځایونو شتون د هېواد د هویت ښکارندوی کوي او له مسوولانو څخه غواړي چې د دغو لرغونو ځایونو ساتنه وکړي.
د هرات د حوزوي روغتون سرطبیب محمدعارف جلالي سلاموطندار ته وویل، په دې پېښه کې څلور تنه وژل شوي او ۲۵ نور ټپیان دي چې روغتون ته لېږدول شوي دي. په همدې حال کې باختر خبري اژانس اعلان کړی چې د هرات په نهمه ناحیه کې د چاودنې له امله ۵ تنه وژل شوي او ۲۰ نور ټپیان شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
