طالبانو جوزجان کې د «۱۳۰واده شویو مېرمنو» د خرڅلاو په تور یو کس نیولی

په جوزجان کې د اسلامي امارت امنیتي مسوولان وايي چې د دغه ولایت د مرکز اړوند د دویمې امنیتي حوزې د امنیتي ځواکونو له لوري د « ۱۳۰ واده شویو مېرمنو» د خرڅلاو او غلا په تور پنځه کسان نیول شوې دي. د جوزجان ولایت یو‌شمېر اوسېدونکي د اسلامي امارت دغه کار ستايي او هغه د جنايي جرمونو په راکمولو کې ګټور بولي.

د اقینې بندر سوداګر: مافیايي شرکت راڅخه غیرقانوني اخاذ‌ۍ اخلي

په فاریاب کې د اقینې بندر یو‌شمېر سوداګر په دغه بندر کې د «ټي‌سي‌ار‌سي‌/TCRC» په نوم د یوه بهرني شرکت له غیرقانوني اخاذۍ څخه شکایت کوي او وایي چې دغه مافیايي شرکت د تېلو او ګازو د کیفیت اروزنې په پلمه، د سوداګرو له هر یو ټُن مال څخه ۸ ډالر غیرقانوني اخاذي اخلي.

شنونکي: داعش ډله به اسلامي امارت ته جدي ګواښ وي

د سیاسي چارو شنونکي افغانستان کې د داعش ډله او ورځ تر بلې یې ځواکمنتیا د طالبانو د حکومت لپاره جدي ننګونه بولي. دوی وایي، داعش ډله کېدای شي د اسلامي امارت لپاره یو ستر ګواښ شي او د حکومت لپاره روان وضعیت نور هم بحراني کړي. شنونکي وايي چې د اسلامي امارت وضعیت ته په کتو، ښايي طالبان د داعش ډلې د مدیریت توان ونه لري.

د بدخشان مرکز فیض‌اباد ښار د طالبانو لاس ته لوېدلی

په بدخشان ولایت کې محلي سرچینې وایي چې د بدخشان کشم او فرخار ولسوالۍ ته د امنیتي ځواکونو له شاتګ وروسته وسله‌والو طالبانو د دغه ولایت مرکز فیض‌اباد ښار نیولی دی. په همدې حال کې وسله‌والو طالبانو د دغه ولایت د ولایت مقام، امنیه قومندانۍ او د ملي اردو د مرکز له نیولو وروسته د بدخشان ولایت زندان هم نیولی او ټول بندیان یې ترې ازاد کړي دي.

د امریکا دفاع وزیر: افغان پوځ لومړی باید د طالبانو د پرمختګ مخه ونیسي

د امریکا متحده ایالاتو د دفاع وزیر لویډ اسټین وایي، د افغانستان پوځ وړاندې له دې چې له لاسه تللې سیمې بېرته ونیسي، ښه به وي چې په دغه هېواد کې د وسله‌والو طالبانو د پرمختګ مخه ډب کړي. لویډ اسټین ویلي، د افغانستان پوځ د دې وړتیا او توان لري چې له لاسه تللې سیمې بېرته تر خپلې ولکې لاندې کړي.

د لغمان دولت شاه ولسوالي د طالبانو لاس ته لوېدلې

یوې باوري حکومتي سرچینې سلام‌وطندار ته ویلي چې نن سهار د لغمان ولایت دولت‌شاه ولسوالي د وسله‌والو طالبانو له‌ خوا نیول شوې ده. سرچنیه وایي چې دغه ولسوالي وروسته له هغې د طالبانو لاس ته ولوېده چې بېګاه شپه له دغه ولسوالي ټول امنیتي سرتېری ایستل شوي وو.

بغلان کې دوه پوستې او بورکه ولسوالي د طالبانو لاس ته لوېدلې

هغه سند چې سلام‌وطندار رادیو ترلاسه کړی ښيي چې د بُرکې ولسوالي سیمه‌ییز چارواکي د حکومت د نه پاملرنې له امله دا ولسوالي له جګړې پرته وسله‌والو طالبانو ته پرېیښې او په نهرین ولسوالي کې ځای پر ځای شوي دي.

د بغلان ولایتي شورا رییس محمد صفدر محسني وايي چې طالب جنګیالیو تېره شپه د بُرکې ولسوالي په بشپړه توګه تر خپلې ولکې لاندې راوستې ده.