د اسلامي امارت ویاند ذبېحالله مجاهد جمعه د وري څلورمه پر خپله ټوېټرپاڼه د امریکايي چارواکو هغو ادعا ته تند غبرګون ښودلی چې ګواکې د داعش ډلې غړي افغانستان کې زیات شوي دي.
ذبېحالله مجاهد دغو ادعاوو ته په غبرګون کې لیکلي چې افغانستان کې د داعش ډلې غړي د پخوا په پرتله ځپل شوي او شمېر یې خورا کم شوی دی.
په وروستیو څو ورځو کې پر ټولنیزو رسنیو خپره شوې یوې ویډیو کې یوه ښځه ادعا کوي چې دوو وسلهوالو پر دې او دوو ۱۲ کلنې او ۱۳ کلنې لوڼو یې جنسی تېری کړی او وهلي او ډبولي یې دي. د یادې ویډیو له خپرېدو وروسته د ټولنیزو رسنیو ګڼشمېر کاروونکو دې ویډیو ته تند غبرګونونه ښودلي دي.
د پکتیا امنیتي مسوولان وايي چې نن یکشنبه د کب ۱۴مه د دغه ولایت د څمکنیو ولسوالي اړوند یوه کور کې د چاودنې له امله د یوې کورنۍ دوه غړي وژل شوي او درې نور ټپیان دي.
د پکتیا د اطلاعاتو او فرهنګ رییس ثواب جان اسلامیار سلاموطندار ته وايي، چاودنه نن سهار اووه بجې د څمکنیو ولسوالي په سلیمانخېلو بټ کې رامنځته شوې ده.
د هرات د امنیې قومنداني د رسنیو دفتر په یوې خبرپاڼه کې ویلي، دغه ولایت کې د داعش ډلې پر یوه پټنځای د عملیاتو پر مهال د یوې ښځې په ګډون د یادې ډلې شپږ غړي وژل شوي دي. دغه عملیات بېګاه ۱۰بجې د هرات ښار د څوارلسمې ناحیې اړوند «رباط کابليها» سیمه کې رامنځته شوې ده. د عملیاتو پر مهال له یادو کسانو څخه درې میله کلاشینکوف، پنځه میله توپانچې، یو دوربین او ۱۵ موبایلونه هم ترلاسه شوي دي.
باختر دولتي اژانس پر ټویټر د امنیتي مسوولانو له قوله لیکلي چې ګازو د کابل ښار په تایمني سیمه کې د یوې کورنۍ شپږ غړي مړه کړي دي. د باختر په وینا، په مړو شویو کسانو کې دوه ښځې او څلور ماشومان شامل دي. بلهخوا پر ټولنیزو رسنیو د دې پېښې یوه ویډیو خپره شوې چې ښيي، یوه ښځه او څلور ماشومان د خوب په بستره او بله ښځه هم په تشناب کې مړه شوې ده.
د کابل امنیتي مسوولان وايي، د نهمې امنیتي حوزې اړوند د خواجهرواش سیمې په یوه جومات کې یوه کس د یوې کورنۍ پنځه غړي وژلي او یو بل کس یې ټپي کړی دی.
د کابل د امنیې قومنداني ویاند خالد ځدراڼ نن چهارشنبه د لیندۍ دویمه سلاموطندار ته ویلي، د لومړنیو معلوماتو له مخې، یاده پېښه د شخصي دښمنۍ له امله رامنځته شوې ده.
د پکتیا محلي مسوولان وايي چې د دغه ولایت په مرکز ګردېز ښار کې یوه مېرمن د خپلې کورنۍ لهخوا وژل شوې ده.
د پکتیا د امنیې قومنداني ویاند عبدالباري منیب سلاموطندار ته ویلي چې پرون شنبه د لړم ۲۰مه د مرکز ګردېز ښار د درېیمې امنیتي حوزه په «ملا قدرت درې» کلي کې یوه مېرمن د خپلې کورنۍ د غړیو له لوري په مرموز ډول وژل شوې ده.
کندهار کې یوه سرچینه وايي چې د حکومت د سرپرستې کابینې یوشمېر غړي د ا.ا د مشر هبتالله اخندزاده سره پر ځینو ملي او مهمو مسایلو د خبرو لپاره دغه ولایت ته تللي دي. سرچینې د نوم نه ښودلو په شرط سلاموطندار ته ویلي، له تېرو درېوو ورځو راهیسې د سرپرستې کابینې ۱۶ چارسمبالي وزیران دغه ولایت کې دي.
یوشمېر کابل ښاریان وايي چې په دې وروستیو کې دغه ښار کې یو کلي او بې اسناده موټر زیات شوي چې د خلکو اندېښنې یې هم راپارولي دي.
دوی زیاتوي چې دغه موټر تر ډېره د اسلامي امارت پورې تړلو کسانو له لوري چلول کېږي چې ټرافیکي قوانین نه مراعتوي او ښار کې د ګڼې ګوڼې لامل هم شوي دي.
د میدان وردګ محلي چارواکي وايي چې د دې ولایت اړوند په دایمیرداد ولسوالي کې پر یوه استوګنیز کور د غره ښويېدنې له امله درې کسان مړه شوي او دوه ټپیان دي.
د هلمند ولایت اړوند په مارجې ولسوالي کې پرون مازديګر ناوخته په يوې چاودنه کې د يوې کورنۍ ۷ کسان ټپيان شوي دي. د هلمند د اطلاعات او فرهنګ رياست څخه سلاموطندار ته په رالېږل شوې خبرپاڼه کې راغلي چې ټپیان ټول د يوې کورنۍ غړي دي چې په کور کې د زړې مرمۍ د چاودنې له امله ټپیان شوي دي. خبرپاڼه کې راغلي چې د پېښې ټیپان د دې ولایت ايمرجنسي روغتون ته لېږدول شوي او تر درملني لاندې دي.
د غزني محلي مسوولان وايي چې په دغه ولایت کې د ګاز نیونې له امله د یوې کورنۍ درې غړي مړه شوي دي.
د امریکا په کانګرېس کې د دموکرات ګوند یوشمېر غړو د دغه هېواد ولسمشر جو بایډن ته یو لیک استولی او له نوموړي یې غوښتي چې په افغانستان کې د اقتصادي پاشلتیا او پراخې قحطۍ څخه د مخنیوي لپاره دې، د دغه هېواد د کنګل شویو شتمنیو د ازادولو زمینه برابره کړي.
د ازبکستان د بهرنیو چارو وزیر عبدالعزیز کاملوف پرون ورځ بروکسیل کې د اروپایي ټولنې چارواکو سره د لیدنې پرمهال ویلي، افغانستان کې د اوسني وضعیت او د هر ډول رامنځ ته کېدونکي ناورین مسوول د هغه نړیوال اېتلاف غړي هېوادونه دي چې افغانستان کې ښکېل وو.
د مخکیني حکومت له سقوط وروسته او د اسلامي امارت په راتلو سره ګڼشمېر خبریالانو هڅه وکړه چې د ځان خوندیتوب په موخه له هېواده ووځي. د خبریالانو پر وړاندې رامنځ ته شوي خراب وضعیت ته په کتو، ګنشمېر کورنیو او بهرنیو بنسټونو د افغان خبریالانو لپاره د تخلیې فرصتونه برابر کړل.
د بغلان ولایت په پلحصار ولسوالي کې باوري محلي سرچینې سلاموطندار ته وايي چې بېګاه شپه ناپېژنده وسلهوالو د ظهیرالدین اندرابي په نوم یو ډاکټر له خپلې شپږ کسییزې کورنۍ سره وژلی دی. په دغه پېښه کې د ډاکټر ظهیر الدین مېرمن، دوه پېغلې لورګانې، زوم او دوه ماشومان یې وژل شوي او درې ماشومان یې ټپیان دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
