کابل کې د مافیايي ډلې درې غړي وژل شوي او یو بل نیول شوی

د کابل امنیه قوماندان جمشېد توتاخېل نن په کابل کې یوې خبري غونډې ته وویل، یوه څلورکسیزه مافیايي ډله چې د کابل په ګډون یې په یوشمېر نورو ولایتونو کې جنايي فعالیتونه کول له منځه وړې ده. توتاخېل وايي، د دغه بانډ غړیو له لسو ډېر جنايي جرمونه کړي دي.

امنیتي ځواکونو له طالبانو د هرات کروخ ولسوالي بېرته نیولې

د هرات د والي ویاند جیلاني فرهاد وایي چې دغه ولایت ته د کورنیو چارو چارسبمالي او د ملي امنیت د عمومي ریاست نظامي مرستیال له راتګ وروسته، د هرات ولایت پوځي شورا دا پرېکړه وکړه چې د کرخ ولسوالي د بېرته نیولو عملیات پیل کړي او امنیتي ځواکونو دغه ولسوالي له طالبانو بېرته ونیوله.

ملي امنیت د برښنا پایو د الوځوونکو د ډل‌مشر په ګډون څلور کسان نیولي

د ملي امنیت عمومي ریاست وايي چې په پروان کې یې د وارداتي برښنا د پایو الوځوونکو د ډل‌مشر په ګډون، څلور کسان نیولي دي.
دغه ریاست نن په یوه خبرپاڼه کې لیکلي چې د ملي امنیت ځانګړو ځواکونو په پروان کې عملیات کړي او هغه څلور کسان یې نیولي چې د وارداتي برښنا پایې به یې الوځولې.

په یوشمېر ولایتونو کې د جګړې دوام

د هېواد یوشمېر ولایتونه په وروستیو دوو میاشتو کې د امنیتي ځواکونو او طالبانو ترمنځ د سختو جګړو شاهدان وو. په دغو ولایتونو کې ځايي سرچینې وايي چې طالبان د پرمختګ په حال کې دي.

بغلان کې د پوځ پر یوه مرکز موټربم برید؛ شپږ سرتېري وژل شوي

په بغلان کې باوري امنیتي سرچینو سلام‌وطندار ته ویلي چې نن سهار شاوخوا دوه بجې د پلخمري ښار په باغ شمال سیمه کې د ملي اردو پر یوې مرکز موټربم برید شوی دی.
د سرچینو په وینا، تر اوسه په دې پېښه کې د ملي اردو شپږ سرتېري وژل شوي او لس نور ټپیان دي.

له طالبانو د جلرېز ولسوالي د بېرته نیولو هڅې

امنیتي چارواکي وایي، د میدان وردګ ولایت د جلرېز ولسوالي د بېرته نیول لپاره د دوی هڅې روانې دي او ډېر ژر به دغه ولسوالي له وسله‌والو طالبانو بېرته ونیسي.
د دفاع وزارت د ویاند مرستیال فواد امان وایي، له وسله‌والو طالبانو څخه د میدان وردګ ولایت د جلرېز ولسوالي د بېرته نیولو لپاره د افغان امنیتي ځواکونو ځمکني او هوایي عملیات پیل شوي او ډېر ژر به دغه ولسوالي د وسله‌والو طالبانو له شتون څخه پاکه کړي.

پر طالبانو د افغان ځواکونو بریدونه؛ په ۲۴ ساعتونو کې ۶۵ وسله‌وال وژل شوي

په  کوچني اختر کې د افغان دولت او وسله‌والو طالبانو ترمنځ له درې ورځني اوربند وروسته د هېواد په یو‌شمېر ولایتونو کې د حکومت او طالب ډلې ترمنځ د نښتو خبرونه ورکړل شوي چې دواړه لوري یو بل ته د مرګ‌ژوبلې اړولو ادعا کوي.

د اوربند پای او هلمند کې د طالبانو پر وړاندې د افغان ځواکونو د عملیاتو پیل

د افغان دولت او طالبانو ترمنځ د کوچني اختر درې ورځنی اوربند بېګاه دولس بجې پای ته ورسېد. په سوېل کې پوځیان وايي، د طالبانو پر وړاندې یې یرغلیز، چاڼیز او د ترهګرۍ ضد عملیات پیل کړي چې د مارجې ولسوالي لپاره او پر لښکرګاه ښار د طالب ډلې د بریدونو مسوول حسیني په ګډون په‌کې ۲۱ طالبان وژل شوي او ۱۳ نور ټپیان دي.

د عليپور پر وړاندې د عملیاتو دوام؛ د وسله‌والو تر څنګ، یوه امیندواره ناوې هم وژل شوې

حکومتي چارواکو د میدان وردګ ولایت په بهسود ولسوالي کې د پوځ یوې چورلکې له نسکورېدو وروسته د نامسووله وسله‌والو قوماندان عبدالغني عليپور د دې چورلکې د نسکورېدو عامل وباله او د هغه د نیولو په موخه یې عملیات پیل کړل.

کندوز کې د طالبانو برید؛ ۳ کومانډویان وژل شوي او ۹ ټپیان دي

په کندوز کې یوه باوري امنیتي سرچینه چې نه غواړي نوم یې یاد شي، سلام‌وطندار ته ویلي چې کومانډو ځواکونو بېګاه ناوخته د کندوز ښار د تلوکې سیمې په «بوز کندهاري» کې عملیات کړي دي.
د سرچینې په وینا، طالبانو د دغه عملیاتو پر مهال ځانګړي ځواکونه په یوه «۸۲ توپ» ويشتي چې له کبله یې ۳ کومانډویان وژل شوي او ۹ نور ټپیان دي.

لوګر کې د طالبانو پر زندان د کومانډویانو عملیات؛ ۲۲ بندیان را خوشې شول

په لوګر ولایت کې د ۲۰۳ تندر قول‌اردو د څلورمې پلې لېوا قوماندان محمدیاسین سداد وايي چې افغان کومانډو ځواکونو د دغه ولایت په څرخ ولسوالي کې د طالبانو یو زندان مات کړی او ۲۲ بندیان چې ملکیان او نظامیان په‌کې دي، را خوشې کړي دي.
نوموړي سلام وطندار ته وویل، یاد عملیات بېګاه د څرخ ولسوالي په اب‌جوش سیمه کې د طالبانو پر یوه مهم مرکز شوي دي.