پاکستاني پولیسو له درېوو څو ورځو راهیسې د اسلاماباد او پنډۍ په بېلابېلو برخو کې د افغان کډوالو د نیولو لړۍ پیل کړې ده. پولیسو په دغه کار سره د افغان کډوالو ارام اخیستی او خوبونه یې پرې تښتولي دي.
دوی د پولیسو موټرو له کولې نه د وېرې له کبله خپل کورونه پرېږدي او شپه پر سړکونو او پارکونو کې تېروي، خو ځینې یې بیا د پولیسو لاس ته ورځي.
هلمند کې یوشمېر ښوونځي چې ودانۍ نهلري، زدهکوونکي یې د ګرمۍ او یخنۍ له امله پر بېلابېلو ناروغیو اخته کېږي.
د یادو زدهکوونکو د کورنۍ غړي وايي، د ښوونځیو ودانیو نشتون له کبله یې اولادونه د اوړي او ژمي په موسمونو کې ناروغېږي. رحمتالله چې اولادونه یې دغه ښوونځي کې زدهکړې کوي، وايي، ماشومان یې د ښوونځي ودانۍ نهشتون په دلیل ناروغېږي.
د کابل-کندهار لویې لارې یوشمېر مسافر او موترچلوونکي د دغې لویې لارې د خرابوالي له امله شکایت کوي او له حکومت غوښتنه کوي چې یاده لویه لاره دې بېرته ورغوي. د کابل-کندهار لویې لارې یوشمېر مسافر او موټرچلوونکي وايي، پر یاده لاره د تګراتګ او د ناروغانو لېږد پرمهال تل له ګڼو ستونزو سره مخ وي.
د کابل ښار یوشمېر اوسېدونکي شکایت کوي چې هټۍوالو، لاسپلورونکو او کراچۍ لرونکو کسانو په ټول ښار کې خپل توکي د سړکونو او پلیو لارو پر سر د خرڅلاو لپاره ایښي او دوی تر پوزې راوستي دي.
د کابل ښار اوسېدونکې محبوبه وايي، ډېر کله د هټۍوالو او کراچۍلرونکو له لوري د پلیو لارو د بندېدو له امله له ستونزو سره مخامخ شوې ده.
د جوزجان ۲۰۰بستریز ولایتي روغتون کې د یوشمېر ناروغان پیوازان شکایت کوي چې یاد روغتون له مرکز شبرغان ښار څخه په لرې واټن کې جوړ شوی او دغه روغتون د څښاک پاکې اوبه هم نهلري.
بلخ چې د خټکیو کښت لپاره مناسب اقلیم، خاوره او اوبه لري، خو دغه ولایت کې کروندګر له مضرو حشراتو پوزې ته راغلې دي.
ویل کېږي، له وروستیو څلور کالونو راهیسې د دغه ولایت په شمالي سیمو کې دغه مضر حشرات پیدا شوي چې د کروندګرو کرنیزو فصلونو باندې حملې کوي او په ځانګړي ډول د خټکیو حاصلات له ۶۰ تر ۸۰سلنې لهمنځه وړي.
د هرات د غوريان مالګې د شرکت مسوولان د سوداګرو لهخوا له ګاونډيو هېوادونو څخه افغانستان ته د ورته ايوډين لرونکې مالګې د واردېدو په اړه شکایت کوي. د دغه شرکت مسوول ناصر امید سلاموطندار ته ویلي چې اوس هر کال د غوریانو د مالګې له کان څخه شاوخوا ۵۰ زره ټنه مالګه را وباسي.
نن دوشنبه د مې میاشتې اتمه د تلاسمیا یا د وینې کموالي ناروغي له نړیوالې ورځې سره هممهاله هېواد کې پر یادې ناروغي اخته ناروغان د درملنې د امکاناتو له نشتون څخه شکایت کوي.
د تلاسمیا ناروغي نړیواله ورځ نن دوشنبه د غويي ۱۸مه کابل کې د عامې روغتیا وزارت له لوري ونمانځل شوه.
د کندوز د خاناباد ولسوالي یوشمېر اوسېدونکي د دې ولسوالي په درملتونونو کې د بېکیفیته درملو او نامسلکي درملپلورونکو د زیاتوالي په اړه ګیلې لري. د خاناباد ولسوالي اوسېدونکی نجیبالله وايي، د روغتیايي مسوولانو نه څارنه لامل شوې چې نامسلکي کسان په خپل سر دې ولسوالي کې درملتونونه جوړ کړي.
د جوزجان د اقچې ولسوالي یوشمېر اوسېدونکي سلاموطندار ته وايي چې دغه ولسوالي کې د څښاک پاکو اوبو نشتون له کبله ګڼشمېر ماشومان پر بېلابېلو ناروغیو اخته شوي دي.
په کابل ښار کې د ښځو د لاسي صنایعو او تولیداتو د یوازیني دایمي نندارتون پلورونکي وايي، د دغه نندارتون د نامناسب ځای له کبله یې پېرودونکي کم شوي دي.
مستوره او مینه هغه دوه ښځې دي چې له تېرو درېوو میاشتو راهیسې یې په خپلو لاسونو جوړې کړې افغاني جامې، بکسونه او څپلۍ نندارې ته ايښي وايي، په میاشت کې تر دوو زیات پېرودونکي نه لري.
د میدانوردګ د مرکزي بهسودو ولسوالي اوسېدونکي یاده ولسوالي کې د ښځینه متخصصو ډاکټرانو او درملو کمښت څخه د اندېښنې په څرګندونو سره وايي چې دې چارې خلک له ګڼو ستونزو سره مخ کړي دي. دوی زیاتوي چې لرو پرتو ولسوالیو کې د پخوا په پرتله د ښځینه ډاکترانو او درملو کمښت ستونزه دوه برابره شوې
د کابل د اوومې او اتمې ناحیو اوسېدونکي دغه سیمه کې د کثافاتو له ډېروالي شکایت کوي او وايي چې کابل ښاروالي له یادو سیمو د کثافاتو لېږد او پاککارۍ برخه کې ناغېړي کوي.
د اوومې او اتمې ناحیو د اړوند سیمو اوسېدونکي سلاموطندار ته وايي چې کابل ښاروالي په میاشت کې یو ځل هم له یادې سیمې کثافت نه ټولي.
د لوګر مرکز پلعلم ښار اړوند د یوشمېر لرو پرتو سیمو اوسېدونکي شکایت کوي چې سیمو کې یې هېڅ د نجونو لومړني ښوونځي شتون نهلري.
یوشمېر هېوادوال په روغتونونو کې د متخصصو ډاکټرانو نشتون له کبله د شکایت ترڅنګ وايي، ځینې ډاکټران چې د دوی ناروغي نهشي تشخیصولی، نورو روغتونونو ته یې لېږي.
د کابل یوشمېر اوسېدونکي د خوراکي توکو د بیې له لوړېدو څخه شکایت کوي او له کابل ښاروالي غواړي چې د خوراکي توکو پر هټیو څار او کنټرول ولري.
دوی سلاموطندار ته وویل چې هټۍوال په خپلسري توګه په لوړ قیمت توکي پلوري چې ګڼشمېر کورنۍ یې د پېرلو توان نهلري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
