کابل ښار کې د ناروغانو یوشمېر پایوازان شکایت کوي چې یو ډول درمل په بېلابېلو درملتونونو کې بېلابېلې بیې لري او په وینا یې، درمل پلورونکي د هر ډول درملو لپاره په خپل سر بیې ټاکي. دوی له سرپرست حکومت، په تېره د خوړو او درملو ادارې څخه غواړي چې بازار کې د درملو بیې کنټرول کړي.
بامیان د افغانستان د ګرځندویۍ او چکر ولایتونو له ډلې یو دی او وختناوخت ورته کورني او بهرني سیلانیان ورځي، خو اوس دغه ولایت ته ورتلونکي سيلانيان شکایت کوي چې هلته لومړنۍ اسانتیاوې نشته او دوی له چکر څخه خوند نهشي اخیستلی.
د بلخ مرکز مزارشریف ښار اړوند سیمه کې سلګونه بېځایه شوې کورنۍ چې د دوبي روانې ګرمۍ کې تر خېمو لاندې ژوند کوي، وايي، حکومت او مرستندویه بنسټونو تراوسه ورسره هېڅراز مرسته نه ده کړې.
د کابل ښار اوسېدونکي شکایت کوي چې لا هم د ښار په لویو او کوچنیو پلورنځیو کې تاریختېر خوراکي توکي خرڅېږي او په وینا یې، اړوندې ادارې یې باید مخه ونیسي.
د کابل ښار د تایمني سیمې اوسېدونکی قیوم وايي، کوچنی زوی یې څه موده وړاندې د یوه تاریختېر جوس د څښلو له امله ناروغ شوی و. هغه وايي، د دغو توکو خرڅلاو د خلکو له ژوند سره د لوبو کولو په مانا دی.
د هلمند یوشمېر کروندګر دغه ولایت کې د سړوخونو له نشتون د شکایت ترڅنګ وايي چې د سړوخونو نشتون له امله اړ دي چې مېوې او سبزیجات په ټيټه بیه وپلوري.
یوشمېر کابل ښاریان د وروستیو ورځو پر مهال د برښنا پرچاوۍ زیاتېدو څخه شکایت کوي او وايي، ټوله ورځ یوازې څلور ساعته برښنا لري او دې چارې ګڼو ستونزو سره مخ کړي دي.
د کندوز ښار د درېیمې ناحیې یوشمېر اوسېدونکي په یاده سیمه کې د روغتیايي خدمتونو د کموالي په اړه شکایت کوي او وايي، روغتیايي کارکوونکي ناروغانو ته سمه پاملرنه نه کوي او د هغو له پایوازانو سره هم ناسم چلن کوي.
د هېواد په بېلابېلو ولایتونو کې یوشمېر استادان د ښوونکو د روزنې بنسټونو د لغوه کولو پرېکړې په غبرګون کې وايي، دغه بنسټونه اغېزناک دي او باید د پوهنې وزارت له چوکاټ څخه ونه اېستل شي.
د خوست یوشمېر اوسېدونکي شکایت کوي چې دغه ولایت کې له تېرو جګړو څخه پاتې ناچاوده توکو او ماینونو د خلکو ژوند له ګواښ سره
د کابل ښار د دیارلسمې ناحیې اړوند د دشتبرچي اسیابینې سیمې يوشمېر اوسېدونکي د اوبو له کمښت څخه شکايت کوي او وايي، له شاوخوا دوو کلونو راهيسې د اوبو له کموالي سره مخامخ دي. د دوی په خبره، ډېری کورنۍ د اوبو د کمښت له امله له دې سیمې کډه شوې دي.
په سرپل کې د خولیو ګنډونکي وايي چې د خولۍ ګنډلو صنعت د دغه ولایت مهم لاسي صنایع دي، خو اوس دغه لرغونی صنعت له ورکېدو سره مخامخ دی.
د دوی په وینا، پخوا د دغه صنعت بازار ښه و، خو د بهرنیو خولیو له واردېدو سره ۷۰ سلنه ښځو خپل کاروبار له لاسه ورکړی دی.
د کابل ښار یوشمېر نجاران شکایت کوي چې په دې وروستیو کې د ودانیزو چارو کمېدو او د خلکو اقتصادي وضعیت کمزورتیا لامل شوي چې د دوی بازار پیکه کړي.
د کابل ښار په قلعه فتحالله کې یو نجار زړګی وايي، له ۴۵ کلونو راهیسې نجاري کوي او دغه کسب ورته پلار او نیکه ورته پاتې دی. نوموړی وايي چې اوس یې کارونه د پخوا په پرتله ۸۰ سلنه کم شوي دي.
د سلاوطندار د څېړنو پر بنسټ، د وروستیو میاشتو پر مهال د حکومتي ادارو له لوري رسنیو ته د اطلاعاتو د ورکړې کچه خورا محدوده شوې ده.
د څېړنو له مخې، د حکومت د رسنیو او اطلاعاتو مرکز چې د حکومتي ادارو د خبري ناستو اصلي مرکز دی، د تېرو دوو میاشتو پر مهال دغه مرکز کې یوازې درې خبري غونډې جوړې شوې دي.
د هرات یوشمېر اوسیدونکي وايي چې دغه ولایت کې د «هپټایټس بي» یا تور زیړي ناروغي ډېره شوې او دې برخه کې له حکومت د مرستې غوښتنه کوي.
دوی سلاموطندار ته وايي، که د روغتیا اړوند ادارې او مسوولان د یادې ناروغي مخنیوي لپاره اړین اقدامات ونهکړي، راتلونکې کې به د یاد ولایت اوسېدونکي د تور زېړي ناروغي له جدي ګواښ سره مخ شي.
هلمند کې یوشمېر کروندګر وايي چې سږکال دغه ولایت کې ګڼشمېر کروندګرو پر خپلو ځمکو غنم کري او د وچکالي له امله یې پر خپلو کرل شویو غنمو لوړ لګښتونه کړي، خو اوس یې د پلور ټيټو بیو اندېښمن کړي دي. دوی زیاتوي چې پر خپلو کښتونو یې لوړ لګښتونه کړي دي.
پاکستاني پولیسو له درېوو څو ورځو راهیسې د اسلاماباد او پنډۍ په بېلابېلو برخو کې د افغان کډوالو د نیولو لړۍ پیل کړې ده. پولیسو په دغه کار سره د افغان کډوالو ارام اخیستی او خوبونه یې پرې تښتولي دي.
دوی د پولیسو موټرو له کولې نه د وېرې له کبله خپل کورونه پرېږدي او شپه پر سړکونو او پارکونو کې تېروي، خو ځینې یې بیا د پولیسو لاس ته ورځي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
