د روزګان د چورې ولسوالي اوسېدونکی وليجان چې ۵۵ کلن دی وايي، سېلابونو یې شپږ میاشتې وړاندې کور نړولی، خو لا یې وسه نه لري چې بېرته یې جوړ کړي. هغه له سرپرست حکومت او نورو خیریه بنسټونو غوښتنه کوي چې د کور جوړېدو برخه کې ورسره مرسته وکړي.
په ځینو ولایتونو کې یوشمېر سېلابځپلیو کورنیو سلاموطندار ته ویلي چې ماشومان یې لومړنیو خدمتونو ته لاسرسی نهلري. د دوی په وینا، د شپې او ورځې تېرولو لپاره د اوسېدو ځای نهلري او له همدې امله يې ماشومان پر بېلابېلو ناروغيو اخته کېږي.
د ننګرهار محلي مسوولان وايي، په دغه ولایت کې د پروني باران، توپان او سېلاب له کبله د مړو شویو شمېر ۴۵ کسانو ته ورسېدو.
د ننګرهار د اطلاعاتو او کلتور ریاست د اطلاعاتو امر صدیقالله قریشي وايي، په یادو سېلابونو کې د ژوبل شویو کسانو شمېر ۳۰۰ ته رسېدلی دی. د نوموړي په خبره، دا شمېرې وروستۍ نهدي او ښايي نورې هم ډېرې شي.
په سېلابځپلیو ولایتونو کې یوشمېر ښځې وايي، په وروستۍ یوه میاشت کې د راغلیو سېلابونو له کبله روغتیايي خدمتونو ته لاسرسی نهلري. دا ښځې وايي، د سېلابونو راتلل او د روغتیايي مرکزونو لرېوالی لامل شوی چې هېڅ ډول روغتیايي خدمتونو ته لاسرسی ونه لري.
په دغه راپور کې له اووهلسو ښځو سره چې پنځه یې په هرات، پنځه په تخار، څلور په بدخشان او درې هم په ننګرهار کې دي، مرکې شوې دي.
د غور یوشمېر اوسېدونکي وايي، وروستیو سېلابونو یې زرګونه هېکټاره ځمکه ویجاړه او د دوی له ښې یې اېستلې ده. د غور د مرکز فېروزکوه ښار د مدرسې اوسېدونکی فضلالحق زماني وايي، وروستیو سېلابونو یې کرنیزه ځمکه ویجاړه کړې ده.
د بلخ د والي مرستیال نورالهادي ابوادریس وايي، د وروستیو سېلابځپلیو د لاسنیوي په موخه د ایران د بشردوستانه مرستو لومړنۍ جوپه چې شل ټنه ده، پرون بلخ ولایت ته رسېدلې ده.
د غور د مرغاب او چهارسدې ولسوالیو یوشمېر اوسېدونکي وايي، په دغه ولایت کې ویجاړوونکو سېلابونو د څښاک اوبو زېرمې ککړې کړي او د نسناستې په ګډون، د ځینو ناروغیو لامل شوي دي.
د مرغاب ولسوالي اوسېدونکی رحیمالله هدفمند وايي، د چینو، څاهګانو او مرغاب سیند د اوبو ککړوالی د نسناستې ناروغي زیاتېدو لامل شوی دی.
په غور کې محلي سرچینې وايي، په دغه ولایت کې راغلو سېلابونو خلکو ته د ځاني او مالي زیانونو اړولو تر څنګ، د «جام» تاریخي څلی هم له خطر سره مخامخ کړی دی.
د غور محلي مسوولان وايي، پرون (د غويي ۲۸مه، د جمعې ورځ) په دغه ولایت کې خونړي سېلابونه راغلي چې له کبله یې دیارلس کسانو خپل ژوند له لاسه ورکړی دی.
د غور د والي ویاند عبدالواحد حماس وايي، یاد کسان د دغه ولایت په مرکز او ولسوالیو کې مړه شوي دي.
په شمالي او شمال ختیځو ولایتونو کې د پرونیو سېلابونو له امله سلګونه کسان مړه او ټپیان شوي او د دې مرګژوبلې تر ټولو ډېره برخه په بغلان کې ولایت کې اوښتې ده.
د خوړو نړیوال پروګرام په یوه خبرپاڼه کې ویلي چې په بغلان کې د تېرې ورځې سېلابونو له امله تر ۳۰۰ ډېر کسان مړه او له زرو ډېر استوګنیز کورونه ویجاړ شوي دي.
په افغانستان کې د ملګرو ملتونو د خوړو نړیوال پروګرام وايي چې په بغلان کې د راوتلو سېلابونو له کبله څه باندې ۳۰۰ کسانو خپل ژوند له لاسه ورکړی او له ۱۰۰۰ ډېر کورونه ویجاړ شوي دي. بلهخوا په بغلان کې محلي سرچینو ځینو رسنیو ته ویلي چې سېلابونو یوازې د دغه ولایت په برکه او مرکزي بغلان ولسوالیو کې د ۲۵۰ کسانو ژوند اخیستی دی.
د تخار محلي مسوولان وايي چې په دغه ولایت کې راغلیو سېلابونو لسګونه سیمې ویجاړې کړي چې له کبله یې شل کسانو ژوند بایللی او پنځلس نور هم ورک شوي دي.
د تخار د طبیعي پېښو پر وړاندې د مبارزې رییس احمدسیر ساجد وايي چې د دغه ولایت په مرکز او ولسوالیو کې د سختو بارانونو او سېلابونو راوتلو له کبله لږترلږه شل کسان مړه شوي دي.
د ا.ا ویاند ذ.بېحالله م.جاهد په بغلان، بدخشان، غور او هرات ولایتونو کې د پرونیو سېلابونو له زیانمنو سره خواخوږي ښودلې او ویلي یې دي چې ا.ا به خپل ټول امکانات د یادو زیانمنو د لاسنیوي لپاره وکاروي. هغه له افغانانو هم غوښتي چې د طبیعي پېښو له زیانمنو سره د مرستې لپاره لاسونه را بډ وهي.
د ټرانسپورټ او هوايي چلن وزارت د هواپېژندنې ریاست مسوولان په ۲۲ ولایتونو کې د سختو بارانونو کېدو او د سېلابونو راوتلو خبرداری ورکړی دی.
د سرپرست حکومت د ټرانسپورټ او هوايي چلن وزارت د هواپېژندنې ریاست نن په یوه خبرپاڼه کې ویلي چې په ۲۸ ولایتونو کې به سخت باران وشي او له کبله به یې سېلابونه هم راووځي.
طبیعي پېښو ته د رسېدو په چارو کې د دولت وزارت مسوولانو د شنبې په ورځ سلاموطندار ته وویل چې په وروستیو څلورو ورځو کې د هېواد په نهو ولایتونو کې د سېلابونو راوتلو له کبله ۲۹ کسانو ژوند بایللی او اووه نور ټپیان شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
