اسلامي امارت د اسلام د پیغمبر په اړه د پوتین څرګندونې ستایلي دي

د اسلامي امارت د بهرنیو چارو وزارت د مسلمانانو او د افغانستان د کنګل شویو زېرمو د ازادېدو په اړه د روسیې د ولسمشر ولادیمیر پوتین له وروستیو څرګندونو هرکلی کړی دی.

د اسلامي امارت د بهرنیو چارو وزارت ویاند عبدالقهار بلخي بېګاه شپه په خپل ټویټرپاڼه لیکلي چې اسلامي امارت د ولادیمیر پوتین د وروستیو څرګندونو درناوی او هرکلی کوي.

شنونکي: اسلامي امارت باید افغانستان کې د نورو هېوادونو د سیالیو مخه ونیسي

چین د روسیې په ملاتړ د ملګرو ملتونو امنیت شورا کې د امریکا له‌خوا د هغې چمتو شوې، طرحې مخالفت کړی او هغه یې رد کړې چې پر بنسټ یې په افغانستان کې له بشري مرستو پرته اقتصادي بندیزونه لګېدل. د نړیوالو چارو شنونکی جاوید مومند وایې چې اسلامي امارت باید په افغانستان کې د نړی د سترو هېوادونو د سیالیو مخه ونیسي.

د افغانستان د وضعیت په اړه د هند او روسیې اندېښنې

د روسیې ولسمشر ویلادي‌میر پوتین نوي ډيلي ته په خپل سفر کې د هند له لومړي وزیر نریندرا مودي او نورو هندي چارواکو سره کتلي دي.
د هند د بهرنیو چارو وزارت ویلي چې په دې کتنه کې د افغانستان د روان وضعیت په اړه خبرې شوي او دواړو هېوادونو یې په اړه ګډه اعلامیه هم خپره کړې ده. په اعلامیه کې د ویلادي‌میر پوتین له قوله لیکل شوي چې روسیه په افغانستان کې د یوه ټول‌شموله حکومت ملاتړ کوي.

له افغانستانه روسیې او منځنۍ اسیا ته د ترهګرو د ورتګ په اړه اندېښنې

د روسیې د ملي امنیت شورا مرستیال الکسانډر ګوربینکین روسي رسنیو ته ویلي چې د افغانستان له خاورې د منځنۍ اسیا هېوادونو او روسیې ته د ترهګرو د ورتګ او نشه‌یې توکو د وروړلو په اړه اندېښنه لري.
نوموړي ویلي، اوس د افغانستان وضعیت نه شي اټکل کېدای چې په کومه روان دی او په خبره یې، دوی دغه وضعیت اندېښمن کړي دي.

د افغانستان په اړه د مسکو ناسته؛ د طالبانو په رسمیت‌‌پېژندل اجنډا کې نشته

رویټرز خبري اژانس راپور ورکړی چې د روسیې د بهرنیو چارو وزارت ویلي، دغه هېواد له چین او پاکستان سره په خبرو کې غواړي چې د مسکو په ناسته کې له افغانستان سره خپلې بشري مرستې اعلان کړي. خو د طالبانو په رسمیت پېژندل په دغه اجنډا کې نشته. د مسکو ناسته نن د روسیې په پلازمېنې مسکو ښار کې جوړېږي.

شنونکي: داعش ډله د نړۍ په کچه قوي ملاتړ لري

وروسته له هغې چې کندوز او کندهار ولایتونو کې د اسلامي دولت نومې ډلې یا داعش مرګونو بریدونو ګڼو ملکیانو ته درنه مرګ‌ژوبله واړوله، د دغې ډلې فعالیت په اړه د سیمې هېوادونو په ځانګړې توګه د روسیې اندېښنې زیاتې شوې دي. د چارو یو‌شمېر افغان کارپوهان هم داعش ډله افغانستان او سیمې ته ګواښ بولي او په دې باور دي چې دغه ډله قوي بهرنی ملاتړ لري.

د افغانستان په اړه د مسکو ناسته؛ طالبانو پکې د ګډون چمتوالی ښودلی

د اسلامي امارت د بهرنیو چارو وزارت مسوولان وایي چې د مسکو ناسته کې د ګډون لپاره اماده دي او دغې ناستې ته یې ځانګړی پلاوی هم جوړ کړی دی. د بهرنیو چارو وزارت ویاند عبدالقهار بلخي ویلي، په دغه ناسته کې به د رییس‌الوزرا د دویم مرستیال په مشري یو پلاوی د دوی له لوري د مسکو په ناسته کې ګډ‌ون وکړي.

روسیه تاجکستان او طالبانو ته: خپلمنځي لانجه د خبرو له لارې حل کړئ

روسیې له تاجکستان او طالبانو غوښتنه کړې چې دواړه لوري دي خپلمنځي لانجه د منلو شویو لارو څخه هواره کړي. د روسیې د بهرنیو چارو وزارت ویلي چې د طالبانو د اطلاعاتو پر اساس، په لسګونه زره طالب جنګیالي تاجکستان سره پولې ته نږدې په تخار ولایت او سرحدي سیمو کې ځای پر ځای شوي دي.

تر راتلونکو دوو ورځو د «جي‌۲۰» هېوادونه د افغانستان په اړه غونډه کوي

د روسیې تاس خبري اژانس د یاد هېواد د بهرنیو چارو د وزیر د مرستیال سرګي ورشینین له قوله راپور ورکړی چې تمه ده تر راتلونکو دوو ورځو پورې «جي ۲۰» هېوادونه د افغانستان په اړه غونډه وکړي. د روسیې د بهرنیو چارو د وزیر مرستیال ویلي چې په دغه ناسته کې د ګډون لپاره باید دوی ته بلنلیک راواستول شي.

روسیه: که د طالبانو حکومت پراخ‌بنسټه وي، د لوړې په مراسمو کې یې ګډون کوو

د روسیې د بهرنیو چارو وزیر سرګي لاوروف وایي، د طالبانو له لوري د ټول ګډونه حکومت د جوړولو په صورت کې به د دغه هېواد استازي د لوړې په مراسمو کې ګډون وکړي. لاوروف پرون یوې خبري غونډې ته وویل چې روسیې د طالبانو د حکومت د لوړې مراسمو کې د ګډون بلنلیک ترلاسه کړی.

حمدالله محب له خپل روسي سیال سره لیدلي

د ملي امنیت شورا سلاکار حمدالله محب روسیې ته د خپل سفر په ترڅ کې د دغه هېواد د ملي امنیت له سلاکار نیکولای پاتروشیف سره لیدلي دي. د ملي امنیت شورا دفتر په یوې خبرپاڼه کې ویلي، دغه لیدنه چې نن ترسره شوې، دواړو لوریو په سیمه کې د ګډو امنیتي موخو د تقویت او ملاتړ لپاره د چمتووالي خبر ورکړی دی. دواړو لوریو په دې لیدنه کې د سولې په بین الافغاني خبرو او له ترهګرۍ سره پر ګډې مبارزې هم خبرې اترې کړي دي.

سرګي لاوروف: د افغانستان ناامني د سیمې لپاره ګواښ ده

د روسیې د بهرنیو چارو وزیر سرګي لاوروف نن د مسکو په غونډه کې وویل، په افغانستان کې د ناامنیو دوام د ترهګرۍ د پیاوړتیا لامل کېږي او سیمه ګواښي.
د افغان سولې په اړه د مسکو غونډه نن د روسیې د بهرنیو چارو وزیر سرګي لاوروف له لوري په رسمي ډول پرانېستل شوه.

شنونکي: روسیه په سیمه‌ييزه کچه د نفوذ ساتلو په لټه کې ده

ټاکل شوې دوه ورځې وروسته د مارچ په ۱۸مه نېټه په مسکو کې د افغان سولې په تړاو د افغان دولت، سیاستوالو او طالب استازو پر ګډون سربېره، د یوشمېر نورو هېوادونو د استازو په ګډون، یوه ستره غونډه جوړه کړي.
خو د چارو یوشمېر شنونکي باور لري چې روسیه د افغانستان په اړه د دې سترې غونډې کوربه‌توب ته ځکه مټې را بډوهلي چې د سیمې پر هېوادونو خپل اغېز وساتي او د افغانستان په قضیه کې هم ښکېل پاتې شي.