«د نورو طالب بندیانو خوشې کول په هېڅ ډول د توجیه وړ نه دي»

د ولسمشر سلاکار او د ولسمشرۍ ماڼۍ د سټراټېژیکو او عامه اړیکو رییس وحید عمر وايي چې طالبانو په هېواد کې تاوتریخوالی ډېر کړی او د دې ډلې د نورو بندیانو خوشې کول په هېڅ ډول نه شي توجیه کېدای.
نوموړي نن ملت ته د دولت حساب‌ورکونې پروګرام په پرانېستونکې غونډه کې وویل چې حکومت د نورو طالب بندیانو له خوشې کولو سره مخالف دی.

طالبانو د سولې خبرو کې د ځنډ راتلو مسله بې‌بنسټه وبلله

قطر کې د طالبانو د سیاسي دفتر او د مرکه‌چي پلاوي ویاند محمد نعیم سلام‌وطندار ته وايي، د سولې د دویم پړاو مذاکراتو اجنډا پر سر خبرې نه دي ځنډول شوي. نوموړی وايي، پر ځینو موضوعاتو د ډېر بحث لپاره خپلمنځي غونډې کوي او حتمي نه ده چې هره ورځ غونډه ولري.

د طالبانو يو شمېر استازي لا هم قطر ته نه دي تللي

په قطر کې د افغانستان سولې خبرو د دويم پړاو له پيله او د حکومت او طالب پلاويو د کاري کمېټو ترمنځ له څو غونډو جوړېدو سره هم مهاله داسې راپورونه خپاره شوي چې د طالبانو سياسي مرستيال ملا عبدالغني برادر، د طالبانو د پلاوي رييس عبدالحکیم حقاني او د دې ډلې يو شمېر نور غړي له پاکستانه قطر ته نه دي تللي.

نن په دوحه کې د سولې بین‌الافغاني خبرو دویم پړوا پیلېږي

د ملي پخلاینې عالي شورا ویاند فريدون خوځون چې په قطر کې د دویم پړاو خبرو کې د ګډون په موخه دغه هېواد ته تللی سلام‌وطندار سره خبرو کې وویل، د افغانستان دولت د سولې مرکچي پلاوی به نن د طالبانو له مرکچي پلاوي سره بسټنیزې خبرې پيل کړي.

د خوځون په وینا، د افغان دولت مرکچي پلاوي نن خپل منځي ناسته درلوده او له طالبانو سره خبرو ته چمتو دي.

بې‌پولې خبریالان: حکومت باید په ټول توان د خبریالانو ژوند خوندي کړي

د بې‌پولې خبریالانو سازمان وايي، افغان حکومت باید د خبریالانو د خوندیتوب لپاره خپل ټول توان وکاروي. د دغه بنسټ په وینا، افغانستان په ۲۰۲۰ کال کې د خبریالانو لپاره تر ټولو خونړی هېواد و چې د غور غږ راډیو د مسوول بسم‌الله عادل په ترور سره ۲۰۲۱ کال هم په نړۍ کې د خبریالانو په وژل کېدو پیل شو.

«د سولې خبرو کې دې د ښځو حقونو ته پاملرنه وشي»

د سوېل ختيځ د څلور ولايتونو پکتيا، لوګر، پکتيکا او خوست ښځو په ګردېز کې د سولې مذاکراتو اړوند يوه غونډه کې وويل چې د دويم پړاو خبرو کې بايد اوربند ته لومړيتوب ته ورکړل شي.

پکتيا کې د ښځو شبکې مشرې زرغونې همت او ښځينه فعالې زرمينې وويل چې د سولې په خبرو کې دې ښځو، ځوانانو، قومي مشرانو او هغو کورنيو ته برخه ورکړل شي چې په جګړه کې يې قرباني ورکړې ده.

یوناما د سولې خبرو د بیا پیلېدو لپاره دوحې ته د مذاکره کوونکي ټيم د ستنېدو هرکلی کوي

افغانستان کې د ملګروملتونو سیاسي استازولۍ یا یوناما په یوه اعلامیه کې دوحې ته د مذاکره‌کوونکي پلاوي ستنېدو څخه هرکلی کړی او ویلي يې دي، په چټکه توګه د دوه افغان ټیمونو ترمنځ د خبرو پیل ته په تمه دي.

له يوناما په خپره شوې خبرپاڼه کې راغلي چې دغه خبرې د جګړې د پای او سولې ته د رسېدو لپاره ډېرې  مهمې دي.

له خلیل‌زاد سره د عبدالله ليدنه: د تاوتريخوالي زياتېدل د منلو نه دي

د ملي پخلاينې عالي شورا وايي، د يادې شورا رييس عبدالله عبدالله د امريکا د بهرنيو چارو وزارت له ځانګړي استازي زلمي خلیل‌زاد سره ليدلي او دواړو لوريو د افغان دولت او طالبانو ترمنځ د سولې د خبرو د دويم پړاو په اړه بحث کړی دی.

د ملي پخلاينې له عالي شورا په خپره شوې خبرپاڼه کې راغلي، دغه ليدنه چې نن سهار په سپېدار ماڼۍ کې شوې عبدالله عبدالله…

د سولې دويم پړاو خبرې؛ ښايي پلاوی سبا دوحې ته لاړ نه‌شي

 

د افغان دولت د سولې مرکه‌چي پلاوي غړې حبیبه سرابي سلام‌وطندار ته وايي، تراوسه په کره ډول نه ده مشخصه شوې چې دغه پلاوی به سبا دوشنبه طالبانو سره د سولې خبرو دویم پړاو پیل لپاره د قطر پلازمېنې دوحې ته لاړ ‌شي که نه.

نوموړې وویل…

طاهر زهیر: کورنيو چارو وزارت دې خبريالانو ته ډاډمن چاپېريال برابر کړي

د اطلاعاتو او فرهنگ وزارت سرپرست طاهر زهیر نن په يوه خبري ناسته کې له کورنيو چارو وزارته غوښتي چې خبريالانو ته ډاډمن چاپېريال برابر کړي.

زهير په دې غونډه کې ټينګار وکړ چې د خبريالانو د امنيت ساتل د کورنيو چارو وزارت او د امنيتي بسټونو…

د افغان حکومت د سولې مرکه‌چي پلاوی د دوشنبې په ورځ دوحې ته روانېږي

د افغان حکومت د سولې خبرو د مرکه‌چي پلاوي غړي حفيظ منصور نن په کابل کې په یوه خبري ناسته کې وويل چې ټاکل شوې د حکومت او طالبانو ترمنځ د سولې خبرې په قطر کې په خپل وخت له سره پیل شي.

حفيظ منصور ويلي، ټاکل شوې د افغان حکومت د سولې مرکه‌چي پلاوی د دوشنبې په ورځ د قطر دوحې ته لاړ شي.

ناټو: د سولې بهير د بريا هېڅ ضمانت نشته او دا پروسه ماتېدونکې ده

د ناټو سرمنشي ینس سټولټنبرګ وايي، د سولې پروسې بريا لپاره هېڅ داسې ضمانت نشته چې ګواکې دا پروسه دې بريالۍ شي. نوموړي دغه څرګندونې له الماني (DPA) رسنۍ سره په ځانګړې مرکه کې کړې دي.

سټولټنبرګ له دې وړاندې هم ويلي و چې افغانستان کې د سولې تامينېدو لپاره يو تاريخي فرصت منځته راغلی دی. نوموړي ويلي و چې دغه فرصت ماتېدونکی دی او بايد له دې پوره ګټه واخيستل شي.

د حکومت د سولې خبرو مرکچي پلاوی ولسي جرګې ته ورغوښتل کېږي

ولسي جرګې په نننۍ عمومي غونډه کې د سولې د بین‌الافغاني خبرو د پایلو په اړه غوښتنه وکړه چې د حکومت مذاکره کوونکی پلاوی دې جرګې ته ور وغوښتل شي.

د يادې جرګې رییس میر رحمان رحماني وویل، د حکومت خبرې کوونکی پلاوی دې د بین‌الافغاني خبرو له پایلو د راپور ورکولو او دويم پړاو لپاره د اجنډا د توضېح په موخه، جرګې ته حاضر شي.