‎د سولې خبرو پيل سره هم مهاله د ملکیانو مرګ‌ژوبله ‌‌‌‌‌‌ډېره شوې

افغانستان کې د ملګرو ملتونو سیاسي استازولۍ یا یوناما وايي، د سولې خبرو پيل سره هم مهاله افغانستان کې د ملکیانو مرګ‌ژوبله ‌‌‌‌‌‌ډېره شوې ده.

ياد سازمان په خپل کلني راپور کې چې نن خپور شو د سولې خبرو پيل سره هم مهاله افغانستان کې د جګړو له کبله د ملکي مرګ‌ژوبلې د کچې له لوړېدا اندېښنه ښودلې.

د سولې خبرو له پیلیدو وروسته د رسنیو او بشري حقونو ۱۱ فعالان وژل شوي

په افغانستان کې د ملګرو ملتونو استازولۍ یا یوناما ویلي چې د سږ کال د وږي په ۲۲مه د افغان دولت او طالب ډلې ترمنځ د سولې خبرو له پیلېدو وروسته د بشري حقونو ۵ فعالان او د رسنیو ۶ کارکوونکي په هدفي بریدونو کې وژل شوي دي.

حکمتیار: د افغانستان له بنادرو په کانټينرونو کې وسلې او جنګي تجهیزات واردېږي

د حزب اسلامي مشر ګلبدین حکمتیار جمهوري رياست د سولې خبرو پر سبوتاژ تورنوي او وايي، په لسګونو کانټینرونه او جنګي تجهیزات د بندرونو له لارې هېواد ته دننه کېږي.

حکمتيار نن له افغانستان څخه د پخواني شوروي اتحاد د لښکرو د ۳۲مې کالیزې په مناسبت جوړه شوې غونډه کې وويل، د افغانستان د بېلابېلو بندرونو له لارې د غنمو او نورو موادو په کانټینرونو کې وسلې او جنګي…

د بشري حقونو کمیسیون د سولې خبرو مېز ته د مرکچي پلايو د رییسانو د راستنیدو غوښتنه کړې

د بشري حقونو خپلواک کميسيون د سولې خبرو د مذاکراتي ټيم د دواړو لوريو له رييسانو غوښتي چې د خبرو مېز ته کېني او هر څه ژر خبرې پيل کړي.

ياد کميسيون نن پر خپله ټوېټرپاڼه ليکلي: «کميسيون د دواړو لوريو مشرانو ته د خپل ليک په بيا خپرولو سره د خبرو مېز ته د هغوى د را ګرځېدو غوښتونکى دى او د جګړې د ناموجه انساني، مادي او معنوي لګښتونو د راکمولو لپاره، د ژر تر ژره اوربند پر…

دانش: دوحه کې د سولې خبرې په نسبي توګه بن‌بست سره مخ دي

د ولسمشر دويم مرستيال محمد سرور دانش وايي، په دوحه کې د افغان دولت او طالبانو ترمنځ د سولې خبرې په نسبي توګه بن‌بست سره مخ دي. نوموړي دغه څرګندونې نن د ولسمشر محمد اشرف غني د سلاکار محمد محقق  د زوی محمد باقر محقق په لومړي تلين کې وکړې.

«د امريکا نوي حکومت د دريځ تر معلومېدو، طالبان خبرو کې برخه نه اخلي»

د قطر په دوحه کې شاوخوا درې میاشتې وړاندې د افغان دولت او طالبانو ترمنځ مخامخ د سولې د دويم پړاو خبرې پيل شوې؛ خو په دومره موده کې خلک يوازې له څو بې پايلو ناستو  پرته بل د پام وړ پرمختګ ونه ليده.

که څه هم دغه خبرې بايد پر اوربند پيل شوې وای، خو د جګړې اور د سولې خبرو اترو په لړ کې تر بل هر وخته شدت وموند او هدفي وژنې او چسپکي ماين چاودنې هره ورځ له افغانانو قرباني اخلي.

کارپوهان: طالبان د سیمې هېوادونو ته په سفرونو غواړي مشروعیت ترلاسه کړي

د سیمې یو شمېر هېوادونو ته د سفرونو په دوام د طالبانو یو پلاوی دا ځل ترکمنستان ته تللی دی. قطر کې د طالبانو د سیاسي دفتر ویاند محمد نعیم تېره ورځ پر ټوېټرپاڼه لیکلي، دغه پلاوي یې د ترکمنستان په رسمي بلنه دغه هېواد ته سفر کړی او موخه یې هم پر ګډو مسایلو، سوداګریزو اړیکو، سیاسي پرمختګونو او نورو موضوعاتو خبرې کول دي.

عبدالله: د طالبانو پلمې د سولې خبرو د ځنډ لامل شوي

د ملي روغې جوړې شورا رییس عبدالله عبدالله د طالب ډلې پر مرکچي پلاوي د توندو نیوکو تر څنګ ویلي، د دغه پلاوي له لوري بې‌منطقه پلمې جوړول د سولې دویم پړاو خبرو په پیل کې د ځنډ لامل شوي دي.
نوموړي نن په یوه خبرپاڼه کې ویلي، د طالب ډلې مرکچیان پر اصلي موضوعاتو د بحث، د جګړې او تاوتریخوالي پای ته رسولو، مسلمان‌وژنې او د خلکو د درد کمولو پر ځای، پر سفرونو او نورو مسایلو بوخت دي.

رحماني: حکومت او طالبانو واک ته رسېدو لپاره د خلکو غوښتنې له پامه غورځولي

شاوخوا پنځه میاشتې وړاندې د قطر په دوحه کې د افغان حکومت او طالبانو ترمنځ د سولې مخامخ خبرې پیل شوې؛ خو تر دې دمه دا خبرې د افغانانو لپاره د منلو وړ پایله نه لري. د دې وضعیت په دوام د ولسي جرګې غړيو د يادې جرګې د رییس میر رحمان رحماني په مشرۍ یو کمیسیون جوړ کړ.

افغان پلاوی: خبرو کې د «موقت حکومت» بحث نه دی مطرح شوی

قطر کې د حکومت د سولې مرکه‌چي پلاوي یو شمېر غړيو نن د ویډیو کنفرانس له لارې د مذاکراتو څرنګوالي په اړه د خبریالانو پوښتنې ځواب کړې. د ياد پلاوي غړي رسول طالب وويل، د مذاکراتو له لومړۍ ورځې بیا تراوسه د طالبانو له لوري اجنډا کې د موقت حکومت مسله او یا هم د ولسمشر غني د استعفا مسله نه‌ده مطرح شوې.

ايراني چارواکيو سره د طالبانو ليدل؛ «امريکا ښه منځکړې نه ده»

قطر کې د طالبانو د سياسي دفتر وياند محمد نعیم وايي، د طالبانو سیاسي مرستيال او دوحه کې د سياسي دفتر رييس ملاعبدالغني برادر او ورسره پلاوي يې تهران کې د ایران د بهرنیو چارو له وزیر جواد ظریف سره لیدلي دي.

محمد نعيم نن وروسته له غرمې په خپله ټوېټرپاڼه ليکلي، په دغه لیدنه کې دواړو لوریو د افغانستان د حالاتو او بين الافغاني مذاکراتو په اړه، د دوحې د هوکړې په پوره عملي کېدو او افغانستان او سیمې ته د امن او سولې پر اړتيا هم بحثونه وشول.

«موقت حکومت د پردیو مداخلو لپاره د دایمي فرصت معنا لري»

له هغه وروسته چې ولسمشر غني له موقت حکومت سره مخالفت څرګند کړ اوس د ملي امنیت شورا سلاکار حمدالله محب هم وایي چې موقت حکومت د پردیو لاسوهنې لپاره د دایمي فرصت معنا لري.

د ملي امنیت شورا سلاکار حمدالله محب نن پر خپله ټوېټرپاڼه ليکلي، هغو کسانو چې د سولې له مذاکراتو سره یې هم د مسلمانانو د سر او مال له وهلو لاس نه دی اخیستی، اوس دې پر دې پوه شي چې افغان ملت د ولسواکۍ…

د سولې خبرو ترڅنګ هم‌مهاله د تاوتریخوالي دوام د منلو نه دی

د المان لومړۍ وزیرې انګلا مرکل په افغانستان کې د تاوتریخوالي په زیاتېدو اندېښنه ښودلې او ويلي يې دي د سولې خبرو ترڅنګ هم‌مهاله د تاوتریخوالي دوام د منلو نه دی.

له ارګه په خپره شوې خبرپاڼه کې راغلي چې جمهوررييس محمد اشرف غني پرون ماښام د المان لومړۍ وزیرې انګلا مرکل سره د ویډیو کنفرانس له لارې خبرې وکړې.

طالبانو د سولې خبرو پر ځای، سفر ته لومړیتوب ورکړی

د طالب ډلې یو پلاوی په قطر کې د افغان دولت او طالبانو د مرکچیانو ترمنځ د سولې دویم پړاو خبرو له پيلېدو څه باندې دوه اوونۍ وروسته ایران ته تللی دی.
په دوحه کې د طالبانو د سیاسی دفتر ویاند محمدنعیم ویلي چې یاد پلاوی د ملاعبدالغني برادر په مشري او د ایران په رسمي بلنه یاد هېواد ته تللی دی.

طالبان د سولې خبرو ځنډولو لپاره پلمې لټوي

په قطر کې د سولې دویم پړاو خبرې اترې څه باندې دوه اوونۍ وړاندې پیل شوې، خو تر اوسه د دواړو لوریو د مرکچیانو له لوري په دې برخه کې د پام وړ پرمختګ په اړه څه نه دي ویل شوي.
د دولت د سولې مرکچي پلاوي نن پر ټویټر لیکلي چې ځینې کسان د سولې خبرو د ځنډولو لپاره پلمې لټوي.

د سولې هوکړې ترڅنګ د ۹۰۰ پاڼو د ضميمې له لاسليکه حکومت خبر نه دی

د ولسي جرګې غړي غلام حسین ناصري نن په کابل کې «د سولې پېچلې لاره، ننګونې او فرصتونه» سیمینار کې وویل، د امريکا او طالبانو ترمنځ د سولې له شوې هوکړې سربېره دواړو لوريو د ۹۰۰ پاڼو يوه ضمیمه هم لاسلیک کړې ده. د ناصري په وينا، دغه ضمیمه په پټه لاسلیک شوې او ولسمشر محمد اشرف غني او د ملي پخلاینې عالي شورا رییس عبدالله عبدالله يې له متنه خبر نه دي.