ولسمشر غني د سولې د لارې نقشې چارچوب تشرېح کړ

افغان دولت ته د افغانستان د سولې لپاره د زلمي خلیلزاد د طرحې له وړاندې کېدو وروسته، نن ولسمشر محمد اشرف غني په ارګ کې د سولې د لارې نقشې چارچوب تشرېح کړ.

له دې وړاندې یو شمېر رسنیو راپور ورکړی و چې ولسمشر محمد اشرف غني یوه درې پړاویزه طرحه چې سیاسي ثبات، د سولې حکومت رامنځته کول او وروستۍ هوکړې ته د رسېدو په اړه مشوره ورکول په کې شاملېږي، چمتو کړې او د ملي مصالحې عالي شورا ته یې سپارلې ده.

د سولې خبرو کې تر اوسه پورې د ښځو د حقونو په اړه بحث نه دی شوی

د حکومت د مذاکراتي پلاوي غړی محمد امین احمدي نن په کابل کې د یوې خبرې ناستې په ترڅ کې د سولې په خبرو کې د اندېښنو او  د ښځو کم رنګه ونډې ته په اشاره او همداراز د سولې په خبرو کې د ښځو د حقونو څخه د ځانکړي تعریف د نه موجوديت ترڅنګ وایي، تر دا مهاله  له طالبانو سره د سولې خبرو کې د ښځو د حقونو په اړه بحث نه دی شوی.

ځینې ځانګړې ​​کړۍ د سولې پروسې پر وړاندې ستونزې جوړوي

د استانبول سولې د غونډې په درشل کې د افغانستان ۷ مطرحو ګوندونو د يوې سیاسي کمېټې په جوړولو سره نن په کابل کې د يوې خبري غونډې پر مهال د استانبول غونډې په اړه خپل دريځ اعلان کړ.
 د دې کمېټې غړيو وويل، يو شمېر کړۍ په بېلابېلو پلمو  هڅه کوي تر څو د سولې بهير کې ستونزې رامنځته کړي.

«د استانبول ناستې پر اجنډا، ګډونوالو او نېټې لا هوکړه نه‌ده شوې»

د ولسمشر د ملي امنيت شورا سلاکار حمدالله محب نن په کابل کې په يوه خبري ناسته کې وويل، د استانبول ناستې د اجنډا، د ګډون‌والو او د يادې ناستې له مهال‌وېشه خبر دي؛ خو تر اوسه پورې په دې اړه کومه هوکړه نه ده شوې.

د محب په وینا، د قطر په دوحه کې د حکومت مذاکراټي ټيم له طالب او د امريکا له استازيو…

عبدالله: ترکيه کې د سولې په اړه جوړېدونکې غونډه به برخلیک ټاکونکې وي

د ملي پخلاینې عالي عالي شورا مشر تېره ورځ  په ځانګړې مرکه کې یوې رسنۍ ته ویلي چې د افغان سولې په تړاو ترکيه کې جوړېدونکې غونډه به افغانستان لپاره برخلیک ټاکونکې وي او افغان دولت دې ناستې ته پوره چمتووالی لري او له یولړ وړاندیزونو او طرحې سره به په کې ګډون وکړي.

ټاکل شوې په راتلونکې اپرېل میاشت کې په ترکیه کې…

د افغانستان ژغورنې په نوم نوی سیاسي حرکت جوړ شو

د افغانستان د ژغورنې په نوم سیاسي جوړښت په یوې غونډه کې د موجودیت اعلان وکړ. دا حرکت د مالیې پخواني وزیر حضرت عمر زاخېلوال په مشرۍ جوړ شوی او ځینې سیاسي ګوندونه، ټولنیز او قومي جوړښتونه او خپلواک شخصیتونه یې غړیتوب لري.

د افغانستان ژغورنې د حرکت مشر حضرت عمر زاخېلوال جوړې شوې غونډه کې وویل، په هېواد کې بې‌عدالتي او فساد ډېر شوی او همداراز اقتصادي وضعیت هم ورځ تربلې د خرابېدو په حال کې دی؛ نو دوی دې ته اړ شول چې داسې یو سیاسي حرکت رامنځته کړي چې د روانو ستونزو او نابرابریو پر وړاندې مبارزه وکړي او هېواد له اوسني ناورینه وژغوري.

ولسمشر غني د ټاکنو د ترسره کولو طرحې پر وړاندیز غواړي امریکايان قانع کړي

د رويټرز خبري اژانس  په تازهګۍ سره د افغانستان د دوو دولتي چارواکيو له قوله راپور ورکړی چې ولسمشر محمد اشراف غني د افغانستان سولې لپاره د امریکا وړاندیز شوې طرحه رد کړې او په بدل کې یې یوه طرحه وړاندې کړې چې پربنسټ به یې په راتلونکيو ۶ مېاشتو کې ولسشمریزې ټاکنې  ترسره شي.

بلېنکن: له افغانستانه به په يوه مناسب وخت کې له ناټو سره يوځای ووځو

د امریکا د بهرنیو چارو وزیر انټوني بلېنکن وايي، امريکا او ناټو يوځای افغانستان ته راغلي او په يوه مناسب وخت کې به له ناټو سره يوځای له دې هېواده وځي.

د امریکا د بهرنیو چارو وزير نن د ناټو د وزيرانو له غونډې وروسته له ينس سټولټنبرګ سره يوځای په يوه خبري کنفرانس حاضر شو او پورته څرګندونې يې مطرح کړې.

د ناټو سرمنشي: طالبان دې پسرلني عمليات نه پيلوي

د ناټو سرمنشي ینس سټولټنبرگ د ياد سازمان د وزيرانو انلاين غونډه کې وويل، هيله لري چې طالبان خپل هېڅ پسرلني عمليات پيل نه‌کړي او د سولې د شوې هوکړې له مخې تاوتريخوالی کم کړي.

سټولټنبرگ زياتوي، ياد سازمان تمه لري چې طالبان په ښکاره توګه ثابته…

اتمر د سیمه‌ییزې او نړیوالې اجماع پياوړي کولو په موخه هند ته لاړ

د بهرنیو چارو وزارت وايي، محمد حنيف اتمر نن د افغان سولې لپاره د سیمه‌ییزې او نړیوالې اجماع پياوړي کولو په موخه هند ته لاړ.

له ياد وزارته په خپره شوې خبرپاڼه کې راغلي، دغه سفر کې به د افغان سولې په اړه او همداراز د دوه اړخیزو اړیکو او له ترهګرۍ سره د ګډې مبارزې د همکاریو د پراختیا په موخه هم خبرې وشي.

روسیه نږدې راتلونکي کې د افغان سولې په تړاو د یوې غونډې کوربه‌توب کوي

د ملي پخلاينې عالي شورا ویاند فریدون خوځون سلام‌وطندار ته وویل، د دغې شورا رييس عبدالله عبدالله روسیې کې د افغان سولې پروسې په اړه د جوړېدونکې غونډې بلن‌لیک ترلاسه کړی او په اړه یې مشورې کوي.
خوځون وویل، دا غونډه به د روانې حوت میاشتې په ۲۸مه نېټه جوړه شي او د افغان دولت ځینو مشرانو، سیاستوالو، طالبانو او د سیمې د یو…

‌«د سولې بهیر په ټولو پړاوونو کې باید ښځو ته د ګډون فرصت برابر شي»

د بشري حقونو خپلواک کمیسیون مشرې شهرزاد اکبر د ښځو نړیوالې ورځې په نمانځغونډه کې د افغانستان سولې په ټولو پړاوونو کې ښځو ته د ونډې ورکولو غوښتنه وکړه.

شهرزاد اکبر ومنله چې په دغه بهیر کې د ښځو کمه ونډه نه‌شي کولای په افغانستان کې سوله ټینګه کړي.

محب: د خلیل‌زاد د مشارکتي حکومت طرحه د سولې بين‌الافغاني خبرې ګړندۍ کوي

د افغانستان د ملي امنيت شورا سلاکار حمدالله محب نن په يوه خبري غونډه کې وويل، افغان سولې لپاره د امريکا د بهرنيو چارو وزارت د ځانګړي استازي زلمي خليل‌زاد د مشارکتي حکومت طرحه د افغان حکومت له چارواکيو سره شريکه شوې ده. د حمدالله محب په وينا، د خلیل‌زاد طرحه د امريکا د دولت طرحه نه ده…

قانوني: د سولې پروسه کې دې درېیم لوري یعنې ولس ته هم ونډه ورکړل شي

د پخواني ولسمشر لومړي مرستیال محمد یونس قانوني نن کابل کې د وحدت اسلامي ګوند د پخواني مشر عبدالعلي مزاري د ۲۶م تلین نمانځغونډه کې وویل، د جهادي مشر عبدالعلي مزاري یو ارمان دا و چې د افغانستان لانجه باید د سولې له لارې هواره شي.

عبدالله او خلیل‌زاد د دوحې د هوکړې پر بیا کتنې بحث کړی

د ملي پخلاينې عالي شورا ويلي، د امريکا د بهرنیو چارو وزارت ځانګړي استازي زلمي خليل‌زاد د يادې شورا له رییس عبدالله عبدالله سره ليدلي دي.

له يادې شورا نن په خپره شوې خبرپاڼه کې راغلي، په دې لیدنه کې دواړه لوريو د سولې د خبرو پر چټکتیا او د امریکا د نوي حکومت له لوري د سولې د هوکړې پر بیاکتنې ټینګار شوی دی.

د افغان سولې په اړه کابل، دوحې او سيمې ته د زلمي خلیلزاد د تازه سفر پيل

کابل، دوحې او د سيمې هېوادونو ته د افغان سولې په اړه د امريکا د بهرنيو چارو وزارت د ځانګړي استازي زلمي خليلزاد تازه سفرونه پيل شول. د امريکا د بهرنيو چارو وزارت ويلي، خلیلزاد به دا ځل دوحې، کابل او د سيمې د هېوادونو يو شمېر پلازمېنو ته سفرونه وکړي.