په ۲۰۲۰ کې د خبریالانو پر وړاندې د تاوتریخوالي کچه ۲۳ سلنه لوړه شوې

د افغانستان د ازادو رسنیو د ملاتړ ټولنه یا نی وايي، په ۲۰۲۰ کال کې د خبریالانو پر وړاندې د تاوتریخوالي کچه ۲۳ سلنه لوړه شوې ده. دغې ټولنې نن په خپل کلني راپور کې اندېښنه ښودلې چې په هېواد کې د رسنیو وضعیت ناسم لوري ته روان دی او باید ورته پام وشي.

کونړ او پکتیا کې د تاوتریخوالي پر وړاندې اعتراض او د اوربند غوښتنه

ګڼ‌شمېر کونړیانو چې نن سهار د دغه ولایت په مرکز اسداباد کې د اعتراض په توګه را ټول شوي وو، په هېواد کې وروستۍ امنیتي پېښې، د تاوتریخوالي ډېروالی او د سولې خبرواترو ځنډېدل وغندل او د اوربند غوښتنه یې وکړه. په لاریون کې د ځوانانو، قومي مشرانو او دیني عالمانو تر څنګ، معلولانو هم ګډون کړی و.

یوناما: د ملکیانو د مرګ‌ژوبلې کچه ۲۹ سلنه لوړه شوې

په افغانستان کې د ملګرو ملتونو استازولۍ یا یوناما وايي، د ۲۰۲۱ کال په لومړیو درېوو میاشتو کې د ملکیانو مرګ‌ژوبلې کچه ۲۹ سلنه لوړه شوې ده.
یوناما نن په یوه تازه راپور کې لیکلي چې په افغانستان کې د ملکیانو مرګ‌ژوبلې کچه د ۲۰۲۱ کال په لومړۍ ربعه کې د تېر کال په پرتله د پام وړ ډېره شوې او په وینا یې، په دې موده کې ۱۷۸۳ ملکیانو ته مرګ‌ژوبلې اوښتې ده. په دې ډله کې ۵۷۳ کسان وژل شوي او ۱۲۱۰ نور ټپیان شوي دي.

له طالبانو د ملکیانو خوندیتوب ډلې غوښتنه؛ په روژه کې اوربند وکړئ

هرات چې مخکې د هېواد د امن ولایتونو له ډلې یو و، خو اوس د نورو په څېر د طالبانو د سختو بریدونو شاهد دی.
د هرات د ملکیانو خوندیتوب ډلې نن له یوشمېر مدني ټولنو سره د ګډې خبري غونډې پر مهال په دغه ولایت کې د طالب ډلې د بریدونو زیاتوالي او ملکیانو ته د مرګ‌ژوبلې اوښتو په اړه اندېښنه ښيي او وايي، د تېر کال د تلې میاشتې له لومړۍ نېټې راهیسې ۷۳ ملکیان یوازې په هرات کې وژل شوي دي.

د ملګرو ملتونو له امنیت شورا نه د افغان خبریالانو د خوندیتوب غوښتنه

د افغانستان د خبریالانو مرکز او د نړۍ له ګوټ ګوټ نه د رسنیو ۴۰ ملاتړو بنسټونو، د ملګرو ملتونو امنیت شورا ته په یوه لیک کې په افغانستان کې د خبریالانو هدفي وژنو پر ډېرېدو اندېښنه ښودلې او له دغه سازمان څخه یې غوښتي چې د مخنیوي په برخه کې یې لاس په کار شي.

هېواد کې د تاوتریخوالي کچې د کمېدو احتمال

په قطر کې د دولت او طالب ډلې ترمنځ د سولې خبرو له پیلېدو راهیسې په هېواد، په ځانګړې توګه کابل او ځینو نورو لویو ښارونو کې تاوتریخوالی او هدفي وژنې په بې‌سارې توګه زیاتې شوې دي.

بله‌خوا په دوحه کې د افغان سولې دویم پړاو خبرو کې د کاري اجندا پر سر د ځینو اختلافاتو له کبله له څه باندې یومیاشتني ځنډ وروسته دواړه لوري پرون بېرته سره ناست دي.

کابل کې درې بېلابېلې چاودنې؛ ۵ کسان وژل شوي او ۲ ټپیان دي

کابل ښار نن سهار د درېوو بېلابېلو چاودنو شاهد و.

د کابل امنیه قومانداني تاییدوي چې په دغو چاودنو کې ۵ کسان وژل شوي او ۲ نور ټپیان دي.

د کابل د امنیې قومانداني ویاند فردوس فرامرز وايي، لومړۍ چاودنه چې نن سهار شاوخوا ۸ بجې د شپږمې امنیتي حوزې اړوند د دارالامان پر سړک پر یوه کرولا ډوله موټر شوې ده. د نوموړي په وینا، په دې چاودنه کې دوه کسان ټپیان شوي او د درملنې لپاره روغتون ته لېږدول شوي دي.

ناټو د تلپاتې سولې تر راتلو د افغانستان ملاتړ کوي

د ناټو سرمنشي ینس سټولټنبرګ د دغه سازمان د غونډې په څنډه کې ویلي، تر هغه چې په افغانستان کې تلپاتې او دوامداره سوله را نه شي، ناټو به یې ملاتړ ته دوام ورکړي.
ټاکل شوې د ناټو د غړیو هېوادونو د دفاع وزیرانو غونډه نن او سبا د بلجیم په پلازمېنه بروکسېل کې جوړه شي.

مکېنزي: افغانستان کې د تاوتریخوالي کچه ډېره لوړه ده

د امریکا د پوځ مرکزي قوماندانۍ رییس مکېنزي وايي، په افغانستان کې د تاوتریخوالي کچه لا هم ډېره لوړه ده.
نوموړي د منځي ختیځ د انسټېټیوټ په کوربه‌توب یوه انلاین غونډه کې ویلي، امریکا د پرمختګ لپاره د یوې لارې لټولو لپاره د طالبانو اقدامات او د دوحې هوکړه‌لیک ارزوي.

عبدالله: د طالبانو پلمې د سولې خبرو د ځنډ لامل شوي

د ملي روغې جوړې شورا رییس عبدالله عبدالله د طالب ډلې پر مرکچي پلاوي د توندو نیوکو تر څنګ ویلي، د دغه پلاوي له لوري بې‌منطقه پلمې جوړول د سولې دویم پړاو خبرو په پیل کې د ځنډ لامل شوي دي.
نوموړي نن په یوه خبرپاڼه کې ویلي، د طالب ډلې مرکچیان پر اصلي موضوعاتو د بحث، د جګړې او تاوتریخوالي پای ته رسولو، مسلمان‌وژنې او د خلکو د درد کمولو پر ځای، پر سفرونو او نورو مسایلو بوخت دي.

د خبریالانو پر وړاندې د تاوتریخوالي د ۲۱ پېښو په تړاو ۴۶ کسان نیول شوي

د لویي څارنوالۍ ویاند جمشېد رسولي سلام‌وطندار ته وايي، په ۱۳۹۸ او ۱۳۹۹ کلونو کې د خبریالانو پر وړاندې د تاوتریخوالي د ۲۱ پېښو په تړاو يې ۴۶ تورن کسان نیولي چې نغدي جریمه، تر شلو کلونو بند او ځینې يې په اعدام هم محکوم شوي دي.

پکتیاوالې: په کور کې د ناقانونه وسلو ساتل تاوتریخوالی زیاتوي

په پکتيا کې يوشمېر مېرمنو په يوه غونډه کې وويل چې په کورونو کې ناقانونه وسلې د دې لامل کېږي چې په کور کې پر تاوتريخوالي سربېره د مېرمنو د حق غوښتنې غږ چوپ کړي، خو يو شمېر نورې بيا پر دې باور دي چې په کورونو کې د وسلو ساتنه د دې لپاره ده چې د کور او مېرمنو امنيت له غلو، تېري کوونکو او مخالفو کسانو نه خوندي کړي.

د امریکايي ځواکونو له کموالي سره هم‌مهاله د تاوتریخوالي ډېروالی

طالبانو له افغانستانه د شاوخوا دوو زرو امریکايي سرتېرو د وتلو له اعلان څو ساعته وروسته په کندهار کې د ځانګړې قطعې پر کنډک موټربم برید وکړ. په همدې حال کې د طالبانو نفوذي کسانو بېګاه د هرات په غوریان ولسوالي کې پر ولسي پاڅونوالو برید کړی چې له کبله یې ۱۲ پاڅونوال وژل شوي دي. په بلخ کې بیا ۸ طالبان وژل شوي او ۱۱ ټپیان دي.