ملګري ملتونه په ۲۰۲۲ کې ۲۸میلیونه اړمنو افغانانو ته پنځه میلیارډه ډالر راټولوي

ټاکل شوې چې نن د ملګرو ملتونو دوه ادارې په افغانستان کې دننه افغانانو ته د بشري مرستو رسولو او د سیمې په یوشمېر هېوادونو کې د بې‌ځایه شویو افغان کډوالو وضعیت ته د رسېدنې په موخه خپل ګډ پلانونه اعلان کړي. دغه سازمان ویلي، افغانستان کې د  لومړنیو روغتیايي خدمتونو د نه‌شتون له کبله، په لسګونه زره ماشومان پر خوارځواکۍ اخته شوي دي.

زرګونه بې‌ځایه شوي هراتیان بیړنیو مرستو ته اړتیا لري

د هرات د کډوالو او بېرته راستنېدونکو چارو ریاست سرپرست محمدرفیق نیرومند سلام‌وطندار ته ویلي، زرګونه هغه بې‌ځایه شوي چې له غور، فراه، بادغیس او نورو سوېل ختیځو ولایتونو څخه دغه ولایت ته ورغلي، په سخت اقتصادي وضعیت کې ژوند کوي.

غور کې بې‌وزلي؛ یوې ښځې دوه لمسیانې پلور ته وړاندې کړي

د غور د تولک ولسوالي یوه ۵۴ کلنه اوسېدونکې رخشانه چې د بې‌وزلۍ له امله د دغه ولایت مرکز ته لېږدول شوې وايي، بې‌وزلۍ او ناچارۍ اړ کړې چې خپلې شپږ او څلور کلنې لمسیانې وپلوري.
هغه وايي، له څلورو میاشتو ډېره موده کېږي چې له خپلې مېنې بې‌ځایه شوې او په دې موده کې یې یوازې یو ځل مرسته ترلاسه کړې ده.

بادغیس کې د بې‌ځایه شویو اندېښمنونکی وضعیت

 علي‌احمد په بادغس کې د سلګونو بې‌ځایه شویو له ډلې دی چې د دغه ولایت د بې‌ځایه شویو په یوه پڼغالي کې ژوند کوي. هغه وايي، هره ورځ یوې مړۍ ډوډۍ ته په تمه وي، څو خپل ماشومان پرې ماړه کړي. علي‌احمد چې د پنځو ماشومانو پلار دی وايي، هېواد کې وروستیو جګړو، وچکالۍ او وروستیو تحولاتو ترې د ژوند ټول شته اخیستي او اوس په خراب اقتصادي وضعیت کې ژوند کوي.

له افغانستان سره د چین د مرستو لومړۍ جوپه کابل ته راورسېده‎

کابل کې د چین سفیر وانګ یو پرون په خپل ټویټرپاڼه لیکلي چې دغه هېواد د مخکیني حکومت له سقوط وروسته، خپله د بشري مرستو لومړی چوپه افغانستان ته استولې ده. د چین سفیر ویلي چې دغو مرستو کې کمپلې او ګرمې جامې شاملې دي. وانګ یو زیاته کړه چې دغه مرستې د چین د خلکو او افغانانو ترمنځ د ژورې ملګرتیا ښکارندوي کوي

نیو ځیلانډ له افغانستان سره ۳میلیونه ډالر مرسته کوي

د ترکیې اناتولي خبري اژانس د راپور پر بنسټ، د نوي ځيلانډ دولت نن اعلان کړی چې له افغانستان سره د بشرپالنې او په دغه هېواد کې د زیانمنو افغانانو د ملاتړ په موخه ۳میلیونه ډالره مرسته کوي. د اناتولي خبري اژانس د راپور له مخې، د نوي ځيلانډ د بهرنیو چارو وزیرې نانایا ماهوتا په یوې وینا‌پاڼه کې ویلي چې دغه مرسته به په افغانستان کې د سره صلیب نړیوالې کمېټې او په دغه هېواد کې د ملګرو ملتونو استازولۍ ته ورکړل شي.

ولسمشر غني له داخلي بې‌ځایه شویو سره ۴۰میلیونه افغانۍ مرسته کوي

ولسمشرۍ ماڼۍ د یوې خبرپاڼې په خپرولو سره وایي چې ولسمشر محمداشرف غني د جګړې له امله بې‌ځایه شویو سره ۴۰میلیونه افغانۍ مرسته کوي. په خبرپاڼه کې راغلي چې ولسمشر غني دغه مرسته نن په ارګ کې د کورنیو بې‌ځایه شویو ته د رسېدنې په اړه جوړه شوې غونډه کې اعلان کړې ده.

کابل کې د ولایتونو بې‌ځایه شوي د مرستو پر ناانډول وېش نیوکه کوي

په شمال او شمال ختیځو ولایتونو کې د امنیتي ځواکونو او طالبانو ترمنځ د نښتو له امله، سلګونه کورونه ویجاړ او زرګونه کورنۍ بې‌ځایه شوي دي. دغه بې‌ځایه شوي چې ډېر‌شمېر یې کابل ته راغلي اوس مهال د دغه ښار په سرای شمالي او نوي ښار سیمو کې په خراب وضعیت کې شپې او ورځې تېروي.

عمرخوړلی عبدالمالک چې جګړې ړوند او بیا بې‌کوره کړ

عمرخوړلی عبدالمالک چې څېرې یې له غم او درده ګونځې کړي او جګړې له کندوزه کابل ته را کډه کړی وايي، څه موده وړاندې یې پر کور یو ړوند راکېټ ولګېد چې له کبله یې سترګې ړندې او کور یې هم ویجاړ شو. عبدالمالک اوس له کورنۍ سره د کابل په سرای‌شمالي کې د سړک پر سر اوسېږي او له درد او بې‌وسۍ ډکې شپې او ورځې تېروي.

صالح: بې‌ځایه شوې کورنۍ به د کابل په جوماتونو کې ځای پرځای شي

د ولسمشر لومړی مرستیال امرالله صالح وايي، هغه بې‌ځایه شوې کورنۍ چې د جګړې له کبله کابل ته را کډه شوي، په جوماتونو کې ځای پرځای شي. هغه نن پر خپلې فېسبوک‌پاڼې لیکلي چې د حج او اوقافو وزیر ته یې لارښوونه کړې، څو د جوماتونو دروازې د یادو کورنیو لپاره پرانېزي.

د بدخشان مرکز فیض‌اباد ښار د طالبانو لاس ته لوېدلی

په بدخشان ولایت کې محلي سرچینې وایي چې د بدخشان کشم او فرخار ولسوالۍ ته د امنیتي ځواکونو له شاتګ وروسته وسله‌والو طالبانو د دغه ولایت مرکز فیض‌اباد ښار نیولی دی. په همدې حال کې وسله‌والو طالبانو د دغه ولایت د ولایت مقام، امنیه قومندانۍ او د ملي اردو د مرکز له نیولو وروسته د بدخشان ولایت زندان هم نیولی او ټول بندیان یې ترې ازاد کړي دي.

د جګړې تودې څپې؛ له څلورو ولایتونو ۱۷۰۰۰کورنۍ کابل ته بې‌ځایه شوي

په یو‌شمېر ولایتونو کې د جګړو د ډېروالي له امله سلګونه کورنۍ اړ شوي چې خپلې مېنې پرېږدي او امنو سیمو ته خپل ځانونه ورسوي. د دغو بې‌ځایه شویو ګڼ‌شمېر کورنۍ یې پلازمېنې کابل ته کډه شوي او اوس د دغه ښار په پارکونو او نورو پراخو سیمو کې د شنه اسمان لاندې شپې او ورځې تېروي چې بېړنیو مرستو ته اړتیا لري.

وروستیو دوو اوونیو کې د جګړې له امله څه باندې ۵۰۰۰کورنۍ بې‌ځایه شوي

د کډوالو او بېرته راستنېدونکو چارو وزارت د ویاند مرستیال رضا باهر سلام‌وطندار ته وایي چې په دې وروستیو کې د جګړو پراخېدو او د طالبانو له خوا د ولسوالیو او د ځینو ښارونو په سقوط سره، د بې‌ځایه شوو کورنیو شمېر زیات شوی چې یوازې په وروستیو دوو اوونیو کې د جګړو له امله ۵۰۰۰ کورنۍ بې‌ځایه شوي.

کندوز کې د جګړو له امله ۲۰۰۰۰ کورنۍ بې‌ځایه شوي

نږدې دوه میاشتې کېږي چې کندوز کې سخته جګړه روانه ده او په دې موده کې زرګونه کورنۍ د جګړو له امله د دغه ولایت له ولسوالیو او لرو پرتو سیمو د کندوز ښار ته بې‌ځایه شوي او د دغه ولایت  د هوايي ډګر پر سړک د خېمو لاندې شپې او ورځې سبا کوي.

د غزني په مالستان کې د جګړې د وحشت څپې

له سخت او کړاو څخه له ډک سفر وروسته، د دمې اخیستلو لپاره د چای څښلو ته تیاری نیسي. په مالستان ولسوالي کې د وسله‌والو طالبانو او افغان امنیتي ځواکونو ترمنځ وروستیو نښتو اړ کړي چې کابل ته کډوال شي.