ایران کې یو ۱۵کلن افغان کډوال په مرموز ډول وژل شوی

د تخار ینګي‌قلعه کې یوې کورنۍ سلام‌وطندار ته د تصویرونو په استولو سره ویلي، ۱۵کلن زوی یې له تېر یوه کال راهیسې د ایران فارس ولایت کې اوسېده چې په مرموز ډول وژل شوی دی.

دغه هلک رامین نومېده او د کورنۍ په وینا یې، د روانې غبرګولي میاشتې په اوومه د ایران د فارس ولایت مرودشت سیمه کې د ناپېژنده کسانو له لوري وژل شوی دی.

ایران د کډوالو چارو د مدیریت لپاره یو بنسټ جوړوي

د ایرنا خبري اژانس پرون جمعه د ایران د کورنیو چارو د وزیر له قوله لیکلي چې ټاکل شوې په دغه هېواد کې د افغانانو په ګډون، د کډوالو چارو د تنظیم لپاره یو بنسټ جوړ کړي.
په همدې حال کې یوشمېر افغان کډوال چې په قانوني او ناقانونه توګه په ایران کې اوسېږي، په دغه هېواد کې یې پر وړاندې د شته ستونزو او ننګونو په اړه وايي چې افغانان په ایران کې د کډوالۍ هېڅ ډول حقونه نه لري.

د اوبو پر سر د ا.ا او ایران ناندرۍ؛ دواړه لوري یې په اړه غونډه جوړوي

د ایران د ولسمشر مرستیال او د چاپېریال ساتنې سازمان رییس علي سلاجقه د هلمند سیند د حقابې په اړه د دغه هېواد او اسلامي امارت ترمنځ د خبرواترو په موخه د یوې غونډې جوړېدو خبر ورکوي.
ایرنا خبري اژانس راپور ورکړی چې علي سلاجقه پرون (د غبرګولي لومړۍ نېټه، د دوشنبې ورځ) ویلي چې د ایران ولسمشر دې موضوع ته پام اړولی دی.

ایران کې افغان کډوال: د بانک کارت نه لرو، سپوره ډوډۍ نه‌شوو پېرلی

په ایران کې یوشمېر افغان کډوال شکایت کوي چې نه یوازې د ژوند لومړنیو امکاناتو ته لاسرسی نه لري، بلکې د بانک کارت نه لرلو له کبله ان یوه ډوډۍ نه‌شي پېرلی.
یو افغان کډوال فریدالله چې له قانونه لارې ایران ته تللی وايي، د وزګارتیا او ناچارۍ له امله ایران ته کډوال شوی او اوس هلته د ژوند لومړنیو امکاناتو ته هم لاسرسی نه لري.

اسلامي امارت ایران ته: د هلمند سیند د اوبو اړوند د ۱۳۵۱ کال هوکړې ته ژمن یوو

اسلامي امارت د ایران د بهرنیو چارو د وزیر حسین امیر عبداللهیان د هغو څرګندونو په غبرګون کې چې ویلي یې و، د هلمند سیند د ډېرو اوبو ترلاسه کولو لپاره له ټولو لاروچارو کار اخیستلی شو وايي، افغانستان د ۱۳۵۱ کال هوکړې ته ژمن دی، خو وروستیو وچکالیو دواړه لوري اغېزمن کړي دي.

ستړیاوې او کړاوونه؛ افغان کډوال: نړیوالو بنسټونو مو غږ نه‌دی اورېدلی

افغانستان کې روان اقتصادي او امنیتي وضعیت لامل شوی چې میلیونونه افغانان د یوې ښې راتلونکې او یوې مړۍ ډوډۍ پیدا کولو لپاره ګاونډیو او نورو هېوادونو ته کډوالي وکړي.

د ملګروملتونو عالي کمېشنرۍ ویاندې شبیا منتو په یوې خبري ناسته کې ویلي چې افغانستان کې روان ناورین ته په کتو افغان کډوال لاسنيوي ته اړتیا لري.

«ایران د امنیتي اندېښنو او اوبو ته د لاسرسي له کبله د افغانستان سفارت ا.ا ته سپارلی»

شنونکي اسلامي امارت ته په تهران کې د افغانستان سفارت سپارلو ته په کتو وايي، ایران له افغانستان سره پر پولې د امنیتي اندېښنو له منځه وړلو او د هیرمند حقابې ته د لاسرسي موندلو په موخه دغه کار کړی دی.

ایران کې افغان خبریالان: دوسیو ته مو چا رسېدنه نه ده کړې

لسګونه هغه خبریالان چې د جمهوريت له سقوط وروسته نورو هېوادونو ته د رسېدو لپاره په لنډمهالي توګه ایران کې اوسېږي، له خپل بد وضعیت څخه شکایت کوي. دغه خبریالان چې تېر یوه کال راهیسې ایران کې ژوند کوي وايي، د خبریالانو او د رسنیو هغه ملاتړي بنسټونه چې دوی یې ایران ته د تلو لپاره هڅولي وو، د دوی دوسیو ته رسېدنه نه کوي.

د ایران نوي سفیر یو ځل بیا له امیرخان متقي سره لیدلي

د بهرنیو چارو وزارت د ویاند مرستیال ضیااحمد تکل پنج‌شنبه د سلواغې شپږمه پر خپله ټوېټرپاڼه لیکلي، د افغانستان لپاره د ایران ځانګړي استازي او سفیر حسن‌کاظمي قمي له امیرخان متقي سره لیدلي دي.

دغه لیدنه چې پرون شوې د ایران له ځانګړي استازي سربېره، په‌کې د دغه هېواد د سفارت مرستیال او د څلور کونسلګریو مسوولانو ګډون درلود.

د متقي او قمي لیدنه؛ ایران یو ځل بیا د خپلې حق‌ابې غوښتنه کړې

د افغانستان لپاره د ایران  سفیر او ځانګړي استازي حسین کاظمي قمي د بهرنیو چارو وزارت سرپرست امیرخان متقي سره د لیدنې پر مهال یو ځل بیا د هلمند سیند څخه د ایران د «حق‌ابې» غوښتنه کړې ده. حسن کاظمي قمي دې لیدنه کې د هلمند سیند څخه د ایران د حق‌ابې پر ورکړې ټينګار کړی.

د نجونو پر زده‌کړو بندیز؛ ایران: د اسلامي امارت دې پرېکړې ته خواشیني یوو

له هغه وروسته چې اسلامي امارت د نجونو پر مخ د پوهنتونونو دروازې وتړلې، د افغانانو ترڅنګ، د سیمې او نړۍ هېوادونو د دې پرېکړې پر وړاندې غبرګونونه وښودل.
تازه د ایران د بهرنیو چارو وزارت ویاند ناصر کنعاني هم ویلي چې د اسلامي امارت دې پرېکړې خواشیني کړي دي.

د ژورنالېستانو د ساتنې کمېټه: درې افغان خبریالان بندیان دي؛ مسوولان: نه‌ دي

د ژورنالېستانو د ساتنې کمېټې (CPJ) پرون په یوه راپور کې افغانستان د هغو هېوادونو په نوملړ کې راوستی چې ډېر خبریالان په‌کې نیول کېږي.
په دغه راپور کې، ایران په تېر یوه کال کې د ۶۲ خبریالانو په نیول کېدو سره د نورو هېوادونو په سر کې راغلی دی.