هغه اطلاعات چې له فاریاب، غزني او بادغیس ولایتونو څخه سلاموطندار ته رسېدلي، ښيي چې په دغو ولایتونو کې پنځه ولسوالۍ د مرستو له نه رسېدو له کبله یو پر بل پسې طالبانو نیولې دي.
د فاریاب دولتاباد او قیصار، د غزني آب بند او جغتو او د بادغیس جوند هغه ولسوالۍ دي چې د طالبانو لاس ته ورغلې دي.
د فاریاب محلي سرچینې وايي چې طالبانو بېګاه د دغه ولایت پر قیصار ولسوالي ډلهييز برید کړی چې له کبله یې د دغې ولسوالي د امنیې قوماندان په ګډون، ۱۴ امنیتي ځواکونه وژل شوي دي.
د فاریاب د ولایتي شورا غړي نادر سعیدي سلاموطندار ته ویلي چې طالبانو د قیصار ولسوالي د امنیې قومانداني او ښاروالي ودانۍ نیولې دي.
یوې حکومتي سرچینې د نوم نه ښودو په شرط سلاموطندار ته ویلي، بېګاه شپه د نورستان ولایت له دوو ولسوالیو، دواب او منډول څخه امنیتي
سرتېري وتلي او دغه دواړه ولسوالۍ وسلهوالو طالبانو نیولي دي. د سرچینې په وینا، دغه دواړه ولسوالۍ له څه مودې راهیسې د وسلهوالو طالبانو تر سختې کلابندۍ لاندې وې چې بېګاه شپه د وسلهوالو طالبانو له لوري نیول شوي دي.
په بغلان کې یوه باوري سرچینه وایي چې وسلهوالو طالبانو پرون د بغلان ولایت اړوند د مرکزي بغلان ولسوالي پرامنیه قومندانۍ موټربم برید کړی چې په دغه برید کې څلور امنیتي ځواکونه وژل شوي او ۱۴نور ټپیان دي.
یوشمېر امنیتي ځواکونو او ۳ ملکیانو بېګاه د بغلان ولایت د مرکزي بغلان ولسوالي په عمرخېلو کې د طالبانو د یوې بندخونې دېوال نړولی او په لوڅو پښو یې یوه نظامي مرکز ته ځانونه رسولي دي.
د لوګر ولایت یوې امنیتې سرچینې د نوم نه ښودو په شرط سلاموطندار ته ویلي چې نن سهار شاوخوا ۴ بجې د بره کي برک ولسوالي اړوند د«لبجر» امنیتي پوستې له جګړې پرته سقوط کړی او سرتیري یې له وسلو او مهماتو سره یوځای طالبانو ته تسلیم شوي دي. سرچنیه وایي چې بېګاه شپه وسلهوالو طالبانو د محمداغې ولسوالي پر بېلابېلو امنیتي پوستو ډلهییز بریدونه کړي او دواړو لورو ته درنه مرګ ژوبله اوښتې ده.
په کوچني اختر کې د افغان دولت او وسلهوالو طالبانو ترمنځ له درې ورځني اوربند وروسته د هېواد په یوشمېر ولایتونو کې د حکومت او طالب ډلې ترمنځ د نښتو خبرونه ورکړل شوي چې دواړه لوري یو بل ته د مرګژوبلې اړولو ادعا کوي.
بدخشان ولایت کې یوه ملکي سرچینه وایي، د دغه ولایت هغه ځوانان چې په امنیتي ځواکونو کې دنده ترسره کوي، د مرګژوبلې شمېر یې په تېرو ۳ ورځو کې په کمسارې توګه زیات شوی دی.
د بدخشان ولایت د مدنې ټولنې رییس سیف الدین سایس وایي، په تېرو ۳ ورځو کې په بېلابېلو ولایتونو کې د بدخشان ولایت د هغو ځوانانو ۱۸۰ جنازې چې د امنیتي ځواکونو په لیکو کې یې دنده ترسره کوله، دغه ولایت ته ور وړل شوي دي. سایس له سلاموطندار سره خبرو کې وویل چې دغه شمېرې یې په کابل کې د سردار محمد داوود خان روغتون کې له یوې روغتیایي سرچینې څخه لاسته راوړي دي.
د روژې روانه میاشت په هېواد کې د تېرو څو لسیزو په پرتله ترټولو خونړۍ میاشت وه چې په ګڼشمېر کورنیو کې د غم ویر خپور و. د کورنیو چارو وزارت د شمېرو له مخې، د روژې له پېل څخه تراوسه نږدې ۳۰۰ ملکیان وژل شوي او۵۰۰ نورټپیان دي.
د طالب ډلې ویاند ذبېحالله مجاهد وايي چې په بغلان کې یې ۶۵ امنیتي ځواکونه خوشې کړي او په وینا یې، دغه کار یې د روژې میاشتې په مناسبت کړی دی.
په بغلان کې باوري امنیتي سرچینو سلاموطندار ته ویلي، هغه څو کسان چې په مرکزي بغلان ولسوالي کې د طالبانو له بنده خوشې او پلخمري ښار ته راغلي وو، د امنیتي ځواکونو له لوري نیول شوي او پوښتنې ګروېګنې ترې روانې دي.
د ناټو عمومي منشي ینس سټولټنبرک وایي، له افغانستانه د غوڅ ملاتړ ماموریت د وتلو لړۍ پېل شوي او وتل یې له افغانستان سره د اړیکو د پای په مانا نه ده.
سټولټنبرک دغه څرګندونې پرون د اروپایي ټولنې د دفاع وزیرانو په ناسته کې وکړې. نوموړي ټيڼګار وکړ چې د ناټو غړي هېوادونه په دې اړه په سلاه مشورو بوخت دي چې څنګه کولای شي د امنیتي ځواکونو د مالي او رونیز ملاتړ له لارې له افغانستان سره خپلو اړیکو او ملاتړ ته دوام ورکړي.
هغه سند چې سلاموطندار رادیو ترلاسه کړی ښيي چې د بُرکې ولسوالي سیمهییز چارواکي د حکومت د نه پاملرنې له امله دا ولسوالي له جګړې پرته وسلهوالو طالبانو ته پرېیښې او په نهرین ولسوالي کې ځای پر ځای شوي دي.
د بغلان ولایتي شورا رییس محمد صفدر محسني وايي چې طالب جنګیالیو تېره شپه د بُرکې ولسوالي په بشپړه توګه تر خپلې ولکې لاندې راوستې ده.
د لوګر، هرات، بغلان، بدخشان، پروان، فاریاب، ننګرهار، سمنگان، کاپیسا او پکتیا ولایتونو امنیتي مسوولان وايي، په تېرو څو ورځو کې چې په رسمي ډول له افغانستانه د بهرنیو ځواکونو د وتلو لړۍ پیل شوې، ورسره هممهاله د طالبانو بریدونه هم ډېر شوي دي.
هغه شمېرې چې تر پرون ورځې له ۹ ولایتونو څخه سلاموطندار ته رسېدلي، ښيي چې له افغانستانه د بهرنیو ځواکونو د وتلو لړۍ په پیل سره وضیعت نور هم ترینګلی شوی دی.
د کندهار د ارغنداب ولسوالي هغه اوسېدونکي چې څو میاشتې وړاندې په یاده ولسوالي کې د جګړې له کبله د دغه ولایت ښار ته را کډه شوي وايي، که څه هم اوس وسلهوال طالبان د افغان ځواکونو له لوري له سختو بریدونو وروسته د دې ولسوالي له بېلابېلو سیمو وتلي، خو په وینا یې، دغې ډلې ټول ارغنداب له ماینونو ډک کړی او خلک نه شي کولای خپلو کروندو او باغونو ته ولاړ شي.
د سولې کتاب نندارتون تېره جمعه د کتاب نړیوالې ورځې په مناسبت د پل سرخ فرهنګي مرکز په نوښت جوړ شو. په دغه نندارتون کې یوشمېر خپرندویه ټولنو هم ګډون کړی و او د نندارتون هره ورځ د ټولنې بېلابېلو برخو وګړو ته ځانګړې شوې وه.
د دغه نندارتون جوړوونکی شاهد فرهوش وایي، دغه نندارتون د کتاب نړیوالې ورځې په مناسبت او د افغان سولې بهیر په ملاتړ جوړ شوی و.
ولسمشر محمداشرف غني نن په کندهار کې یوې غونډې ته د وینا پر مهال پاکستان ته په خطاب کې وویل، که له افغانانو سره د سولې راتلو په برخه کې رښتینې همکاري ونه کړي، په نړیواله کچه به منزوي شي؛ ځکه په خبره یې، له افغانستانه د بهرنیو ځواکونو په وتلو سره ورځ تر بلې د دغه هېواد رول کمېږي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
