د کرېکټ نړیوالې شورا یا «ایسيسي» له ۲۰۲۳ تر ۲۰۲۷ کلونو پورې د کرېکټ ملي لوبډلو د راتلونکو لوبیزو سفرونو پروګرام «اېفټيپي» اعلان کړ چې له مخې یې، د نورو لوبډلو ترڅنګ د افغانستان کرېکټ ملي لوبډلې د راتلونکو سیالیو مهالوېش هم په ډاګه شوی دی.
د ا.ا د بیاواکمنېدو یوه کال پورهکېدو سره هممهاله، د افغانستان ژغورنې لپاره د مقاومت شورا چې د یوشمېر افغان سیاسي څېرو له لوري رامنځته شوې، څو ورځې وړاندې د انلاین غونډې له لارې خپل منشور اعلان کړ. د دې شورا غړی همایون خیري سلاموطندار ته ویلي، د اوسني حکومت پر وړاندې به ۱۶ کاري کمېټو کې فعالیت ته دوام ورکړي.
د ملګرو ملتونو د بشردوستانه مرستو د همغږۍ دفتر یا اوچا نن سه شنبه په یوه خپور کړي راپور کې ویلي، افغانستان کې د ماشومانو د ګوزنډ یا پولیو ناروغۍ پېښې تر ټولو ټيټې کچې ته رسېدلې دي. دغه بنسټ زیاته کړې چې افغانستان کې د ۲۰۲۱ کال پرمهال د پولیو څلور او په ۲۰۲۰ کال کې بیا ۵۶ مثبتې پېښې ثبت شوې وې.
د مرکزي اسیا د ۱۹کلنو فوټبال جام سیالیو په لړ کې نن د افغانستان ۱۹کلنه فوټبال لوبډله په خپله وروستۍ لوبه کې د ازبکستان ۱۹ کلنې فوټبال لوبډلې سره لوبېږي.
ټاکل شوې چې د افغانستان او ایرلنډ کرېټ ملي لوبډلې نن د پنځو شل اووره سیالیو په درېیمه لوبه کې د یو بل پروړاندې لوبه وکړي.
ټاکل شوې دغه سیالي نن ماښام د افغانستان پر وخت ۷ بجې پیل شي. افغانستان له دې وړاندې په دوو شل اووره سیالیو کې د ایرلنډ کرېکټ ملي لوبډلې پروړاندې ماته خوړلې ده.
په دې وروستیو کې د هېواد په یوشمېر ولایتونو کې د «څارویو د پوستکي» یا لمپي سکېن ناروغۍ خپرېدو په اړه راپورونه ورکړل شوي چې ګواکې دغه ناروغۍ ګواښونکې ده او له څارویو انسان ته سرایت کوي.
افغانستان کې د ا.ا د واکمنۍ د لومړي کال د پورهکېدو په درشل کې د امریکايي ځواکونو پخواني قومندان ډېوېډ پېټریوس له افغانستان څخه د امریکايي ځواکونو پر وتلو نیوکه کړې ده. ډېوېډ پېټریوس د دوحې تړون او مرکزي حکومت ته د ډېر واک ورسپارل هغه لاملونه بولي چې په وینا یې، مخکینی حکومت یې راوپرځاوه.
د افغانستان کرېکټ بورډ ادارې نن پر خپله فېسبوکپاڼه لیکلي چې له ایرلنډ سره په کېدونکو شل اووره سیالیو کې د اعلان شوې لوبډلې په عمومي نوملړ کې یې دوه افغان لوبغاړي عثمان غني او مجیب ځدراڼ هم وراضافه کړي دي.
د ا.ا ویاند ذبیح الله مجاهد پر خپله ټوېټرپاڼه لیکلي چې نن ماښام د کابل ښار په شپږمه امنیتي حوزه کې په يوې لاسي کراچۍ کې ځای پر ځای شويو چاودېدونکو توکو ته چاودنه ورکړل شوې ملکيانو ته يې مرګ ژوبله اړولې ده. نوموړي ویلي چې د دې چاودنې په پایله کې ۸ ملکيان وژل شوي او ۱۸ نور ټپیان دي.
د شپږیزې کرېکټ لیګ په دویمه نیمه پایلوبه کې نن سپینغر پړانګان د کابل بازانو پر وړاندې لوبه وکړه او بریالۍ شوه چې کابل بازانو ته د ۶۳ منډو په توپیر ماته ورکړي.
د افغانستان بيارغونې لپاره د امريکا ځانګړې پلټونکې ادارې يا سيګار د افغانستان د بانکي نظام د ناوړه وضعیت څخه پرده پورته کړې
د افغانستان د کرېکټ بورډ غوراوې کمېټې ایرلینډ لوبډلې سره د راتلونکو پنځو شل اووره سیالیو لپاره نن د شل کسیزې لوبډلې نوملړ اعلان کړ.
په تاشکند کې د افغانستان په اړه له نړیوالې غونډې وروسته تېره ورځ د افغانستان په اړه د شانګهای همکاریو سازمان ناسته هم جوړه شوه وه.
ازبکستان کې د افغانستان په اړه د نړیوالې غونډې له پای ته رسېدو سره هممهاله یوشمېر شنونکي دغه ناسته د سیمې او نړۍ امنیت ته د افغانستان له خاورې د ګواښ نه پېښېدو په اړه له ا.ا د ډاډ ترلاسه کولو په معنی بولي. بلخوا د پوهنتون استاد محمود اضطرابي یاده ناسته د اسلامي امارت د مشرانو کړنو ته په کتو ګټوره نه بولي.
ټاکل شوې سبا دوشنبه د ازبکستان په پلازمېنه تاشکند ښار کې د افغانستان د وضعیت څېړلو په موخه نړیواله غونډه جوړه شي چې دوه ورځې به دوام وکړي.
د اسلامي امارت د بهرنیو چارو سرپرست امیرخان متقي په مشري یو پلاوی هم دغه غونډه کې د ګډون لپاره نن ازبکستان ته تللی دی.
د مرکزي اسیا هېوادونو د ولسمشرانو په څلورمه مشورتي ناسته کې چې دوه ورځې وړاندې په قرغیزستان کې جوړه شوې وه، د ناستې ګډونوالو افغانستان کې د روان وضعیت په اړه اندېښنه څرګنده کړې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
