د افغانستان او کوربه سریلانکا د کرېکټ ملي لوبډلو ترمنځ د درېوو یو ورځنیو سیالیو په دویمه لوبه کې سریلانکا لوبډلې افغانستان ته د ۳۲۴ منډو هدف ټاکلی دی.
د سریلانکا د کرېکټ ملي لوبډلې په دغه سیالي کې د ټاس «پچې» په ګټلو سره توپوهنه غوره کړه او پییلیز لوبغاړو یې ښکلې لوبه وکړه. سریلانکا د شپږو لوبغاړو په سوځېدو سره ۳۲۳ منډې جوړې کړې دي.
د سلاموطندار پښتو فېسبوکپاڼه وڅارئ
پاتوم نېسنکا او ډیموټ کارونارتني په ۱۵.۵ اورونو کې د ۸۲ منډو ملګرتیا وکړه چې دغه ملګرتیا بیا محمدنبي ماته ورکړه.
د سریلانکا لپاره په توپوهنه کې کوشال منډېس ۷۸، ډیموټ کرونارتني، ۵۲، سدیرا سماراوېکراما ۴۴ او پاتوم نېسنکا ۴۳ منډې جوړې کړې.
سریلانکا لوبډلې د نن په لپاره څلور نویو لوبغاړو ته ځای ورکړی دی. سدیرا سماراوېکراما، ټېکشانا، چمیرا او هسرنګا هغه لوبغاړي دي چې په نن لوبه کې اخېستل شوي دي.
د افغانستان لپاره په توپاچوونه کې محمدنبي لسو اورونو کې ۵۲ منډې ورکړې او دوه وېکټې یې ترلاسه کړې. فریداحمد ملک بیا نهه اورونه وکړل او د ۶۱ منډو په بدل کې یې دوه لوبغاړي وسوځول.
مجیبالرحمن بیا ښکلې توپاچوونه وکړه او په لسو اورونو کې یې ۳۹ منډې ورکړې او یوه وېکټ یې واخیسته.