د غزني د امنیې قومندانۍ ویاند احمد خان سیرت وايي، امنیتي ځواکونو له چاودېدونکيو توکو ډک یو موټر چې غوښتل یې د غزني ښار اړوند سیمه کې د پوځ پر یوه کمپ برید وکړي، په نښه کړی او چاودنه یې کړې.
سيرت وویل، دغه چاودنه کې ۷ امنیتي ځواکونه ټپيان شوي.
نوموړي زیاته کړه، موټربم چاودنه کې د یوه باروړونکي موټر چلونکی چې له سیمې تېرېده، وژل شوی دی.
د غزني د امنیې قومندانۍ ویاند همدارنګه وویل، طالبانو تېره شپه د غزني ښار دویمه حوزه کې هم پر ځینو امنیتي پوستو بریدونه کړي چې مرګژوبله نه لري.
طالبانو تراوسه دې برخه کې رسنیو ته څه نه دي ویلي.
