سترې محکمې تاييد کړه چې نن سهار کابل ښار کې ناپېژاندو وسلهوالو دوه ښځينه قاضيانې ترور کړې دي.
د سترې محکې د حقوقي او قضايي مطالعاتو رييس او وياند احمد فهیم قویم سلاموطندار ته وايي، په دې پېښه کې دوه ښځينه قاضيانې وژل شوي او موټرچلوونکی يې ټپي شوی دی.
د کابل د امنيې قومندانۍ وياند فردوس فرامرز هم دغه خبر تاييدوي او وايي، دغه پېښه نن سهار شاوخوا اته نيمې بجې د کابل ښار لسمې ناحيې اړوند د «قلعه فتحالله» سيمې لسم سړک کې شوې ده.
فرامرز په دې اړه نور جزيات نه ورکوي.
تر اوسه پورې کومې وسلهوالې ډلې د بريد مسووليت پر غاړه نه دی اخيستی.
