د ملي امنیت عمومي ریاست وايي چې په پروان کې یې د وارداتي برښنا د پایو الوځوونکو د ډل‌مشر په ګډون، څلور کسان نیولي دي. دغه ریاست نن په یوه خبرپاڼه کې لیکلي چې د ملي امنیت ځانګړو ځواکونو په پروان کې عملیات کړي او هغه څلور کسان یې نیولي چې د وارداتي برښنا پایې به یې الوځولې.

د خبرپاڼې له مخې، نیول شوي کسان د داعش ډلې غړیتوب هم لري او د نیولو پر مهال یې یوه اندازه هغه توکي هم ورسره نیولي چې ترهګرې ډلې یې کاروي.

د سلام‌وطندار پښتو فېسبوک‌پاڼه وڅارئ

بله‌خوا په پروان کې امنیتي سرچینې وايي چې تر اوسه په دغه ولایت کې د څو عملیاتو پر مهال د برښنا پایو الوځولو په تور شاوخوا لس کسان نیول شوي دي.



په پروان کې یوې امنیتي سرچینې سلام‌وطندار ته ویلي چې تر اوسه د دغه ولایت په مرکز چاریکارو ښار او سالنګ، جبل‌السراج، سیدخېل او بګرام ولسوالیو کې څو ځله عملیات شوي دي.

د ملي امنیت ځانګړو ځواکونو پرون هم د پروان په مرکز کې عملیات وکړل چې د محلي سرچینو په وینا، دوه کسان یې د برښنا پایو الوځولو په تور ونیول.

د برښنا شرکت د شمېرو له مخې، په تېرو دوو میاشتو کې د برښنا له ۳۰ ډېرې پایې د کابل په شمال کې الوځول شوي او د پلازمېنې په ګډون، د یوشمېر ولایتونو د برښنا پرې کېدو ترڅنګ یې د یادو پایو پر بیاجوړونې ډېرې پیسې لګولې دي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام