د ملي پراختیا شرکت: ادارې او سکتورونه له موږ ۱۸،۴میلیارډ افغانۍ پوروړي دي

د ملي پراختیا شرکت مسوولانو نن شنبه د وري ۲۶مه کابل کې د یوې خبري ناستې پرمهال رسنیو ته وویل چې دغه شرکت به روان ۱۴۰۲ کال کې د هېواد په کچه ۸۲ پروژې پلې کړي.

په دغه خبري ناسته کې د ملي پراختیا شرکت چارواکو د تېر یوه کال لاسته‌راوړنې او د راتلونکي کال پلانونه له رسنیو سره شریک کړل.

فاریاب کې یوه کس خپل ورور وژلی

فاریاب ولایت کې یوې سرچینې سلام‌وطندار ته ویلي چې دغه ولایت کې یوه کس خپل ورور وژلی دی. پېښه پرون جمعه د وري ۲۵مه د یاد ولایت د پشتون‌کوټ ولسوالي «ګلیم‌باف» کلي کې رامنځته شوې ده.

د سرچینې په وینا، د سیدعبدالله په نوک کس چې څو ورځې وړاندې لادرکه شوی و، جسد یې د پشتون‌کوټ ولسوالي «چهارتوت» کلي کې د یوه پلچک لاندې پیدا شوی دی.

د سمرقند ناستې ګډه خبرپاڼه؛ افغانستان کې دې ټول‌ګډونه حکومت جوړ شي

د چین، ایران، پاکستان، روسیې، تاجکستان، ترکمنستان او ازبکستان د بهرنیو چارو وزیرانو په ګډه خبرپاڼه کې چې نن (د وري ۲۵مه، جمعه) د ایران د بهرنیو چارو وزارت پر وېب‌سایټ خپره شوې، له اسلامي امارت څخه غوښتل شوي چې د ټولو قومي ډلو، ښځو او ماشومانو د حقونو په ګډون، د افغانانو بنسټیزو بشري حقونو ته درناوی وکړي.

د برښنايي پېژند‌پاڼې د بیې پر لوړېدو نیوکې؛ له ۱۰۰ نه ۵۰۰ افغانیو ته لوړه شوې

د اسلامي امارت د چارو ادارې په یوه خبرپاڼه کې ویلي چې له دې وروسته به هره برښنايي پېژند‌پاڼه د ۵۰۰ افغانیو په بدل کې افغانانو ته ورکړل شي.
د احصایې او معلوماتو ملي ادارې ویاند محمدحلیم رفېع وايي، دا پرېکړه پرون د وزیرانو شورا په درېیمه غونډه کې شوې او د هرې پېژندپاڼې بیه له ۳۰۰ افغانیو څخه ۵۰۰ ته لوړه شوې ده.

دولتي ادارو کې د متقاعدینو او معلولانو ګومارنه له غبرګونونو سره مخ شوې

د ا.ا حکومت په تازه‌ګۍ سره پرېکړه کړې هغه معلولان او متقاعدین چې د کار کولو وړتیا ولري، په حکومتي ادارو  کې به یې پر دندو وګوماري.

خو دغه پرېکړه د معلولانو او متقاعدینو له دوه‌ګوني غبرګون سره مخ شوې ده. یو‌شمېر متقاعدین له دې پرېکړې د هرکلي ترڅنګ وايي چې ډېری متقاعدین د کار کولو وړتیا لري او په خپلو دندو کې مسلکي دي.

د افغانستان ګاونډیو هېوادونو د بهرنیو چارو وزیرانو غونډه؛ متقي ازبکستان ته ورسېد

د بهرنیو چارو وزارت سرپرست امیرخان متقي نن پنج‌شنبه د وري ۲۴مه د ازبکستان په کوربه‌توب د افغانستان د ګاونډیو هېوادونو د بهرنیو چارو وزیرانو ناسته کې د ګډون په موخه دغه هېواد ته تللی دی. د اسلامي امارت حکومت له دې وړاندې په وار وار ویلي و چې د دوی له ګډون پرته به د افغانستان په تړاو کېدونکې غونډې بې‌پایلې وي.

د روغتیايي امکاناتو نشتون په اړه شکایتونه؛ روغتیا وزارت: راتلونکي کال ته چمتووالی لرو

د یوشمېر لرې پرتو ولایتونو اوسېدونکي داسې مهال روغتیايي امکاناتو ته د نه لاسرسي په اړه ګیله کوي چې د روغتیا نړیوال سازمان ویلي چې ۱۷ میلیونه او ۶۰۰ زره افغانان په روان زېږدیز کال کې روغتیايي مرستو ته اړتیا لري.

د ښځو کار مخنیوي ته غبرګونونه؛ ا.ا: ټول اړخونه باید دې پرېکړې ته درناوی ولري

د ملګروملتونو دفترونو کې د ښځو کار مخنیوي په غبرګون کې دغه سازمان تازه په یوې ویناپاڼه کې ویلي، ا.ا دوی اړ باسي چې یا افغانستان کې خپلو بشري مرستو ته دوام ورکړي، یا د دغه سازمان د قوانینو او اصولو څخه سرغړونه وکړي. د ملګروملتونو ویناپاڼه کې دغه دوه ټاکنې وحشت‌ناکه بلل شوي او ا.ا یې د پایلو مسوول یاد کړی دی.

د سیمې هېوادونو ته د توماس وېسټ تازه سفرونه؛ شنونکي: بې‌پایلې دي

د امریکا بهرنیو چارو وزارت یوې خبرپاڼه کې ویلي چې د افغانستان لپاره د امریکا ځانګړي استازي توماس وېست قطر، عربي متحده اماراتو او ترکیې هېوادونو ته سفرونه پیل کړي دي. له دې سره، اسلامي امارت ته نږدې سیاسي فعال محمدبشار بیا وايي، امریکا اسلامي امارت سره د مثبت تعامل لپاره اراده نه‌لري.

کابل کې په ارزانه بیه د توکو د پلور «ځانګړی بازار» پرانېستل شو

د افغانستان د صنعت او سوداګرۍ ټولنې نن چهارشنبه د وري ۲۳مه د کابل تیمورشاهي سیمه کې په ارزانه بیه د کورنیو تولیداتو او محصولاتو د پلور لپاره د «ارزان بازار» په نوم بازار پرانېست چې لس ورځې به دوام وکړي.

د یادې ټولنې رییس نثاراحمد بهبودي سلام‌وطندار ته وویل چې دغه بازار یې د اختر شپو او ورځو کې په ارزانه بیه د توکو پېر لپاره خلکو ته جوړ کړی دی.