مجبوریت او بې‌وزلي؛ کابل کې د لاسي‌توکو پلورونکې: اوبه پلورم، خو څوک یې نه‌اخلي

د کابل پر سړکونو د لاسي‌توکو یوشمېر ښځینه پلورونکې وايي، د وزګارتیا، بې‌وزلي ډېرېدو او سرپرست نه‌لرلو له امله اړ شوي چې په لارو او کوڅو کې لاسي‌توکي وپلوري. معصومه چې د کابل په یوه څنډه کې ماسک پلوري، سلام‌وطندار ته وايي، د کارموندلو لپاره یې د کابل ښاروالي ترڅنګ د بېلابېلو دفترونو ور ورټکولی، خو په وینا یې، چا یې غږ نه دی اورېدلی.

د سلام‌وطندار موندنې؛ هېواد کې یوازې یو د «امن کور» فعال دی

د سلام‌وطندار د موندنو پر بنسټ هېواد کې د مخکیني حکومت پر مهال د ښځو لپاره د رامنځته شویو ۲۷ امن کورونو له ډلې یې اوس یوازې یو فعال دی او پاتې نور یې تړل شوي دي.

سلام‌وطندار دغه موندنې د مخکیني حکومت پر مهال د امن کورونو یا د ښځو ملاتړو مرکزونو د مخکینیو مسولانو سره د مرکو له لارې ترلاسه کړي دي.

دایکندي کې ناپېژنده ناروغیو لسګونه غواګانې له‌منځه وړي

د دایکندي په ځینو ولسواليو کې يوشمېر مالداران وايي چې د نامعلومو ناروغيو د خپرېدو له امله یې لسګونه څاروي له‌منځه تللي دي.

د دایکندي د «سنګ‌تخت» او بندر ولسوالي اوسېدونکي رحمت سلام‌وطندار ته وویل چې د څارویو ناروغاي ډېره شوې او په وینا یې، درمل هم نه‌لري چې درملنه یې وکړي.

لوګر کې د تېرو کلونو په پرتله د څارویو څړځایونه ښېرازه شوي

د لوګر یوشمېر اوسېدونکي وايي، سږکال دغه ولایت کې د وروستیو اورښتونو له امله څړځایونه ښیرازه شوي او د تېرو کلونو په پرتله سږکال یاد ولایت ته دوه برابره کوچیان او مالداران ورغلي دي. د لوګر د خوښۍ ولسوالي یو مالدار خیال‌محمد وایي، سږ کال د تېرو کلونو په پرتله غرونه او دښتې د زیات اورښت له امله ښيرازه شوي.

هېواد کې د معلولانو او شهیدانو کورنیو د غړیو بایومټریک بهیر بیاپیل شو

د شهیدانو او معلولانو وزارت مرستیال عبدالحکیم حقاني وايي چې د هېواد په کچه یې د معلولانو او د شهیدانو کورنیو د غړیو د بایومټریک بهیربیا پیل کړی دی.

د شهیدانو او معلولانو په چارو کې د دولت وزارت مرستیال عبدالحکیم حقاني دغه څرګندونې نن چهارشنبه د غبرګولي ۲۴مه کابل کې یوې غونډې ته د وینا پرمهال وکړې.

هلمند کې «سباوون» ټلوېزیون له دوه کلن ځنډ وروسته بېرته فعالیت پیل کړ

هلمند کې د «سباوون» ټلوېزیون مسوولان وايي چې له شاوخوا دوه کلن ځنډ وروسته یې خپل فعالیتونه بېرته پیل کړي دي.

د «سباوون» ټلوېزیون د نشراتو مسوول نبي‌‌ اکمل وايي چې د اقتصادي ستونزو او جګړې له امله یې تېرو دوو کلونو کې خپل فعالیتونه ځنډولي وو.

چینايي پانګوال میدان‌وردګ کې د ۲۵۰زره ډالرو په ارزښت کارخونه جوړوي

د میدان‌وردګ ولایت مقام له لوري سلام‌وطندار ته په رالېږل شوې خبرپاڼه کې راغلي چې په دغه لیدنه کې چینایي پانګوالو ویلي چې د یاد ولایت په صنعتي پارک کې به د ۲۵۰زره امریکایي ډالرو په مالي لګښت د لوښو مېنځلو، سیمي جالیو او د ماشومانو لپاره د پمپرو تولید کارخونه جوړه کړي.

د افغاني سرې میاشتې ټولنه: د سترګو ۸۸۰۰ ناروغانو ته د درملنې زمینه برابرېږي

د افغاني سرې میاشتې ټولنې د عامه اړیکو رییس غلام‌حبیب حسن حسام نن سه‌شنبه د غبرګولي ۲۳مه کابل کې د یوې غونډې پرمهال وویل چې د ملک سلمان خیریه بنسټ افغانستان کې د البصر نړیوال بنسټ له لوري کابل او کندهار کې اړمنو ته د سترګو ناروغیو درملنې زمینه برابروي.

د خوړو او درملو ملي اداره: هر کال افغانان د درملو پېر لپاره یو میلیارډ ډالر مصرفوي

د خوړو او درملو ملي ادارې مسوولان وايي چې افغانان د خپلو ناروغیو د درملنې او درملو پېر لپاره هر کال یو میلیارډ ډالر مصرفوي.

د خوړو او درملو ملي ادارې مسوولانو دغه څرګندونې نن سه‌شنبه د غبرګولي ۲۳مه کابل کې د کورنیو درملو د تولیداتو نندارتون د پرانېستلو پر مهال کړي دي.

فاریاب کې کروندګر: د وچکالۍ له امله مو حاصلات کم شوي

فاریاب کې یو‌شمېر کروندګر وايي چې د تېر ژمي پر مهال د ورښتونو کمښت له امله دغه ولایت کې وچکالي ډېره شوې او کښتونه یې د له‌منځه تلو ګواښ سره مخ دي.

د فاریاب یوه کروندګر حمیدالله سلام‌وطندار ته وايي چې ژوند یې پر کرنه او مالدارۍ ولاړ دی او سږکال یې د وچکالۍ په دلیل حاصلات سوځېدلي چې سخت یې اندېښمن کړي دي.

د افغانستان فوټبال ملي لوبډله له ۷۴کلونو وروسته نن ایران سره لوبه کوي

د افغانستان د فوټبال ملي لوبډله د مرکزي اسیا هېوادونو فوټبال اتلولۍ سیالیو په لړ کې نن سه‌شنبه د غبرګولي ۲۳مه د ایران فوټبال ملي لوبډلې سره لوبه کوي.

ټاکل شوې چې دغه سیالي نن ۷:۳۰ بجې د قرغزستان پلازمینې بېشکاک ښار په دولون عمرزاکوف لوبغالي کې پیل شي.

د هرات د کرنې ریاست: د للمي کښتونو حاصلاتو کې ۸۰سلنه کموالی راغلی

د هرات د کرنې، اوبو لګولو او مالدارۍ ریاست مسوولان وايي چې دغه ولایت کې وچکالۍ د للمي کښتونو پر حاصلاتو اغېز کړی دی.

د هرات د کرنې، اوبو لګولو او مالدارۍ ریاست سرپرست محمدنسیم سحر سلام‌وطندار ته ویلي چې روان کال د وچکالي له کبله دغه ولایت کې د للمي حاصلاتو کې ۸۰سلنه کموالی راغلی دی.

افغانستان کې یو میلیون ماشومان پر درنو کارونو بوخت دي

بلخ کې د کار نړیوال سازمان «ای‌اېل‌او» له لوري نن د جون ۱۲مه د کارګرو ماشومانو د کار مخنیوي نړیواله ورځ ونمانځل شوه.

په یاده نمانځ‌غونډه کې د کار نړیوال سازمان مسوولانو اندېښنه وښوده چې افغانستان کې تر یو میلیونه ماشومان پر درنو کارونو بوخت دي.

ایران او پاکستان کې د افغان کډوالو کړاونه؛ «کډوالو ته به درانه کارونه ورکوئ»

پاکستان او ایران کې یو‌شمېر افغان کډوال وايي چې د یادو هېوادونو د پولیسو له وېرې له خپلو کورونو نشي وتلی او له بېلابېلو اقتصادي ستونزو سره مخ دي.

دغه افغان کډوال شکایت کوي چې ورځنۍ چارې یې له دې امله ټکنۍ دي چې د پولیسو له‌خوا د نیونې له وېرې له خپلو کورونو بهر نشي وتلی.