د ترکیې ټاکنې؛ افغان کډوالو د خپل برخلیک ټاکلو لپاره رایه کارولې

د ترکیې د ولسمشرۍ دویم پړاو ټاکنې نن یکشنبه د مې ۲۸مه دغه هېواد کې پر ځای وخت سهار ۸ بجې پیل شوې دي.

دغو ټاکنو کې چې د ترکیې اوسني ولسمشر رجیب‌طیب اردوغان او د هغه سیال کمال قلیچ‌دار اوغلو ترمنځ کېږي، د ترکیې بهرني سیاست او اقتصاد ترڅنګ، د کډوالو موضوع یې تر ټولو اساسي مسایلو څخه بلل کېږي.

فاریاب کې د څه باندې ۲۰ میلیونه افغانیو په لګښت یو جامع جومات پرانېستل شو

د فاریاب په نوې رامنځته شوې «خېبر» ولسوالي په قرايي سیمه کې د تېرې اوونۍ د جمعې پر ورځ (د غبرګولي پنځمه) د «المعراج تارشي» په نوم جامع جومات پرانېستل شو.

دغه جومات چې په یوه وخت کې د ۲۰۰۰ لمونځ کوونکو ظرفیت لري د ۲۰ میلیونه افغانیو په ارزښت جوړ شوی دی.

ایران د کډوالو چارو د مدیریت لپاره یو بنسټ جوړوي

د ایرنا خبري اژانس پرون جمعه د ایران د کورنیو چارو د وزیر له قوله لیکلي چې ټاکل شوې په دغه هېواد کې د افغانانو په ګډون، د کډوالو چارو د تنظیم لپاره یو بنسټ جوړ کړي.
په همدې حال کې یوشمېر افغان کډوال چې په قانوني او ناقانونه توګه په ایران کې اوسېږي، په دغه هېواد کې یې پر وړاندې د شته ستونزو او ننګونو په اړه وايي چې افغانان په ایران کې د کډوالۍ هېڅ ډول حقونه نه لري.

د عشق‌اباد ناستې پای؛ د افغانستان اقتصادي زیربناوو پر بیارغونه ټينګار شوی

د ترکمنستان پلازمېنې عشق‌اباد کې د اروپايي ټولنې او مرکزي اسیا د ځانګړیو استازیو له ناستې وروسته په یوې خپره شوې خبرپاڼه کې د افغانانو پر ملاتړ او د افغانستان د اقتصادي زېربناوو پر بیارغونه ټينګار شوی دی. د خبرپاڼې په یوې برخه کې افغانستان کې د ټول‌ګډونه حکومت پر جوړېدو او د ښځو او نجونو د کار او زده‌کړو محدودیت پر لرې‌کېدو ټينګار شوی.

د افغاني سرې میاشتې ټولنه: هېواد کې د زړه سوري ناروغانو شمېر زیات شوی

د افغاني سرې میاشتې ټولنې مسوولان وايي، د تېرو دوو میاشتو پرمهال یې د زړه سوري پر ناروغۍ اخته څه باندې ۲۰۰۰ ناروغان ثبت کړي چې درملنې ته په تمه دي. د افغاني سرې میاشتې ټولنې ویاند عرفان‌الله شرف‌زوی سلام‌وطندار ته وايي، د زړه سوري پر ناروغۍ اخته ۱۰۰۰ ناروغان له درملنې وړاندې مړه شوي او ۱۱۰۰۰ ناروغان درملنې ته په تمه دي.

نیمروز کې د ایران او افغانستان د ځواکونو ترمنځ نښته شوې

نیمروز کې ولسي سرچینې سلام‌وطندار ته وايي چې د دغه ولایت په سرحدي سیمه کې د افغانستان او ایران امنیتي ځواکونو ترمنخ نن سهار نښته رامنځته شوې چې اوس هم روانه ده.

د سرچینې په وینا، تراوسه معلومه نه ده چې دغه نښته د څه له امله رامنځته شوې، خو زیاتوي چې ایراني ځواکونو پر زرنج ښار د توغندیو بریدونه هم کړي دي.

نورستان کې چاودنې دوه ماشومان وژلي او یو بل یې ټپي کړی

د نورستان محلي مسوولان وايي چې د دغه ولایت په اړوند سیمه کې د ناچاودو توکو د چاودنې له کبله دوه ماشومان وژل شوي او یو بل ټپي دی.

د یاد ولایت د والي ویاند سیف‌الله لټون ویلي چې پېښه نن شنبه د غبرګولي څلورمه د نورستان د وانټ‌وایګل ولسوالي د «سامګل» په دره کې رامنځته شوې ده.

پاکستان کې د چاودنې له امله د دغه هېواد ۲۳ سرتیري ټپیان شوي

د پاکستان د خېبرپښتونخوا ایالت اړوند د ډېره‌اسماعیل خان په چهکان سیمه کې د دغه هېواد د پوځ د موټرو پر کاروان د چاودنې له کبله ۲۳ سرتیري ټپیان شوي دي.

پاکستاني رسنیو نن شنبه د مې ۲۷مه سیمه کې د پولیسو له قوله راپور ورکړی چې چاودنه «نن شنبه د مې میاشتې ۲۷مه» د پوځ د موټرو کاروان سره نږدې شوې او ښايي ځانمرګی برید وي.

پکتیا کې د لومړنیو زده‌کړو ۱۵۰ محلي ټولګي جوړ شوي

د پکتیا محلي مسوولان وايي چې د دغه ولایت په مرکز او یو‌شمېر ولسوالیو کې سلګونه نجونو او هلکانو ته د لومړنیو زده‌کړو ۱۵۰ محلي ټولګي جوړ شوي دي.

دغه محلي ټولګي د یونېسف په مالي لګښت او د افغان پرمختیایي موسسې له‌خوا جوړ شوي دي. د پکتیا پوهنې رییس عبدالوکیل خالد زیاته کړه چې دغو ټولګیو کې هغو ماشومانو ته د زده‌کړو زمینه برابره شوې چې له ښوونځي پاتي وو.

غور کې د دوو کورنیو ترمنځ د شخړې له کبله یو ماشوم وژل شوی

د غور امنیتي مسوولان وايي چې دغه ولایت کې د دوو کورنیو ترمنځ د رامنځته شوې شخړې په پایله کې یو ماشوم وژل شوی دی.

د غور امنیتي مسوولانو په وینا، پېښه د یاد ولایت د پسابند ولسوالي اړوند سیمه کې پرون جمعه د غبرګولي پنځمه رامنځته شوې چې له کبله یې یو ۱۲کلن ماشوم وژل شوی دی.

«ناچاره یوو چې د یوې مړۍ ډوډۍ لپاره ساعتونه د موټرو ډکولو لپاره نارې ووهو»

افغان ماشومان د هېواد په بېلابېلو برخو، په تېره کابل کې د یوې مړۍ ډوډۍ پیدا کولو په موخه د روزګار لپاره قرباني ورکوي. ګڼ‌شمېر ماشومان هر سهار د ښوونځي پر ځای، ښار ته راوځي او د یوې مړۍ ډوډۍ لپاره تر بېګاه پر سړکونو د سپرلۍ موټرو ډکولو په موخه نارې وهي.