د اروپايي ټولنې د بهرني سیاست مسوول جوزېپ بورل ویلي چې د اروپايي ټولنې غړي هېوادونه مکلف دي چې د اسراییلو د لومړي وزیر بنیامین نتانیاهو او د دغه هېواد د دفاع پخواني وزیر یواف ګالانت د نیولو په اړه د کیفري نړیوالې محکمې حکم عملي کړي.
د سلاموطندار پښتو فېسبوکپاڼه وڅارئ
رویټرز خبري اژانس راپور ورکړی چې بورل دا خبرې پرون-د لیندۍ درېیمه، د شنبې ورځ قبرس ته د سفر پر مهال کړي دي. د نوموړي په وینا، هغه هېوادونه چې غواړي له اروپايي ټولنې سره یوځای شي، هم باید دغه حکم عملي کړي.
جوزېپ بورل زیاته کړې: «هغو هېوادونو چې د روم تړون لاسلیک کړی، د محکمې د حکم عملي کولو مسوولیت لري. دغه مسوولیت اختیاري نهدی.»
د کیفري نړیوالې محکمې چې دفتر کې یې به لاهه کې دی، د تېرې اوونۍ د پنجشنبې په ورځ د اسراییلو لومړی وزیر بنیامین نتانیاهو، د اسراییلو د دفاع پخوانی وزیر یواف ګالانت او د حماس نظامي مسوول محددیاب ابراهیم المصري د کړیو جنګي جرمونو له کبله تورن وپېژندل او د هغو د نیولو حکم یې صادر کړ.
اروپايي ټولنه داسې مهال د کیفري نړیوالې محکمې د دغه حکم پر عملي کېدو ټینګار کوي چې د امریکا متحده ایالاتو او اسراییلو هغه «د یهودو ضد» حکم بللی دی.
