بغلان کې د شپږو ولسوالیو د سقوط ګواښ

نږدې یوه میاشت کېږي چې وسله‌والوطالبانو د بغلان ولایت اړوند د نهرین ولسوالي پر مرکز بریدونه پیل کړي چې یوازې د دغه ولسوالي او د پولیسو د قومندانۍ ودانۍ د امنیتي ځواکونو تر کنټرول لاندې دي او پاتې نورو سیمو باندې طالبانو ولکه خپله کړې ده.

سرچینې: له پرون ماښام راهیسې په څلورو ولایتونو کې پنځه ولسوالۍ طالبانو نیولي

په تېرو ۲۴ساعتونو کې د هېواد له بېلابېلو ولایتونو څخه د یوشمېر ولسوالیو او امنیتي پوستو د سقوط خبرونه ورکړل شوي دي.
یوې حکومتي سرچینې د نوم او غږ نه خپرولو په شرط سلام‌وطندار ته ویلي، تېره شپه د ختیځ نورستان له دواب ولسوالي څخه امنیتي سرتېرو شاتګ کړی چې له امله یې یاده ولسوالي د طالبانو لاس ته لوېدلې ده.

د کورونا درېیمه څپه؛ په یوه شپه او ورځ کې ۴۱ کسان مړه شوي

د عامې روغتیا وزارت وايي چې په تېره یوه شپه او ورځ کې ۴۱ کسان چې پر کورونا اخته وو، مړه شوي او ۱۲۷۳ نور پرې اخته شوي دي. تازه پېښې د درې زره او ۳۴۶ شکمنو کسانو له کتلو ترلاسه شوې دي.
د رسمي شمېرو له مخې، د کورونا له کبله د مړینې تازه شمېرې په هېواد کې د کورونا ویروس له خپرېدو راهیسې تر ټولو لوړې هغه دي.

امریکا له افغانستان سره ۲۶۶ میلیونه ډالره مرسته کوي

د امریکا د بهرنیو چارو وزیر انټوني بلېنکن وايي چې هېواد یې له افغانستان سره شاوخوا ۲۶۶ میلیونه ډالره مرسته کوي. نوموړي پرون پر خپل ټویټر لیکلي چې یادې مرستې به د افغانستان له نړیوالو بشردوستانه شریکانو سره همکاري وکړي، څو د شاوخوا ۱۸ میلیونه اړمنو افغانانو، په تېره بې‌ځایه شویو لاسنیوی وکړي.

بدخشان کې هوایي برید۱۳ ولسي پاڅون کوونکي وژلي

په بدخشان کې یوه ملکي سرچینه وایي، د دغه ولایت په کوهستان ولسوالي کې د پاڅون کوونکو پر پوستې هوایي ځواکونو برید کړی چې له امله یې د پاڅون کوونکو د یوه قومندان په ګډون ۱۳پاڅون کوونکي وژل شوي او ۸ نور ټپیان دي.

طالبانو د نورستان دواب او منډول ولسوالۍ نیولي

یوې حکومتي سرچینې د نوم نه ښودو په شرط سلام‌وطندار ته ویلي، بېګاه شپه د نورستان ولایت له دوو ولسوالیو، دواب او منډول څخه امنیتي
سرتېري وتلي او دغه دواړه ولسوالۍ وسله‌والو طالبانو نیولي دي. د سرچینې په وینا، دغه دواړه ولسوالۍ له څه مودې راهیسې د وسله‌والو طالبانو تر سختې کلابندۍ لاندې وې چې بېګاه شپه د وسله‌والو طالبانو له لوري نیول شوي دي.