د افغانستان ۲۰۲۰ جینوا غونډه نن د سویس په کوربهتوب په رسمي ډول پرانېستل شوه. د دولت اقدامات، سیاسي ملاتړ او د راتلونکو څلورو کلونو لپاره د مرستندویه هېوادونو مالي ژمنې د دغې غونډې د بحث اصلي موضوعات دي.
ولسمشر محمد اشرف غني په یوه فرمان کې چې د لړم میاشتې په اتهویشتمه لاسلیک شوی، په افغانستان کې د هغو پاکستاني بندیانو د خوشې کولو حکم صادر کړی چې «د محکمو د قطعي او وروستي حکم» پر بنسټ بندیان دي.
د ملي امنیت لوی ریاست سرپرست احمدضیا سراج نن ولسي جرګې ته د خپلو راتلونکو پروګرامونو وړاندې کولو پر مهال وویل، طالبان او نورې وسلهوالې ډلې په منظم ډول په خپلو کې همکاري کوي او په وینا یې، د یوې بلې په همکارۍ سره یې د ځان وژونکو بریدګرو د پېر، پلور او ان په پور ورکولو بازار جوړ کړی دی.
د عامې روغتیا وزارت د ویاند مرستیاله معصومه جعفري وايي، ټاکل شوې افغانستان هم د ۲۰۲۱ کال تر پایه د کورونا ویروس واکیسن ته لاسرسی پیدا کړي.
په غزني کې محلي مسوولان وايي چې یوه کس د دغه ولایت په جاغوري ولسوالي کې خپله لور په ډزو وژلې ده.
د کډوالۍ په چارو کې د ملګرو ملتونو عالي کمېشنرۍ د نړیوالې ټولنې له لوري د افغانستان د «هېرولو» بدو پایلو په اړه خبرداری ورکړی او په دغه هېواد کې یې د کډوالو لپاره د حللارې موندلو پر ارزښت ټینګار کړی دی.
سلاموطندار ته داسې سندونه رسېدلي چې ښیي د غور ولایت د محکمې، د ځمکو ادارې او عدلیې ریاست مسوولان د ۲۷ جریبه ځمکې له خاوندانو نه د باج اخیستو په موخه هڅه کوي چې یادې ځمکې د دولتي ځمکو په کتار کې راولي. د سلاموطندار موندنې ښيي چې شاوخوا ۷۰۰ کورنیو پر یادو ځمکو کورونه جوړ کړي او پهکې اوسېږي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
