Asset 1SWN

کابل کې د کلیو بیارغونې او پراختیا وزارت څلور کارکوونکي ترور شوي

148726805_2233276590141341_8839358332583221834_n

د کابل امنیه قومانداني وايي چې په کابل ښار کې د کلیو بیارغونې او پراختیا وزارت څلور کارکوونکي ترور شوي دي.

د کابل د امنیې قومانداني ویاند فردوس فرامرز وايي، نن سهار شاوخوا ۹:۲۰ دقیقې د کابل ښار پنځمې امنیتي حوزې اړوند د باغ داوود پر سړک د کلیو بیارغونې او پراختیا وزارت څلور کارکوونکي د وسله‌والو له لوري ترور شوي دي.

د نوموړي په وینا، یاد کسان محمدحبیب، فریدالله، ریاض‌احمد او بریالی نومېږي او نن سهار دندې ته د تګ پر مهال پرې ډزې شوې دي. فرامرز زیاتوي، ګډ امنیتي ټیم د پېښې په اړه پلټنې او څېړنې پیل کړې دي.

ریاض‌احمد خلیل

په همدې حال کې د میدان وردګ ولایت د کلیو بیارغونې او پراختیا ریاست کې یوه سرچینه وايي چې په برید کې د دغه ریاست د سرپرست رییس ریاض‌احمد خلیل په ګډون، څلور کسان وژل شوي دي.

د سرچینې په وینا، د دغه ریاست کارکوونکو نن سهار غوښتل خپلو دندو ته ولاړ شي چې وسله‌والو د کابل ښار په باغ داوود سیمه کې پرې ډزې کړې دي.

سرچینه زیاتوي، په دغه برید کې لومړی دوه کسان وژل شوي وو او د سرپرست رییس ریاض‌احمد خلیل په ګډون دوه نور ټپیان وو، خو وروسته ښاغلي خلیل او د هغه یوه بل همکار هم ساه ورکړې ده.

د ریاض‌احمد خلیل ورور فریداحمد خلیل هم پر خپلې فېسبوک‌پاڼې تایید کړې چې ورور یې په یاد برید کې وژل شوی دی.

بله‌خوا نن د کابل ښار د شپاړسمې امنیتي حوزې اړوند په مکروریانو کې د یوه چسپکي ماین په چاودنه کې چې په یوه لنډکروزر پسې نښتی و، یو کس ټپي شوی دی.

تر اوسه کوم چا یا وسله‌والې ډلې د دغه برید مسوولیت نه دی منلی.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام