Asset 1SWN

په بغلان او بلخ کې ۱۳ امنیتي ځواکونه وژل شوي

baghlan-1

په ولسي جرګه کې د بغلان د خلکو استازې نوریه حمیدي وايي، د دغه ولایت د دهنه‌غوري ولسوالي په مرکز کې د امنیتي ځواکونو پر پوستو د طالبانو په برید کې ۸ پولیس وژل شوي دي.

د نوموړي په وینا، دغه بریدونه بېګاه پیل شوي وو او د نن تر سهاره یې دوام وکړ. هغه زیاتوي، په نښتو کې د دوو قوماندانانو په ګډون، ۹ پولیس ټپیان شوي او څلور ټانګونه یې هم له منځه تللي دي.

د ولسي جرګې دا غړې د بغلان پر ولایتي چارواکو د نیوکې تر څنګ وايي، تر اوسه دهنه‌غوري ته مرستندویه ځواکونه نه دي لېږل شوي او د طالبانو لاس ته به ولوېږي.

د دهنه‌غوري ولسوالي محمدقسیم اندړ هم پر دې ولسوالي د طالبانو بریدونه مني او په وینا یې، د امنیتي ځواکونو جسدونه یې له ویجاړو شویو ځایونو را اېستلي دي.

طالب ډله بیا وايي چې پر دهنه‌غوري ولسوالي بریدونو کې یې ۸ پولیس وژلي او ۹ نور یې ټپیان کړي دي.

په همدې حال کې د ۲۰۹ شاهین قول‌اردو ویاند محمدحنیف رضايي وايي، طالب ډلې بېګاه د بلخ د چمتال ولسوالي پر سرآسیاب مرکز برید کړی چې له کبله یې ۵ امنیتي ځواکونه وژل شوي او ۲ نور ټپیان دي.

د نوموړي په وینا، د افغان ځواکونو او طالبانو ترمنځ جګړه کې د ملا معاذ په نوم یوه طالب قوماندان په ګډون، ۷ وسله‌وال وژل شوي او ۴ نور ټپیان دي.

طالبانو بیا ادعا کړې چې په یاده نښته کې یې ۱۱ امنیتي ځواکونه وژلي، دوه یې ټپیان کړي او ۵ نور یې له ځان سره بیولي دي، خو د ۲۰۹ شاهین قول‌اردو د طالب ډلې دا ادعا بې‌‌بنسټه بولي.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام