Asset 1SWN

کابل کې پر هوايي ډګر او د مزاري پر تلین‌غونډې د راکېټي بریدونو عاملان ونیول شول

images-2-270x148

د ملي امنیت عمومي ریاست وايي چې د دغه ریاست ځانګړو ځواکونو په کابل ښار کې د حقاني شبکې او داعش ډلې پنځه‌کسیزه ډله نیولې ده.

دغه ریاست نن په یوه خبرپاڼه کې لیکلي چې د حقاني شبکې او داعشیانو د دې هستې غړي یې د ۱۷مې امنیتي حوزې په اړونده سیمه کې نیولي دي.

د خبرپاڼه له مخې، دغه کسان جاوید، احمدمرید، روح‌الله، عبدالحفیظ او عبدالجبار نومېږي چې د کابل پر هوايي ډګر او عبدالعلي مزاري د تلین پر مراسمو یې د برید لپاره د راکېټونو د ساتلو، لېږد، ځای پرځای کولو، فعالولو او ویشتلو مسوولیت درلود.

د ملي امنیت عمومي ریاست دغه راز ویلي چې د ترهګرو یوه بله ښاري هسته یې هم په نښه کړې او ډېر ژر به یې ونیسي یا به یې هم موخه وګرځوي.

د ۱۳۹۷ کال د کب میاشتې په ۱۶مه په کابل ښار کې د عبدالعلي مزاري پر تلین‌غونډې راکېټي بریدونه وشول. په دغو بریدونو کې ۱۱ ملکیان ووژل شول او ۹۵ نور ټپیان شول.

دغه راز، د ۱۳۹۸ کال د کب په شپاړسمه د کابل ښار د شپږمې امنیتي حوزې په اړوند سیمه کې د نوموړي پر تلین‌غونډې وسله‌وال برید وشو چې له کبله یې ۳۲ کسان ووژل شول او ۸۱ نور ټپیان شول.

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام