د افغان دولت او ترکمنستان هېواد یو ګډ پلاوی پر اوو مهمو موضوعاتو بحث کوي. دا غونډه نن په هرات کې د دواړو هېوادونو د بهرنیو چارو وزیرانو په مشرتابه پیل او دوه ورځې به دوام وکړي.

د افغانستان د بهرنیو چارو وزیر محمدحنیف اتمر د غونډې په پیل کې وویل چې په یادو دوه‌ورځنیو خبرو اترو کې به د ټاپي پروژې، له ترکمنستان څخه هرات ته د برښنا مزو لېږد، د اوسپنې پټلۍ، ترکمنستان ته د هرات د مرمرو ډبرو صادراتو، د لاجوردو پر لارې سوداګرۍ او ټرانزیټ، کلتوري اړیکو او په افغانستان کې د سولې او امنیت په اړه بحث وشي.

د سلام‌وطندار پښتو فېسبوک‌پاڼه وڅارئ

نوموړي ټینګار وکړ چې یاد اووه موضوعات به د دواړو هېوادونو د نښلېدو او د اقتصادي ودې لپاره ګټور تمام شي. هغه د دغې دوه‌ورځنۍ غونډې د پایلو په اړه هیله‌مندي وښوده او په وینا یې، افغان پلاوي په پوره ژمنتیا په‌کې ګډون کړی دی.

 په همدې حال کې د ترکمنستان د بهرنیو چارو وزیر رشید مرادوف د یادې غونډې د جوړېدو موخه د دواړو هېوادونو ترمنځ د اړیکو پیاوړتیا وبلله او په خبره یې، یادې همکارۍ ستر مسوولیت دی.

رشید مرادوف د افغانستان او ترکمنستان پر کلتوري او تاریخي اړیکو د ټینګار ترڅنګ وویل، د دغو مشترکاتو پر بنسټ به پر یادو اوو اقتصادي موضوعاتو بحث ښې پایلې ولري.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام